މުސްތަގުބަލުގައިވެސް ސައުދީގެ އެހީތެރިކަން ލިބޭނެކަމުގެ ޔަގީންކަން ދެއްވައިފި
ސައުދީ އަރަބިއްޔާގެ ހާރިޖީވަޒީރު ދެއްކެވި ވާހަކަފުޅުގައި އެކި ދާއިރާތަކުން ސައުދީން ރާއްޖެއަށް ފޯރުކޮށްދެމުންދާ އެހީތެރިކަން ކުރިއަށް އޮތް ތަނުގައި އެގޮތުގައި ލިބެމުންދާނެ ކަމުގެ ޔަގީންކަން ރައީސަށް ދެއްވިކަމަށް ރައީސް އޮފީހުން ބުނެފައިވޭ
ސައުދީ އަރަބިއްޔާއިން ރާއްޖެއަށް ވެދެމުންދާ އެހީތެރިކަން ކުރިއަށް އޮތް ތަނުގައިވެސް މެދުނުކެނޑި ލިބެމުންދާނެ ކަމުގެ ޔަގީންކަން ހާރިޖީވަޒީރު ފައިސަލް ބިން ފަރްހާދު އައްސުއޫދު ރައީސުލްޖުމްހޫރިއްޔާ ޑރ.މުހައްމަދު މުއިއްޒަށް ދެއްވައިފި އެވެ.
އެ ޔަގީންކަން އޭނާ ރައީސަށް އެރުއްވީ އދ.ގެ އާންމު މަޖިލީހުގެ 79 ވަނަ ސެޝަނުގައި ބައިވެރިވެވަޑައިގަތުމަށް ނިއުޔޯކަށް ރައީސް ކުރައްވަމުންދާ ދަތުރުފުޅުގެ ތެރެއިން އާންމު މަޖިލީހުގެ ބައްދަލުވުމުގެ ހަވާސާގައި ދެ ބޭފުޅުން ބައްދަލުކުރައްވައި ކުރިއަށްގެންދެވި މަޝްވަރާތަކުގަ އެވެ.
އިއްޔެ އޮތް މި ބައްދަލުވުމުގައި ރައީސްވަނީ ސައުދީއާއި ރާއްޖޭގެ މެދުގައި އޮތް ގާތް ގުޅުން ފާހަގަކުރައްވައި ރާއްޖޭގެ ތަރައްގީއަށް ސައުދީ އަރައްބިއްޔާއިން މެދުކެނޑުމެއްނެތި ފޯރުކޮށްދޭ އެހީތެރިކަމަށްޓަކއި އެ ގައުމުގެ ސަރުކާރަށް ޝުކުރު އަދާކުރައްވާފަ އެވެ.
އޭގެ އިތުރަށް އެމަނިކުފާނުވަނީ ރާއްޖެއަށް ސައުދީ އަރަބިއްޔާގެ އެހީތެރިކަން އިތުރަށް ބޭނުންވާ ބައެއް ދާއިރާތައްވެސް ފާހަގަކުރައްވާފަ އެވެ. އެގޮތުން މާލީ އިސްލާހުތައް ތަންފީޒުކުރުމާއި، ތައުލީމާއި ސިއްހަތާއި އިގުތިސާދީ ތަރައްގީއާއި ހައްޖުގެ އަޅުކަން ފަދަ ކަންކަމަކީ ސައުދީ އަރަބިއްޔާގެ އެހީތެރިކަން ރާއްޖެއަށް އިތުރަށް ބޭނުންވާ ދާއިރާތަކުގެ ގޮތުގައި ރައީސް ފާހަގަކުރެއްވި އެވެ.
ސައުދީ އަރަބިއްޔާގެ ހާރިޖީވަޒީރު ދެއްކެވި ވާހަކަފުޅުގައި އެކި ދާއިރާތަކުން ސައުދީން ރާއްޖެއަށް ފޯރުކޮށްދެމުންދާ އެހީތެރިކަން ކުރިއަށް އޮތް ތަނުގައި އެގޮތުގައި ލިބެމުންދާނެ ކަމުގެ ޔަގީންކަން ރައީސަށް ދެއްވިކަމަށް ރައީސް އޮފީހުން ބުނެފައިވެ އެވެ.
ރައީސްވަނީ ދެ ގައުމުން އިސްކަންދޭ މުހިއްމު ކަންކަމުގައި ގުޅިގެން މަސައްކަތްކުރައްވާނެކަމުގެ ޔަގީންކަން ދެއްވައި ދެ ގައުމުގެ ގުޅުން އިތުރަށް ބަދަހިކުރައްވަން މަސައްކަތްކުރައްވާނެ ކަމަށް ސައުދީ އަރަބިއްޔާގެ ހާރިޖީ ވަޒީރުގެ އަރިހުގައި ވިދާޅުވެފަ އެވެ.
ކޮމެންޓް
Republic of Maldives