މުސާރަަ ނުލިބިގެން ބިދޭސީންތަކެއް މުލިއާގެ ކައިރިއަށް؛ 55 މީހަކު އިމިގްރޭޝަންގެ ބެލުމުގެ ދަށަށް
މުލިއާގެ ކައިރިއަށް އެއްވެ އިހުތިޖާޖުކުރި ބިދޭސީންގެ ތެރެއިން 55 ބިދޭސީއަކު އިމިގްރޭޝަނާ ހަވާލުކޮށްފަައިވާކަމަށް ފުލުހުން ބުނެފައިވެ އެވެ.
މުސާރަ ނުލިބޭކަމަށް ބުނެ ބިދޭސީ މަސައްކަތްތެރިންތަކެއް ރިޔާސީ ގަޑުވަރު މުލިއާގެ ހުންނަ ސަރަހައްދަށް އެއްވެސް އިހުތިޖާޖުކުރުމާ ގުޅިގެން އެއިން 55 މީހަކު އިމިގްރޭޝަނުގެ ބެލުމުގެ ދަށަށް ގެނެސްފި އެވެ.
ބިދޭސީން ފުރަތަމަ އެއްވީ މުލިއާގެ ކައިރިއަށެވެ. އެތަނަށް އެއްވުމުން އެ ސަރަހައްދަށް ފުލުހުން އައިސް އެމީހުން އެތަނުން ފަހަތަށް ޖެއްސި އެވެ. ފަހުން މަޖީދިއްޔާ ސްކޫލު ކައިރިއަށް އެއްވެ އެ ސަރަހައްދުގައި ތިބެ އެމީހުންވަނީ އިހުތިޖާޖުކޮށްފަ އެވެ.
ފުލުހުން އެ ސަރަހައްދަށް އައިސް އެތަނުގައި ތިބި ބިދޭސީންގެ ތެރެއިން ގިނަ ބަޔަކު ފުލުހުންގެ ވެހިކަލަކަށް އަރުވައިގެން ގެންދިޔަ މަންޒަރު އެ ސަރަހައްދުގައި ހަރަކާތްތެރިވި ނޫސްވެރިންނަށްވަނީ ފެނިފަ އެވެ.
ފުލުހުން ބުނި ގޮތުގައި އެ ސަރަހައްދަށް އެއްވީ އިންޑިޔާއަށާއި ބަންގުލަދޭޝަށް ނިސްބަތްވާ މަސައްކަތްތެރިންނެވެ. އެމީހުންނަކީ ކޮން ކުންފުންޏެއްގައި މަސައްކަތްކުރާ ބައެއްކަން މިހާތަނަށް ކަށަވަރުނުވެ އެވެ. އެމީހުން ތެރެއިން ހައްޔަރުކުރީ:
- އިންޑިޔާގެ 38 މީހެއް
- ބަންގުލަދޭޝްގެ 17 މީހެއް
އިއްޔެ އިރުއޮއްސުނު ވަގުތު އާޓިފިޝަލް ބީޗު ސަރަހައްދުގައި ބިދޭސީންތަކެއްގެ މެދުގައި މާރާމާރީއެއް ހިނގާފައިވެ އެވެ. ހަފުތާ ބަންދުގައި މަސްތުގެ ހާލަތުގައި އުޅޭ ބިދޭސީންގެ މެދުގައި މާރާމާރީތައް ހިނގުމަކީ އާންމުކަމެކެވެ.
އެ މާރާމާރީއާ ގުޅިގެން ކޮމިޝަނާ ޖެނެރަލް އޮފް އިމިގްރޭޝަން މުހައްމަދު ޝަމްއާން ވަހީދު ވިދާޅުވެފައިވަނީ އެ މައްސަލަ ބަލައި އެކަމުގައި ބައިވެރިވި މީހުންނާމެދު ފިޔަވަޅު އަޅުއްވާނެ ކަމަށެވެ.
ކޮމެންޓް
Republic of Maldives