ފާޑުކިޔުން އަމާޒުވުމުން ޝަހީދުގެ ނަން އަނބުރާ ގެންދަން ހުށަހަޅައިފި

ޖޭއެސްސީގެ އެ ނިންމުމާ ގުޅިގެން ވަރަށް ބޮޑަށް ވަނީ ފާޑުކިޔުން އަމާޒުވެފަ އެވެ. ގާނޫނީ ވަކީލުންނާއި ސިޔާސީ ޕާޓީތަކުގެ އިތުރުން އާންމުން ވެސް ވަނީ އޭނާ އަކީ ފަނޑިޔާރު ކަމަށް ޝަރުތު ހަމަވާ މީހެއް ނޫން ކަމަށް ބުނެ ފާޑުކިޔައިފަ އެވެ.

ހައިކޯޓުގެ ފަނޑިޔާރު ކަމަށް އައްޔަނު ކުރަން ނިންމި މުހައްމަދު ޝަހީދު: އޭނާ ވަނީ ނަން އަނބުރާ ގެންދަން ހުށަހަޅާފައި --

ހައި ކޯޓުގެ ފަނޑިޔާރު ކަމަށް އައްޔަން ކުރުމަށް ނިންމާފައިވާ ގާނޫނީ ވަކީލް، މުހައްމަދު ޝަހީދުގެ ނަން އަނބުރާ ގެންދިއުމަށް ޖުޑިޝަލް ސާވިސް ކޮމިޝަން (ޖޭއެސްސީ) އަށް އޭނާ ހުށަހަޅުއްވައިފި އެވެ.

ޕީއެންސީގެ މެންބަރެއްގެ ގޮތުގައި މިހާރު ވެސް އޮތް ޝަހީދު، ހައިކޯޓުގެ ފަނޑިޔާރު ކަމަށް އައްޔަނު ކުރަން ޖޭއެސްސީން ނިންމީ މިދިޔަ ބުދަ ދުވަހު އެވެ. 

ޖޭއެސްސީގެ އެ ނިންމުމާ ގުޅިގެން ވަރަށް ބޮޑަށް ވަނީ ފާޑުކިޔުން އަމާޒުވެފަ އެވެ. ގާނޫނީ ވަކީލުންނާއި ސިޔާސީ ޕާޓީތަކުގެ އިތުރުން އާންމުން ވެސް ވަނީ އޭނާ އަކީ ފަނޑިޔާރު ކަމަށް ޝަރުތު ހަމަވާ މީހެއް ނޫން ކަމަށް ބުނެ ފާޑުކިޔައިފަ އެވެ.

ފަނޑިޔާރު ކަމުގެ ހުވާ ކުރުމަށް މިރޭ ތައްޔާރުވެފައި ވަނިކޮށް ނަން ނެގުމަށް މިއަދު ވަނީ ސިޓީއަކުން ޖޭއެސްސީއަށް ހުށަހަޅައިފަ އެވެ. އޭނާ ވިދާޅުވެފައި ވަނީ ނަން ނަގަން ހުށަހެޅުއްވީ އޭނާ އަކީ ސިޔާސީ މީހެއް ކަމަށް ސިފަކުރަމުންދާތީ، ފަނޑިޔާރުންގެ ނަޒާހާތްތެރިކަމާމެދު އާންމުންގެ ހިތުގައި ސުވާލު އުފައްދަން ބޭނުން ނުވާތީ ކަމަށެވެ.

ފަނޑިޔާރު ކަމުގެ މަގާމަށް ޝަހީދު ޝަރުތު ހަމަނުވާ ކަމަށް ބުނެ ސިވިލް ކޯޓަށް ވަނީ މައްސަލައެއް ވެސް ހުށަހަޅައިފަ އެވެ. އެ މައްސަލަ އެ ކޯޓުން މިހާރު ވަނީ ބަލައިގެންފަ އެވެ.

ޝަހީދަކީ ޕީޕީއެމް / ޕީއެންސީގެ ސިޔާސީ ގިނަ ހަރަކާތްތަކެއްގައި ބައިވެރިވެ، ޕޯޑިއަމްތަކުގައި ވެސް ވާހަކަ ދައްކަވާ ބޭފުޅެކެވެ. އޭނާ އަކީ މި ސަރުކާރުގެ މީގެ ކުރިން ހޯމް މިނިސްޓްރީގެ ޑެޕިއުޓީ މިނިސްޓަރުގެ މަގާމުގައި ވެސް ހުންނެވި ބޭފުޅެކެވެ.

ހައިކޯޓަށް ދެން އައްޔަނު ކުރަން ޖޭއެސްސީން ނިންމީ ސިވިލް ކޯޓުގެ ކުރީގެ ގާޒީ އަބްދުﷲ ޖަމީލް މޫސާ އެވެ. 

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.