ދިވެހިންނަށް ހާއްސަ ދާއިރާތަކުގައި ތިބި ބޭރުގެ 28 ކުންފުނި އުވާލައިފި
މިއީ 2024ވަނަ އަހަރު ރައީސުލްޖުމްހޫރިއްޔާ ތަސްދީގު ކުރެއްވި "އައު ފޮރިން އިންވެސްޓްމެންޓް" ޤާނޫނޫގެ ދަށުން އެޅި ފިޔަވަޅެކެވެ.
ދިވެހިންނަށް ޚާއްސަ ކުރެވިފައިވާ ވިޔަފާރީގެ ދާއިރާގައި ހަރަކާތްތެރިވުމަށް ރަޖިސްޓްރީކޮށްފައިވާ ބޭރުގެ 28 ކުންފުންޏެއްގެ މަސައްކަތް ހުއްޓުވައި އެ ކުންފުނިތައް އުވާލައިފި އެވެ.
އިކޮނޮމިކް މިނިސްޓްރީން މި ފިޔަވަޅު އެޅީ ދިވެހިންނަށް ފުރުސަތު ދިނުމުގެ ސިޔާސަތުގެ ދަށުން ޤާނޫނުގެ ދަށުން ރަޖިސްޓްރާ އޮފް ކޮމްޕެނީސްއަށް ލިބިފައިވާ ބާރުގެ ދަށުނެވެ. މި ބާރު ލިބިފައިވަނީ ފޮރިން އިންވެސްޓްމަންޓް އެންޓްރީ ރިކުއަރމެންޓްސް ނުވަތަ ދިވެހި ރާއްޖޭގައި އިންވެސްޓް ކުރުމުގެ ޝަރުތުތައް ޝާޢިއުކޮށްފައި މިދިޔަ އަހަރު ނެރުނު ގަވައިދާއެކުފަ އެވެ. މިއީ 2024ވަނަ އަހަރު ރައީސުލްޖުމްހޫރިއްޔާ ތަސްދީގު ކުރެއްވި "އައު ފޮރިން އިންވެސްޓްމެންޓް" ޤާނޫނޫގެ ދަށުން އެކުލަވާލެވުނު ޝަރުތުތަކެކެވެ.
އުވާލި ކުންފުނިތަކުގެ ލިސްޓް
- 1.އޭމް އޫބޯ ޕްރައިވެޓް ލިމިޓެޑް (C-1209/2017)
- 2.އެއަރ އެސްޓޭޓްސް ޕްރައިވެޓް ލިމިޓެޑް (C-0568/2017)
- 3.އައިސަވާން ޕްރައިވެޓް ލިމިޓެޑް (C06642018)
- 4.އަލް ފާރިސް ރިއަލް އެސްޓޭޓް ޕްރައިވެޓް ލިމިޓެޑް (C-0024/2017)
- 5.ބީ.އޯ.ބީޗް ފެޝަން ޕްރައިވެޓް ލިމިޓެޑް (C-0991/2017)
- 6.ބީސީ ކޮންޓެއިނަރ ލައިންސް މޯލްޑިވްސް ޕްރައިވެޓް ލިމިޓެޑް (C-0792/2015)
- 7.ބްލޫ ޕްލަސް ޕްރައިވެޓް ލިމިޓެޑް (C-1179/2016)
- 8.ކެރެޓާ މޯލްޑިވްސް ޕްރައިވެޓް ލިމިޓެޑް (C03222019)
- 9.ސެޔޯކާ އޯވަރސީސް ޕްރައިވެޓް ލިމިޓެޑް (C-0863/2015)
- 10.ކޯޓްވިޝަން މޯލްޑިވްސް ޕްރައިވެޓް ލިމިޓެޑް (C-0104/1994)
- 11.ފްރައިޓް ބްރިޖް އިންޓަނޭޝަނަލް މޯލްޑިވްސް ޕްރައިވެޓް ލިމިޓެޑް (C-0569/2014)
- 12.ފްރެޝް ކަޓްސުއޯ (މޯލްޑިވްސް) ޕްރައިވެޓް ލިމިޓެޑް (C-0908/2008)
- 13.ގްރޭންޑް އޯޝަން ޕްރައިވެޓް ލިމިޓެޑް (C-0317/2012)
- 14.އެޗް އެންޑް ޖޭ އިންޓަނޭޝަނަލް ޕްރައިވެޓް ލިމިޓެޑް (C-0414/2009)
- 15.އެޗްފޯއެމްކޭއެޗް އިންވެސްޓްމަންޓްސް ޕްރައިވެޓް ލިމިޓެޑް (C01542019)
- 16.ހިކާރީ އެމްއީސީ ސޮލިއުޝަން މޯލްޑިވްސް ޕްރައިވެޓް ލިމިޓެޑް (C00772019)
- 17.ހަމިންގބޯއި ފާރމްސް ޕްރައިވެޓް ލިމިޓެޑް (C-0225/2013)
- 18.ޖަނާ ޖެފަރީސް އެންޑް އެސޯސިއޭޓްސް ޕްރައިވެޓް ލިމިޓެޑް (C-0200/2017)
- 19.އެމް ޕްލަސް މޯލްޑިވްސް ޕްރައިވެޓް ލިމިޓެޑް (C-0230/2006)
- 20.ނައިންޓީ އީސްޓް މޯލްޑިވްސް ޕްރައިވެޓް ލިމިޓެޑް (C-0965/2016)
- 21.އޯޝަން އެއަރ ޕްރައިވެޓް ލިމިޓެޑް (C-0009/1999)
- 22.އޯޝަން ހާވެސްޓް (މޯލްޑިވްސް) ޕްރައިވެޓް ލިމިޓެޑް (C-0345/2000)
- 23.އޯޝަން ސްޕްރޭ ޕްރައިވެޓް ލިމިޓެޑް (C-0486/2011)
- 24.ސީ ކްރޮސް މޯލްޑިވްސް ޕްރައިވެޓް ލިމިޓެޑް (C-0554/2013)
- 25.ސްޓެޕް ކޮމްޕެނީ ޕްރައިވެޓް ލިމިޓެޑް (C-0002/2000)
- 26.ސަންސީކަރސް މޯލްޑިވްސް ޕްރައިވެޓް ލިމިޓެޑް (C-0141/1997)
- 27.ޔުނިވަރސަލް އޭވިއޭޝަން މޯލްޑިވްސް ޕްރައިވެޓް ލިމިޓެޑް (C05062018)
- 28.ޒަފީރޯ އިންޓަނޭޝަނަލް ގްރޫޕް ޕްރައިވެޓް ލިމިޓެޑް (C-0438/2016)
އުވާލަން ނިންމި ކުންފުނިތަކުގެ ތެރޭގައި ރާއްޖޭގައި ވިޔަފާރިކުރާތާ 27 އަހަރުވީ ބޭރު ކުންފުންޏެއްވެސް ހިމެނެ އެވެ. އެ ކުންފުންޏަކީ އޯޝަން އެއާ ޕްރައިވެޓް ލިމިޓެޑުގެ ނަމުގައި ހަރަކާތްތެރިވަމުން ދިޔަ ކުންފުންޏެކެވެ. މީގެ އިތުރުން ޔުނިވާސަލް އޭވިއޭޝަންގެ ނަމުގައި އެއާފްލައިޓުގެ ވިޔަފާރީގައި އުޅުނު ކުންފުންޏެއްވެސް ހިމެނެ އެވެ. އަދި ޝިޕިން އެންޑް ލޮޖިސްޓިކްގައި ހަރަކާތްތެރިވި ފްލައިޓް ބްރައިޑް އިންޓަނޭޝަނަލް ކުންފުނިވެސް ހިމެނެ އެވެ.
މި ގަވައިދާ ބެހޭ ގޮތުން އާ ފޮރިން އިންވެސްޓްމަންޓް ގާނޫނުން ބާރު ލިބިގެން ހެދި ގަވައިދާ ބެހޭ ގޮތުން އިކޮނޮމިކް މިނިސްޓަރު މުހައްމަދު ސައީދު ވިދާޅުވި ގޮތުގައި މި ބަދަލު ގެނައީ ބިޒްނަސް ކައުންސިލްގައި ސްޓޭކްހޯލްޑަރުންނާއެކު ގިނަ މަޝްވަރާ ތަކެއް ކުރުމަށްފަހު ކަމަށާ، މި މަޝްވަރާތަކުގައި އިންޑަސްޓްރީން އެދުނު ގޮތަށް މި ބަދަލު ގެންނަން ނިންމާފައިވާ ކަމަށާ މިއީ ދިވެހިންނަށް ފަހި ފުރުސަތުތަކެއް ދޭން ގެނެވުނު ބަދަލެކެވެ.
"ބިޒްނަސް ކައުންސިލްގައި ފުޅާކޮށް ސްޓޭކްހޯލްޑަރުންނާއެކު މަޝްވަރާ ކުރެވި އެ ބޭފުޅުން ގެންނަން ބޭނުންވި ބަދަލުތަކެއް މިއީ. ވަރަށް ބޮޑު ކޮންސެލްޓެންޓިވް ޕްރޮސެސްއަކަށްފަހު މި ބަދަލު ގެންނަނީ. މީގެ ކުރިން ދުވަހަކު ވެސް ނުގެންދާ ލެވަލްގައި ގެންދިޔައިން. ރާއްޖޭގެ ލޯޔަރުންނާއި ވިޔަފާރިތަކާ މަޝްވަރާކޮށް ކެބިނެޓުންވެސް މަޝްވަރާކުރި. އަދި އޭގެ ފަހުން ވެސް ބިޒްނަސް ކައުންސިލްގެ ލޯޔަރުންނާއެކު ވެސް ބައްދަލުވުންތައް ބޭއްވުނު،" ސައީދު ވިދާޅުވި އެވެ.
ބިދޭސީންނަށް ހަރަކާތެރި ނުވެވޭނެ ދާއިރާތައް
- ކަނޑު ދަތުރުފަތުރުގެ ދާއިރާ
- ރީޓެއިލް އަދި ހޯލްސޭލް ވިޔަފާރި
- މުދާ އުފުލުމުގެ ދާއިރާ ލޮޖިސްޓިކް ވިޔަފާރި
- ކޮންސްޓްރަކްޝަން 15 މިލިއަން ޑޮލަރަށްވުރެ ކުދި މަަޝްރޫއުތައް
- ރިސޯޓް ކޮންސްޓްރަކްޝަން 10 މިލިއަން ޑޮލަރުންވުރެ ކުދި މަޝްރޫއުތައް
- ރެސިޑެންޝަން ރިއަލްއެސްޓޭޓް 100 މިލިއަން ޑޮލަރަށްވުރެ ކުދި މަޝްރޫއުތައް
މި ބަދަލާއެކު ބޭރުގެ ފޮރިން އިންވެސްޓަރުންނަށް ބަންދު ކުރާ ދާއިރާތަކުގައި މިހާރު ތިބި އިންވެސްޓަރުން މި ދާއިރާ އިން ނުކުންނަން "ޓްރާންސިޝަން ޕީރިއަޑެއް" ދީފައިވެ އެވެ. މި ބައި ވަނީ ހަތަރު ކެޓަގަރީއަކަށް ބަހާލާފަ އެވެ. މިގޮތުން މި ކުންފުނިތައް ނުކުނަން އެއް އަހަރާއި ހަތް އަހަރުގެ މުއްދަތެއް ދޭނެ އެވެ. މީގެ އިތުރުން އިންވެސްޓްމަންޓުން އިންވެސްޓްކޮށްފައިވާ އަދަދަށް ވެސް ލިޔެކިޔުންތަކުގެ އަލީގައި އިކޮނޮމިކް މިނިސްޓްރީން ބަލާނެ އެވެ.
ކޮމެންޓް
Republic of Maldives