އިންޑިއާ އާއި ރާއްޖެއާ ދެމެދު މުހިންމު އެއްބަސްވުންތަކެއް
މި އެއްބަސްވުންތަކުގައި ސޮއިކުރެއްވުމަށް މިއަދު ވަނީ ހާއްސަ ރަސްމިއްޔާތެއް ބާއްވާފަ އެވެ. ދެ ގައުމުގެ މެދުގައި ފަސް އެއްބަސްވުމެއްގައި ވަނީ ސޮއިކޮށްފަ އެވެ.
ރައީސް ޑރ. މުހައްމަދު މުއިއްޒު މިހާރު އިންޑިއާއަށް ކުރައްވަމުން ގެންދަވާ ދަތުރުފުޅުގެ ތެރެއިން ދެ ގައުމުގެ ދެމެދު މުހިންމު އެއްބަސްވުންތަކެއްގައި ސޮއިކުރައްވައިފި އެވެ.
މި އެއްބަސްވުންތަކުގައި ސޮއިކުރެއްވުމަށް މިއަދު ވަނީ ހާއްސަ ރަސްމިއްޔާތެއް ބާއްވާފަ އެވެ. ދެ ގައުމުގެ މެދުގައި ފަސް އެއްބަސްވުމެއްގައި ވަނީ ސޮއިކޮށްފަ އެވެ. މި ރަސްމިއްޔާތުގައި ދެ ގައުމުގެ އިސްވެރިން ވަނީ ބައިވެރިވެވަޑައިގެންފަ އެވެ.
ދެގައުމުގެ މެދުގައި ސޮއިކުރީ؛
- ރިޒާވް ބޭންކް އޮފް އިންޑިއާ އާއި އެމްއެމްއޭއާ ދެމެދު ހެދި ކަރަންސީ ސްވޮޕް އެއްބަސްވުން
- ކޯޕަރޭޝަން ބިޓުވީން ނޭޝަނަލް ކޮލެޖް އޮފް ޕޮލިސިން އެންޑް ލޯ އެންފޯސްމަންޓްއާއި ރާޝްތްރިޔާ ރަކްޝާ ޔުނިވާސިޓީއާ ދެމެދު ހެދި އެއްބަސްވުން
- ރާއްޖޭގެ 200 ޖުޑީޝަލް އޮފިސަރުން ތަމްރީނުކުރުރަން ޖޭއެސްސީއާ ނޭޝަނަލް ޖުޑީޝަލް އެކަޑަމީ އޮފް އިންޑިއާ ދެމެދު ހެދި އެއްބަސްވުން
- ކޮރަޕްޝަން މަދުކުރުމަށް ގުޅިގެން މަސައްކަތް ކުރުމަށް، އޭސީސީއާ ސެންޓްރަލް ބިއުރޯ އޮފް އިންވެސްޓިގޭޝަން އޮފް އިންޑިއާ ފޯ ބައިލެޓްރަލް އާ ދެމެދު ހެދި އެއްބަސްވުން
- އެކްސްޓެންޝަން އޮފް ދަ މެމޮރަމްޑަން އޮފް އަންޑަސްޓޭޏްޑިން ބިޓްވީން މޯލްޑިވްސް އެންޑް މިނިސްޓްރީ އޮފް ޔޫތު އެފެއާޒް އެންޑް ސްޕޯޓްސް އޮފް ދަ ރިޕަބްލިކް އޮފް އިންޑިއާ އޮން ކޯޕަރޭޝަން އިން ސްޕޯޓްސް އެންޑް ޔޫތު އެފެއާޒް
މި އެއްބަސްވުންތަކުގެ ތެރެއިން އެންމެ ފާހަގަކޮށްލެވެނީ ކަރަންސީ ސްވޮޕް އެއްބަސްވުމެވެ. މި އެއްބަސްވުމުގައި ދެ ބައެއް ހިމެނެ އެވެ. ފުރަތަމަ ބަޔަކީ އެމެރިކާ ޑޮލަރުގެ ސްވޮޕެކެވެ. އެއީ ސާކުގެ ގައުމުތަކަށް ހާއްސްކޮށް އިންޑިޔާއިން ހުޅުވާލާފައިވާ ފްރޭމްވޯކް އޮން ކަރަންސީ ސްވޮޕް އެރޭންޖުމެންޓު ފޯ ސާކް ކަންޓްރީސްގެ ދަށުން އެމްއެމްއޭއަށް 400 މިލިއަން ޑޮލަރު ނެގުމަށް ހެދި ސްވޮޕެކެވެ.
އޭގެ އިތުރަށް 30 ބިލިއަން އިންޑިއާ ރުޕީސްގެ އަދަދާ ހަމައަށް ފައިސާ ނެގޭނެ ކަރަންސީ ސްވޮޕެއް ހެދުމަށްވެސް އެއްބަސްވުމުގައި ހިމަނާފައިވެ އެވެ. މި ކަރަންސީ ސްވޮޕުގެ ސަބަބުން ރާއްޖެއާއި އިންޑިޔާގެ ދެމެދުގައި ދެ ގައުމުގެ ފައިސާއިން ވިޔަފާރީގެ މުއާމަލާތްތައް ކުރުމަށް މަގުފަހިވާނެ އެވެ.
ކޮމެންޓް
Republic of Maldives