ޑިވެލޮޕްމެންޓު ބޭންކަަށް ލައިސެންސް ދޫކޮށްފި
އިކޮނޮމިކް މިނިސްޓަރު މުހައްމަދު ސައީދު ވިދާޅުވީ ޑިވެލޮޕްމެންޓު ބޭންކު ހިންގުމުގެ ލައިސެންސް ފުރަތަމަ ފަހަރަށް ލިބުމަކީ ފަހުރެއް ކަމުގަ އެވެ.
ރާއްޖޭގެ ފުރަތަމަ ޑިވެލޮޕްމެންޓު ބޭންކު ހިންގުމުގެ ލައިސެންސް މޯލްޑިވްސް މަނިޓަރީ އޮތޯރިޓީން ޑިވެލޮޕްމެންޓް ބޭންކް އޮފް މޯލްޑިވްސްއަށް ދޫކޮށްފި އެވެ.
ޑިވެލޮޕްމެންޓު ބޭންކު ރަޖިސްޓްރީކޮށް ބޭންކަށް އެމްއެމްއޭއިން ހުއްދަ ދޫކުރުމާ ގުޅިގެން އެކްސްގައި ކުރެއްވި ޕޯސްޓެއްގައި އިކޮނޮމިކް މިނިސްޓަރު މުހައްމަދު ސައީދު ވިދާޅުވީ ޑިވެލޮޕްމެންޓު ބޭންކު ހިންގުމުގެ ލައިސެންސް ފުރަތަމަ ފަހަރަށް ލިބުމަކީ ވަރަށް ބޮޑު ފަހުރެއް ކަމަށެވެ.
އެ ލައިސެންސް ހަވާލުކުރުމަށް އެމްއެމްއޭގައި ބޭއްވި ރަސްމިއްޔާތުގައި އެމްއެމްއޭގެ ގަވަރުނަރު އަހުމަދު މުނައްވަރާއި އަލަށް އެކުލަވައިލި ޑިވެލޮޕްމެންޓު ބޭންކުގެ ޗެއާޕާސަން ކުރީގެ ފިނޭންސް މިނިސްޓަރު އަބްދުﷲ ޖިހާދު ބައިވެރިވެވަޑައިގެންފަައިވެ އެވެ.
ޑިވެލޮޕްމެންޓު ބޭންކުގެ ސީއީއޯ އަދި ޑެޕިއުޓީ ސީއީއޯގެ މަގާމަށް ބޭރުގެ ތަޖުރިބާކާރު ދެ ބޭފުޅަަކު އައްޔަންކޮށްފަައިވެ އެވެ.
ޑިވެލޮޕްމެންޓު ބޭންކެއް ގާއިމުކުރެއްވުމަކީ ރައީސުލްޖުމްހޫރިއްޔާ ޑރ.މުހައްމަދު މުއިއްޒުގެ ރިޔާސީ ވައުދުފުޅެކެވެ. އެފަދަ ބޭންކެއް ގާއިމުކުރެއްވުމުގެ މަގުސަދަކީ ރާއްޖޭގައި ހިންގާ ތަރައްގީގެ މަޝްރޫއުތަކަށް ފަސޭހައިން ފައިސާ ދޫކުރުމެވެ.
ކޮމެންޓް
Republic of Maldives