އެލްޖީ ކޮންފަރެންސް | ޒަމާނީ ޓެކްނޮލޮޖީ، ރާއްޖެއާ ގުޅޭ ގިނަ އުފެއްދުންތަކެއް

ދެކުނު ކޮރެއާގެ އެލްޖީގެ އަސްލު ފެށުން އައީ 1947 ގައި ކޫ އިން-ހުއީގަ އެވެ. މިއީ މިހާރު ދުނިޔޭގެ އެންމެ ކުރިއަރާފައިވާ އެއާކޮންޑިޝަން އުފައްދާ ކުންފުންޏެވެ. މި ކުންފުނީގެ އުފެއްދުންތަކުގައި ހާއްސަ ސިފަތަކެއް ހުރެ އެވެ. އެއް ކަމަކީ އެލްޖީގެ އެއާކޮންޑިޝަންތަކަކީ ތިމާވެއްޓާ ރަހުމަތްތެރި އެއްޗިއްސަށްވުމެވެ. އާއްމު އުފެއްދުންތަކަށްވުރެ ހަރަދު ކުޑަވުމެވެ. އެލްޖީ އާއި ޕްރޯއޭސީ އިން އެންމެފަހުން ބޭއްވި އެލްޖީ ކޮންފަރެންސުގައި ދައްކާލީ މި ޓެކްނޮލޮޖީ އެވެ. 

"އެލްޖީން [ވިޔަފާރިތަކަށް] ހާއްސަކޮށް މި ދެނީ އެންމެ ޒަމާނީ ޓެކްނޮލޮޖީގެ ކުރިއެރުން. މިއީ ހަމައެކަނި ފިނި ކޮށްދޭ އޭސީ ސިސްޓަމްތަކެއް ނޫން. މިއީ ތިޔަ ފަރާތްތަކުގެ ވިޔަފާރިއަށް ކުރިއެރުން ގެނެސްދޭނެ އުފެއްދުންތަކެއް،" އެލްޖީ އޭސީ ސިސްޓަމްތަކުގެ ހާއްސަކަން ކިޔައި ދެއްވަމުން އެލްޖީ ސިންގަޕޫރުގެ އިސް ވެރިއަކު މި ކޮންރެންސުގައި ވިދާޅުވި އެވެ. 

ދައްކާލި ޓެލްނޮލޮޖީގެ ހާއްސަ ސިފަތައް - އެލްޖީ އެއާ ކޮންޑިޝަން ސިސްޓަމްތަކުގެ އެންމެ ހާއްސަ އެއް ސިފައަކީ ޑުއަލް އިންވާޓާ ޓެކްނޮލޮޖީ އެވެ. އަދި އެނާޖީ ސޭވްކުރުމަށްޓަކައި އެކޮމްޕްރެސާގައި ދެ ރޮޓޯ ހަރުކޮށްފަ ހުރުމުގެ ސަބަބުން ފިނިކުރަން ބޭނުންވާ މިންވަރަށް ބަލާފައި ކޮމްޕްރެސަރުގެ ސްޕީޑް ބަދަލުކޮށްދެ އެވެ. މީގެ ސަބަބުން އެނާޖީ ބޭނުންކުރާ މިންވަރު އާއްމު އޭސީތަކަށްވުރެ 70 ޕަސެންޓް ކުޑަކޮށްދެ އެވެ. މީގެ އިތުރުން ސްޕީޑް ކޫލިން ޓެކްނޮލިޖީގެ ސަބަބުން އާދަޔާ ހިލާފަށް އެހެން އޭސީތަކަށްވުރެ 40 ޕަސެންޓް އަވަހަށް ފިނިކޮށްދެ އެވެ. އަނެއް ހާއްސަ ސިފައަކީ އަޑު މަޑުކަމެވެ. މި ކޮމްޕްރެސާ މަސައްކަތްކުރާއިރު ނެރޭ އަޑު ވަރަށް ބޮޑުތަން ކުޑަ އެވެ. މީގެ އިތުރުން މިއީ އުމުރު ދިގު އޭސީތަކެވެ. މި އޭސީތަކަށް ޕްރޯއޭސީއިން ފަސް އަހަރުގެ ވޮރަންޓީއެއްވެސް ދެ އެވެ. 

ޒަމާނަށް އައި ބަދަލާއެކު އަންނަ ބަދަލު ވަނީ ކޮރެއާގެ މި ޓެލްނޮލޮޖީގެ ތެރެއަށް ލާފަ އެވެ.  މި އޭސީތަކުގައި އާޓިފިޝަލް އިންޓެލިޖެންސް (އޭއައި) އަދި ތިންކިއު ސްމާޓް ފީޗާ ހިމަނާފައިވެ އެވެ. މި ފީޗާސްތަކުގެ ސަބަބުން އެއާ ކޮންޑިޝަނަރުގެ ބޭނުންކުރުން ހިތްފަސޭހަވެ، މާ ހުޝިޔާރުވެގެންދެ އެވެ. އޭއައި  ޑުއަލް އިންވާޓާގެ ސަބަބުން މީހުން ކޮޓަރީގައި ހަރަކާތްތެރިވާ ގޮތާއި މީހުން އެސީ ބޭނުންކުރާ އާދަތައް ދަސްކޮށް އެންމެ އެކަށޭނަ ފިނިމިން އަމިއްލަ އަށް ކަނޑައެޅުމުގެ ގާބިލްކަން ލިބިގެންވެ އެވެ. މީހެ އިތުރުން ހިއުމަން ޑިޓެކްޓިން ސެންސާގެ ސަބަބުން ކޮޓަރީގައި މީހަކު ހުރިތޯ ބަލައި، މީހަކު ނެތް ނަމަ އަމިއްލައަށް އެނާޖީ ސޭވިން މޯޑަށް ބަދަލުވެ އެވެ.