ޑެފިސިޓު ކުޑަނުކުރެވުމުން މިހާރު ލުއިގޮތަކަށް ދަރަނި ހޯދަން ދަތި: ޒަމީރު
"މިހާލަތުން އަރައިގަނެ، ފައިނޭންސް ބޭނުންވާ މިންވަރު ކުޑަކުރުމަށް އާމްދަނީ އިތުރުކޮށް، ޚަރަދު ކުޑަކުރަން ގިނަ ފިޔަވަޅުތަކެއް އެއްފަހަރާ ތަންފީޒުކުރަންޖެހޭ.،" ޒަމީރު ވިދާޅުވި އެވެ.
ދައުލަތުގެ ބަޖެޓު ޑެފިސިޓު ކުޑަނުކުރެވުމާއި ފައިނޭންސް ހޯދަންޖެހޭ މިންވަރު ކުޑަނުކުރެވުމުގެ ސަބަބުން ލުއި ގޮތްތަކެއްގައި ދަރަނި ހޯދުމަށް މިހާރު ދަތިވާކަމަށް ފިނޭންސް މިނިސްޓަރު މޫސާ ޒަމީރު ވިދާޅުވެއްޖެ އެވެ.
ސަރުކާރުގެ ފަރާތުން ހުށަހަޅާ ސަޕްލިމަންޓަރީ ބަޖެޓު ހުށަހަޅުއްވަމުން ޒަމީރު ވިދާޅުވީ ލުއި ގޮތެއްގައި ދަރަނި ނަގަން ދަތިވުމުގެ ސަބަބުން ސަރުކާރުގެ މާލިއްޔަތަށާއި ދައުލަތުގެ ރިޒާވަށްވެސް ބުރަ ބޮޑުވެފައިވާ ކަމަށެވެ. އަދި އެ ހާލަތުން އަރައިގަނެ ފައިނޭންސްކުރަންޖެހޭ މިންވަރު ކުޑަކުރުމަށް ގިނަ އިސްލާހީ ފިޔަވަޅުތަކެއް އަޅަންޖެހޭ ކަމުގައި މިނިސްޓަރު ވިދާޅުވި އެވެ.
އަދި އަންނަ އަހަރަށް ލަފާކޮށް ހުށަހަޅާ 2025 ވަނަ އަހަރުގެ ބަޖެޓާއި މެދުރާސްތާގެ ބަޖެޓުގައި އެ އިސްލާހުތައް ގެނައުމަށް ގިނަަ ކަންތައްތަކެއް ހިމަނުއްވާފައިވާ ކަމަށާއި، އިސްލާހީ ފިޔަވަޅުތައް ގުޅިފައިވަނީ ރަނގަޅު ނުކުރެވިއްޖެނަމަ ރައްޔިތުންގެ ދިރިއުޅުމަށް އަސަރުކުރާނެ ކަމުގައިވެސް އޭނާ ފާހަގަކުރެއްވި އެވެ.
"މިހާލަތުން އަރައިގަނެ، ފައިނޭންސް ބޭނުންވާ މިންވަރު ކުޑަކުރުމަށް އާމްދަނީ އިތުރުކޮށް، ޚަރަދު ކުޑަކުރަން ގިނަ ފިޔަވަޅުތަކެއް އެއްފަހަރާ ތަންފީޒުކުރަންޖެހޭ.،" ޒަމީރު ވިދާޅުވި އެވެ.
އެގޮތުން މިހާރުވެސް ބައެއް އިސްލާހީ ފިޔަވަޅުތައް އަޅަން ފެށިފައިވާކަން ފާހަގަކުރައްވައި ޒަމީރު ވިދާޅުވީ ނިމުނު ހަފުތާގައި ފިނޭންސް މިނިސްޓްރީން ފާހަގަަކުރީ ލޯނުގެ އެހީން ހިންގާ މަޝްރޫއުތަކަށް ހަރަދުކުރި ދެ ބިލިއަނެއްހައި ރުފިޔާ ނިމުނު އަހަރުގެ ބަޖެޓުގައި ރެކޯޑުކޮށްފަައި ނެތް މައްސަލަ ކަމަށެވެ. އެކަމުގައި އޮޑިޓާ ޖެނެރަލްގެ ލަފާފުޅުގެ މަތިން ނިޒާމު އިސްލާހުކުރުމުގެ ފިޔަވަޅުތައް އަޅުއްވާފަައިވާ ކަމަށްވެސް މިނިސްޓަރު ވިދާޅުވި އެވެ.
"ަ. މިކަން ފާހަގަވުމާއެކު އޮޑިޓަރ ޖެނެރަލްގެ ލަފާފުޅު ހޯދާ، މިކަން ހަމަމަގަށް އަޅުވައި، މުސްތަގުބަލުގައި މި މައްސަލަ ކުރިމަތި ނުވާނެގޮތަށް ނިޒާމު ބަދަލުކުރަން އަޅަންޖެހޭ ފިޔަވަޅުތައް ވަނީ އަޅާފައި. މިއީ އަޅުގަނޑުމެން ޕަބްލިކް ފައިނޭންސް ނިޒާމުގައިހުރި މައްސަލަތައް ހައްލުކޮށް، މާލީ ނިޒާމަށް ރައްޔިތުންގެ އިތުބާރު ހޯދަން ކުރަމުންދާ މަސައްކަތުގެ އެއް މިސާލު.،" ޒަމީރު ވިދާޅުވި އެވެ.
އަދި ފާސްކުރި ބަޖެޓުގައި ކުރިއަށް އަޅަން ނިންމާފައި ހުރި ފިޔަވަޅުތަކާ ގުޅޭ ފަންނީ މަސައްކަތްތައް މިހާރު ކުރެވިފައިވާ ކަމަށް ޒަަމީރު ވިދާޅުވި އެވެ. އަދި އެ މަސައްކަތްތައް މި ސަރުކާރުން އަލަށް ފަށައިގެން ކުރަންޖެހުމުން އެ އިސްލާހުތައް ތަންފީޒުކުރުން ލަސްވެގެންދިޔަކަަން ފާހަގަކުރައްވައި، ޒަމީރު ވިދާޅުވީ އެ އިސްލާހުތަކުގެ ވާހަކަ ކުރީ ސަރުކާރުތަކުން އަހަރުތަކަކަށް ދައްކާފައިވާކަަމަށާއި، އެ ކަންކަން ތަންފީޒުނުކުރެވި އޮތުމަކީ ހިތާމަހުރި ކަމެއް ކަމަށާއި، މި ސަަރުކާރުން އެ ހުރިހާ ކަމެއްވެސް ތަންފީޒުކުރާނެ ކަމަށެވެ.
"ި. މިރިފޯމްތަކުގެ ވާހަކައަކީ އަހަރުތަކެއް ވަންދެން ކުރީގެ ސަރުކާރުން ދައްކާފައިވާ ވާހަކަތަކެއް ނަމަވެސް، މިކަންކަމާ ގުޅޭ މަސައްކަތްތައް ނުކޮށް ހުރިކަމީ ހިތާމަހުރި ކަމެއް. 2022 ވަނަ އަހަރުގެ ބަޖެޓުން ފެށިގެންވެސް ސަބްސިޑީ ރިފޯމާއި އާސަންދަ ރިފޯމްގެ ވާހަކަ ގަވާއިދުން ދައްކަމުންދޭ. ނަމަވެސް މި ކަންކަމުގައި އަޅުގަނޑުމެން ފިޔަވަޅު އަޅައި ތަންފީޒުކުރާނަން. މީގެތެރެއިން ގިނަ ކަންކަމުގެ މަސައްކަތްތައް މިހާރު ވަނީ ނިމިފައި.،" ޒަަމީރު ވިދާޅުވި އެވެ.
އިތުރަށްވެސް ބައެއް އިސްލާހުތައް ރައީސްގެ އިސްނެންގެވުމަށް ގެނެވިފައިވާކަން ޒަމީރު ފާހަގަކުރެއްވި އެވެ. އެގޮތުން ކުންފުނިތަކުގެ ހިންގުން ހަރުދަނާކުރުމަށް އަޅަމުންދާ ފިޔަވަޅުތަކުގެ ތރެއިން ކުންފުނިތައް ފައިދާވާ ވިޔަފާރިތަކަށް ބަދަލުކުރުމަށް އަދި ސަރުކާރަށް ބަރޯސާވާ މިންވަރު ކުޑަކުރުމަށް ބައެއް ކުންފުނިތަކުގެ ސްތްރަކްޗާ ބަދަލުކޮށް ބައެއް ކުންފުނިތައް އުވައިލަންވެސް ނިންމަވާފައިވާ ކަމަށް ޒަމީރު ވިދާޅުވި އެވެ.
އޭގެ އިތުރަށް މިފްކޯއަށް މަސްވެރިން ކިރުވާ މަސް ގަތުމަށް ދޭ ސަބްސިޑީއަށް ކުރާ ހަރަދުު ކުޑަކުރުމަށް މިފްކޯއަށް މަސްވެރިން ވިއްކާ މަހުގެ އަގު ބޭރުގެ ބާޒާރުގެ އަގުތަކާ ގުޅިފައިވާ ދެމެހެއްޓެނެވި ނިޒާމަކަށް ބަދަލުކޮށް މިއަހަރު ތަންފީޒުކުރަން ފަށާފައިވާކަން މިނިސްޓަރު ފާހަގަަކުރެއްވި އެވެ.
ކޮމެންޓް
Republic of Maldives