ޖަމީލު ފަނޑިޔާރު ކަމުގެ ހުވާ ކުރެއްވީ މިރޭ ސުޕްރީމް ކޯޓުގައި ބޭއްވި ހާއްސަ ރަސްމިއްޔާތެއްގަ އެވެ. ފަނޑިޔާރުކަމުގެ ލިޔުން ހަވާލު ކުރެއްވީ ޖުޑިޝަލް ސާވިސް ކޮމިޝަން (ޖޭއެސްސީ) ގެ ރައީސް ހުސައިން ރިޒާ އާދަމް އެވެ.
ޖަމީލު ފަނޑިޔާރު ކަމުގެ ހުވާ ކުރެއްވީ މިރޭ ސުޕްރީމް ކޯޓުގައި ބޭއްވި ހާއްސަ ރަސްމިއްޔާތެއްގަ އެވެ. ފަނޑިޔާރުކަމުގެ ލިޔުން ހަވާލު ކުރެއްވީ ޖުޑިޝަލް ސާވިސް ކޮމިޝަން (ޖޭއެސްސީ) ގެ ރައީސް ހުސައިން ރިޒާ އާދަމް އެވެ.
ޖަމީލަކީ 10 އަހަރު ސިވިލް ކޯޓުގެ ގާޒީކަން ކުރެއްވި ބޭފުޅެކެވެ. އޭގެ ކުރިން އޭނާ ވަނީ މެޖިސްޓްރޭޓްކަން ކުރައްވާފަ އެވެ. ސިވިލް ކޯޓުގަ ގާޒީކަން ދޫކޮށްލެއްވުމަށްފަހު 2019 ވަނަ އަހަރުން ފެށިގެން ވަނީ ގާނޫނީ ވަކީލެއްގެ ގޮތުގައި މަސައްކަތް ކުރައްވާފަ އެވެ.
ޖަމީލުގެ އިތުރުން ދެން ހައިކޯޓަށް އައްޔަނު ކުރަން ޖޭއެސްސީން ނިންމީ ހޯމް މިނިސްޓްރީގެ ކުރީގެ ޑެޕިއުޓީ މިނިސްޓަރު މުހައްމަދު ޝަހީދެވެ. ނަމަވެސް އޭނާއަކީ ވަރަށް ފަހަކާ ޖެހެންދެން ވެސް ސިޔާސީ ގޮތުން ހަރަކާތްތެރިވަމުން އައި ފަރާތަކަށްވާތީ ވަރަށް ބޮޑަށް ފާޑުކިޔުން އަމާޒުވުމުން މިއަދު ވަނީ ނަން އަނބުރާ ގެންގޮސްފަ އެވެ.
ފަނޑިޔާރު ކަމުގެ ހުވާ ކުރުމަށް މިރޭ ތައްޔާރުވެފައި ވަނިކޮށް ނަން ނެގުމަށް މިއަދު އޭނާ ވަނީ ސިޓީއަކުން ޖޭއެސްސީއަށް ހުށަހަޅައިފަ އެވެ. އޭނާ ވިދާޅުވެފައި ވަނީ ނަން ނަގަން ހުށަހެޅުއްވީ އޭނާ އަކީ ސިޔާސީ މީހެއް ކަމަށް ސިފަކުރަމުންދާތީ، ފަނޑިޔާރުންގެ ނަޒާހާތްތެރިކަމާމެދު އާންމުންގެ ހިތުގައި ސުވާލު އުފައްދަން ބޭނުން ނުވާތީ ކަމަށެވެ.
ޝަހީދަކީ ޕީޕީއެމް / ޕީއެންސީގެ ސިޔާސީ ގިނަ ހަރަކާތްތަކެއްގައި ބައިވެރިވެ، ޕޯޑިއަމްތަކުގައި ވެސް ވާހަކަ ދައްކަވާ ބޭފުޅެކެވެ. އޭނާ އަކީ މި ސަރުކާރުގެ މީގެ ކުރިން ހޯމް މިނިސްޓްރީގެ ޑެޕިއުޓީ މިނިސްޓަރުގެ މަގާމުގައި ވެސް ހުންނެވި ބޭފުޅެކެވެ.