ފަސް އަހަރު ތެރޭ މާރާމާރީގެ 371 މަައްސަލައެއްގައި ދައުވާކުރަން ފޮނުވި

ފާއިތުވި ފަސް އަހަރު ދުވަހުގެ ތެރޭގައި ޖުމްލަ 371 މާރާމާރީގެ މައްސަލާގައި ދައުވާކުރުމަށް ފުލުހުންގެ ހިދުމަތުން ޕްރޮސެކިއުޓާ ޖެނެރަލްގެ އޮފީހަށް ފޮނުވާފައިވެ އެވެ. 

"މިރާ"އިން އެދިގެން ފުލުހުންގެ ހިދުމަތުން ހިއްސާކުރި ތަފާސްހިސާބުތަކުން އެނގޭ ގޮތުގައި ފާއިތުވި ދިހަ އަހަރު 1،196 މާރާމާރީގެ މައްސަލަައެއްގައި ދައުވާކުރުމަށް ޕީޖީ އޮފީހުން ފޮނުވާފައިވެ އެވެ. މި މައްސަލަތަކުގެ ތެރެއިން ބޮޑު ބަޔަކީ 2013 އިން 2018 އާ ދެމެދު ޕީޖީ އޮފީހަށް ދައުވާކޮށްދިނުން އެދި ފޮނުވި މައްސަލަތަކެވެ. 

ފުލުހުންގެ ތަފާސްހިސާބުތަކުން ފެންނަ ގޮތުގައި 2019 ވަނަ އަހަރުން ފެށިގެން ފުލުހުން އިދާރާއިން ތަހުގީގުކޮށް ނިންމި މާރާމާރީގެ މައްސަލަތަކާއި ދައުވާކުރަން ޕީޖީ އޮފީހަށް ފޮނުވި މާރާމާރީގެ މައްސަލަތަކުގެ އަދަދުވެސް ދަށްވެފައިވެ އެވެ. 

އެގޮތުން 2013 އިން 2018 ގެ ނިޔަލަށް ޖުމްލަ 5،602 މައްސަލައެއް ތަހުގީގުކޮށް ނިންމާފައިވެ އެވެ. އަދި 1،196 މައްސަލައެއް ޕީޖީ އޮފީހަށް ފޮނުވާފައިވެ އެވެ. ނަމަވެސް 2019 އިން 2023 ގެ ނިޔަލަށް ތަހުގީގުކޮށް ނިންމާފަައިވަނީ 3،075 މައްސަ އެވެ. އެއީ އޭގެ ކުރީ ފަސް އަހަރާ އަޅާބަލާއިރު %45.1 ގެ މަދުވުމެކެވެ. 

އަދި ފާއިތުވި ފަސް އަހަރު ފުލުހުން ޕީޖީ އޮފީހަށް ދައުވާކުރަން ފޮނުވި މާރާމާރީގެ މައްސަލަތަަކުގެ ނިސްބަތްވަނީ އޭގެ ކުރީ ފަސް އަހަރާ އަޅާބަލާއިރު %68.9 ދަށްވެފަ އެވެ.