އާ ޓާމިނަލުން ފުރަތަމަ މަރުހަބާކީ ގައުމީ އެއާލައިން
އިންޑިއާގެ ކޮޗިން އިން އައި މި ފްލައިޓުން އައި ފަސިންޖަރުން އާ ޓާމިނަލްއަށް ފައިބާފައިވަނީ ޓާމިނަލްގައި ގާއިމްކޮށްފައިވާ އޭރޯބްރިޖުންނެވެ. މި ދަތުރުގައި ބޭނުންކޮށްފައިވަނީ މޯލްޑިވިއަންގެ ބޮޑު ބޯޓް އެއާބަސް އޭ 330 ގެ ބޯޓެކެވެ.
ޒަމާނީ ހިދުމަތްތަކާއެކު އަލަށް ހުޅުވި އާ އިންޓަނޭޝަނަލް ޓާމިނަލްއިން ފުރަތަމަ މަރުހަބާކީ އެއާލައިންގެ ޝަރަފު ގައުމީ އެއާލައިންއަށް ލިބިއްޖެ އެވެ.
ގައުމީ އެއާލައިން އިން އާ އިންޓަނޭޝަނަލް ޓާމިނަލްގެ ޓާމިނަލް 1 އަށް އިންޑިއާގެ ކޮޗިން އިން އައި ބޯޓަށް މަރުހަބާ ވިދާޅުވީ ޓޫރިޒަމް މިނިސްޓަރު ތޯރިގު އިބްރާހިމްގެ އިތުރުން ފިނޭންސް މިނިސްޓަރު މޫސާ ޒަމީރު އެވެ. މީގެ އިތުރުން މި ރަސްމިއްޔާތުގައި އެމްއޭސީއެލްގެ ޗެއާޕާސަން އައިޝާ ނޫރެއިން ޖަނާހު އާއި އެމްޑީ އިބްރާހިމް ޝަރީފު މުހައްމަދު އެވެ.
އިންޑިއާގެ ކޮޗިން އިން އައި މި ފްލައިޓުން އައި ފަސިންޖަރުން އާ ޓާމިނަލްއަށް ފައިބާފައިވަނީ ޓާމިނަލްގައި ގާއިމްކޮށްފައިވާ އޭރޯބްރިޖުންނެވެ. މި ދަތުރުގައި ބޭނުންކޮށްފައިވަނީ މޯލްޑިވިއަންގެ ބޮޑު ބޯޓް އެއާބަސް އޭ 330 ގެ ބޯޓެކެވެ.
އާ ޓާމިނަލްގައި ހިމެނޭ ބައިތައް
- 47 ޗެކިން ކައުންޓަރު
- ހަ ސެލްފް ސާވިސް ކައުންޓަރު
- 20 ޑިޕާޗާ އިމިގްރޭޝަން ކައުންޓަ
- އޭވިއޭޝަން ސެކިއުރިޓީގެ ޗެކްޕޯސްޓުތައް
- 28 އިމިގްރޭޝަން ކައުންޓަރު
- 12 ޕަސެންޖާ ބޯޑިން ގޭޓު (އެރައިވް 6، ޑިޕާޗާ 6)
- ހަ ބެގޭޒް ކްލެއިމް ބެލްޓު (އޯވަސައިޒް ލަގެޖް ބެލްޓާއެކު)
- ކަސްޓަމްސް ޗެކް ޕޯސްޓް
- ކެއިން ބުއިމުގެ ހާއްސަ ވަސީލަތްތައް
މި ޓާމިނަލް ނިންމަން ދައުލަތުން ގާތްގަނޑަކަށް 457 މިލިއަން ޑޮލަރު (ގާތްގަނޑަކަށް ހަތް ބިލިއަން ރުފިޔާ) ގެ ލޯނު ނަގާފައިވެ އެވެ. މި ޓާމިނަލް ނިންމަން އެންމެ ބޮޑު އެހީތެރިކަމެއް މާލީ ގޮތުން ދީފައިވަނީ ސައޫދީ އަރަބިއްޔާއަށް ނިސްބަތްވާ ސައޫދީ ފަންޑުންނެވެ. ސައޫދީ އަރަބިއްޔާގެ ބިންލާދިން ގްރޫޕާ ހަވާލުކޮށްގެން ތަރައްގީ ކުރާ މި ޓާމިނަލް ނިންމަން ސައޫދީ ފަންޑުން 217 މިލިއަން ޑޮލަރުގެ ލޯނު ދީފައިވެ އެވެ. އަދި ދެވަނައަށް އެންމެ ގިނައިން ލޯނު ދިން ކުވެއިތު ފަންޑުން 100 މިލިއަން ޑޮލަރުގެ ލޯނު ދީފައިވެ އެވެ. އަދި އަބޫދާބީ ފަންޑުން 90 މިލިއަން ޑޮލަރު އަދި ކުވެއިތު ފަންޑުން 100 މިލިއަން ޑޮލަރުގެ ލޯނު ދީފައިވެ އެވެ.
ކޮމެންޓް
Republic of Maldives