ނަގިއްޔެއް ވަގަށް ނެގި މީހާ ބުނީ އެއީ ފުލުހާ ހަވާލު ކުރަން ގެންދިޔަ އެއްޗެއް ކަމަށް
ވައްކަމުގެ މި މައްސަލައިގައި ހައްޔަރުކޮށްފައިވަނީ ހއ. ހޯރަފުށި، މިރިހިމާގެ، މުހައްމަދު ހާރިޝް،40އ، އެވެ.
ނަގިއްޔެއް ވަގަށް ނަގައިގެން ދިޔަ މީހަކު ހައްޔަރު ކުރުމުން، އެއީފުލުހުންގެ އިދާރާއާއި ހަވާލު ކުރުމަށް ގެންދިޔަ ނަގިއްޔެއް ކަމަށް ބުނެފިއެވެ.
ވައްކަމުގެ މި މައްސަލައިގައި ހައްޔަރުކޮށްފައިވަނީ ހއ. ހޯރަފުށި، މިރިހިމާގެ، މުހައްމަދު ހާރިޝް،40އ، އެވެ. އޭނާ ހައްޔަރުކޮށް ބަންދާމެދު ގޮތެއް ނިންމުމަށް ކުރިމިނަލް ކޯޓަށް ހާޒިރުކުރުމުން ކޯޓުން ވަނީ އޭނާ ހަތް ދުވަހަށް ބަންދު ކުރުމަށް އަމުރުކޮށްފައެވެ.
ބަންދު އަމުރުގައިވާ ގޮތުން އޭނާ އަކީ މިބާވަތުގެ ކުށުގެ ރެކޯޑު އޮންނަ މީހެކެވެ.
އެނާ ވަނީ ވައްކަން ކުރި ކަމަށް އިންކާރުކޮށްފައެވެ. އެގޮތުން އޭނާ ބުނީ ވަގަށް ނެގި ކަމަށް ބުނާ ނަގިއްޔަކީ ބަޔަކު މަގުމަތީގައި ބާއްވާފައި ދިޔަ އެއްޗެއް ކަމަށާއި، އޭނާ އެ ނަގައިގެން ފުލުހުންގެ އިދާރާ އާއި ހަވާލު ކުރުމަށް ދިޔަ މަގުމތީގައި ފުލުހުންނަށް ފެނިގެން ހައްޔަރުކުރީ ކަމަށެވެ.
މީގެ އިތުރުން އޭނާ ބުނެފައިވަނީ އެކަން ސީސީޓީވީ ފުޓޭޖުންވެސް ފެންނަ ހުންނާނެ ކަމަށާއި އެކަން އެނގޭނެ ކަމަށެވެ. އެހެން ނަމަވެސް އޭނާ ބުނި އެއްވެސް ކަމެއް ސީސީޓީވީ ފުޓޭޖުން ނުފެންނަ ކަމަށް އައިއޯ ވަނީ ފާހަގަކޮށްފައެވެ.
ކޮމެންޓް
Republic of Maldives