އޭޓީއެމްތަކާއެކު ބޮޑު ޑިމާންޑެއް | 100ރ. ގެ އާ ނޫޓު ސީރީޒެއް

މުޅިރާއްޖޭގައި ގިނަ އަދަދެއްގެ އޭޓީއެމް ބެހެއްޓުމާއެކު، 100ރ. ގެ ނޫޓު ދައުރުވުން އިތުރުވެ، 100ރ. ގެ އާ ނޫޓު ސީރީޒެއް ޗާޕު ކޮށްގެން ގެނެސްފި އެެވެ. 

އެމްއެމްއޭއިން ބުނީ ރަން ދިހަފަހެއް ނޫޓު ސީރީޒްގެ ނޫޓުތަކުގެ ތެރެއިން 100 ރުފިޔާގެ ނޫޓުގެ
ސްޓޮކް މަދުވުމުގެ ސަބަބުން މިއަދު އައު ސްޓޮކެއް ވަނީ ގެނެސްފައެވެ. މި ނޫޓަކީ މިހާރުގެ ގަވަރުނަރު އަހުމަދު މުނައްވަރު ސޮޔާއެކު ނެރުނު ފުރަތަމަ ނޫޓު ސީރީޒެވެ. 

އެމްއެމްއޭގެ ތަފާސް ހިސާބުތައް ދައްކާ ގޮތުން 500ރގެ ނޫޓު ފިޔަވައި ދެން އެންމެ ގިނައިން ސާކިއުލޭޓް ވަމުން ގެންދަނީ 100ރ. ގެ ނޫޓުތަކެވެ. 

މިދިޔަ ހަތަރު އަހަރަށް ބަލާއިރު އެންމެ ގިނައިން ސާކިއުލޭޝަންގައި ދައުރުވަމުންދާ 500ރ. 25,277,207 މިލިއަން ގެ ނޫޓު ދައުރުވަމުންދެ އެވެ. އަދި 100ރ. ގެ 12,446,093 މިލިއަން ނޫޓު ސާކިއުލޭޝަންގައި ދައުރުވަމުންދެ އެވެ. 

އާ ނޫޓު ޗާޕު ކުރަން ޖެހޭ ބައެއް ސަބަބުތައް - ނޫޓަކީ އަތުން އަތަށް ގޮސް، ގިނަ ދުވަސްވުމުން ބާވެ، ކުލަ ފަނޑުވެ، ނުވަތަ ވީދޭ އެއްޗެކެވެ. އެހެންވުމުން ނޫޓު ބާވުމުން އޭގައި ހުންނަ ސަލާމަތީ ސިފަތައް ދެނެގަންނަން އުނދަގޫވެއެވެ.
އަދި އޭޓީއެމް ފަދަ މެޝިންތަކުން ބާ ނޫޓު ބަލައެއް ނުގަންނާނެ އެވެ. އެހެންކަމުން، ބާވާ ނޫޓުތައް ނައްތާލައި، އޭގެ ބަދަލުގައި އައު ނޫޓު ބާޒާރަށް ނެރެންޖެހެ އެވެ. އަނެއް ސަބަބަކީ ގައުމެއްގެ އިޤްތިޞާދު ކުރިއަރައި، މުދަލާއި ޚިދުމަތް ގަނެވިއްކުން އިތުރުވުމުން ބާޒާރުގައި ދައުރުވާ ފައިސާގެ މިންވަރު އިތުރުކުރަން ޖެހެ އެވެ. މީހުން ގިނަވާވަރަކަށް ދުވަހުން ދުވަހަށް ކުރާ މުއާމަލާތްތަކަށް ބޭނުންވާ ނަގދު ފައިސާގެ މިންވަރު އިތުރުވެ އެވެ. ނޫޓު ސީރީޒް އަލުން ޗާޕު ކުރަން ޖެހޭ އަނެއް ސަބަބަކީ އިގްތިސޯދުގައި ފުޅާވުމާއެކު ފައިސާގެ ދައުރުވުން އިތުރުވުމެވެ. 

ކިޔާލަން - ފައިސާ ދައުރުވުން 26 ޕަސެންޓް މައްޗަށް | ގިނައީ 500ރ. ، މަަދީ 1،000ރ.