ސީސައިޑް ޖަނާ: ރާއްޖޭން ދުނިޔެއަށް ވިޔަފާރި ލީޑަރެއް

ދުނިޔޭގެ ވިޔަފާރީގެ މައި ޖަމިއްޔާ، ވޯލްޑް ޓްރޭޑް އޮގައިޒޭޝަން ނަގާފައި ދެން އެންމެ މަޝްހޫރު އެއް ޖަމިއްޔާއަކީ އިންޓަނޭޝަނަލް ފެޑެރޭޝަން އޮފް އޭޝިއަން އެންޑް ވެސްޓާން ޕެސިފިކް ކޮންޓްރެކްޓާސް އެސޯސިއޭޝަންސް (އިފޮޕްކާ) އެވެ. އެ ޖަމިއްޔާއަކީ ދެވަނަ ބޮޑު ހަނގުރާމައަށް ފަހު ދުނިޔެ އާރާސްތު ކުރަމުން ދިޔަ ދުވަސްވަރެއްގައި އުފެއްދި ވަރަށް ބޮޑު، ވަރަށް ބާރު ގަދަ ޖަމިއްޔާ އެކެވެ. ޖަމިއްޔާގެ ރައީސްގެ މަގާމުގައި މިހާރު ހުންނެވީ ރާއްޖޭގެ ކޮންސްޓްރަކްޝަންގެ ސިނާއަތުގެ މިޒަމާނުގެ ލީޑަރެއްގެ ގޮތުގައި ގިނަ ބަޔަކު ދެކޭ، މުހައްމަދު އަލީ ޖަނާހު (ޖަނާ) އެވެ.

ޖަނާއަކީ ވަރުގަދަ ބޮޑު ޖަމިއްޔާ، އިފޮޕްކާގެ 45 ވަނަ ރައީސެވެ. އަދި މިއީ މިފަދަ ވަރުގަދަ ޖަމިއްޔާއެއްގެ ރައީސްކަން ދިވެއްސަކު ކުރާ ފުރަތަމަ ފަހަރު ވެސް މެއެވެ. ރާއްޖެ ކުޑަ ނަމަވެސް ރާއްޖޭން ދުނިޔެ ތެރެއަށް ވިޔަފާރި ލީޑަރަކު ނުކުމެ އުޅޭކަން ދުނިޔޭގެ ވިޔަފާރި ކޮމިއުނިޓީ ދެނެގަތީ ބާރު ގަދަ ޖަމިއްޔާ، އިފޮޕްކާގެ ރައީސްގެ މަގާމަށް ވަޑައިގެން ޖަނާ ކުޅަދާނަކަން ދައްކަވާން ފެއްޓެވުމުންނެވެ.

އިފޮޕްކާގެ ރައީސްގެ ގޮތުގައި ޖަނާ މިހާރު ކުރައްވަމުންދާ ދަތުރުފުޅުތަކުގައި ދުނިޔޭގެ ވިޔަފާރި ކޮމިއުނީޓީއާ ބައްދަލު ކުރައްވަނުން ގެންދަވަ އެވެ؛ ކޮވިޑާ ގުޅިގެން އިފޮޕްކާގެ ރައީސްގެ މަގާމުގެ ދައުރު ދަމާލުމާއެކު ޖައްސަ ޖައްސައިގެން ދެ ދައުރު ފުރިހަމަ ކުރައްވާ ފުރަތަމަ ރައީސްގެ ލަގަބު ވެސް ހޯއްދަވާފައިވާ ޖަނާ އެވެ.

ދެވަނަ ދައުރަކަށް ހޮވިވަޑައިގަތުމާއެކު މިހާރު ގެންދަވަނީ ދުނިޔޭގެ އެކި ގައުމުތަކަށް ޒިޔާރަތް ކުރައްވަމުންނެވެ. މިދިޔަ އަހަރު ތެރޭގައި ވިއްސަށްވުރެ ގިނަ ގައުމަށް ޒިޔާރަތްކޮށް އެ ގައުމުތަކުގެ ވިޔަފާރި ލީޑަރުންނާ ޖަނާ ބައްދަލު ކުރައްވާފައިވެ އެވެ. ޖަނާގެ މި ދަތުރު ތަކުގައި ވިޔަފާރީގެ އެންމެ ބޮޑެތި ޖަމިއްޔާތަކުގެ އެންމެ އިސްވެރިނާ ބައްދަލު ކުރައްވަ އެވެ. އެފަދަ ގިނަ ބޭފުޅުންނަކީ ދުނިޔޭގައި ނަގާ ކިޔާ ބިލިއަނަރުންނާއި މިލިއަނަރުންނެވެ.

ޖަނާ މިހާރު ވަޑައިގެންފައި ވަނީ ރާއްޖޭގެ ވިޔަފާރީގެ ކެޕޭސިޓީ ރާއްޖޭން ބޭރަށް ވިއްކާ ވިޔަފާރި ލީޑަރަކަށެވެ. އޭގެ ހެއްކަކީ ދުނިޔޭގެ ޓޫރިޒަމް ޖަމިއްޔާގެ ރައީސް އާއި އދ. އާއްމު މަޖިލީހުގެ ރައީސް އަބްދުﷲ ޝާހިދުގެ ހާއްސަ ދައުވަތަކާއެކު ދުނިޔޭގެ ޓޫރިޒަމްގެ ވާހަކަ ދައްކަވަން އދ. މަޝްހޫރު ޕޯޑިއަމުގައި ޖަނާ ފެނިގެން ދިއަ ދިއުމެވެ. އެއިން ދައްކުވައި ދެނީ ޖަނާ ކެޕޭސިޓީ އެވެ.

އެ ފުރުސަތުގެ ތެރެއިން ދުނިޔޭގެ ބޮޑެތި ގައުމުތަކުގެ އެންމެ އިސްވެރިންނާ ބައްދަލު ކުރައްވަން ޖަނާއަށް ތަނަވަސް ވެގެން ގޮސްފައި ވެއެވެ. އޭގެތެރޭގައި ރަޝިއާ އާއިި ތުރުކީފަދަ ގައުމުތަކުގެ އެންމެ އިސްވެރިން ވެސް ހިމެނި ވަޑައިގަންނަވަ އެވެ. އަދި ދުނިޔޭގެ އެކި ގައުމުތަކުގެ ވިޔަފާރީގެ ޖަމިއްޔާތަކުގެ އެންމެ އިސްވެރިން ވެސް ހިމެނިވަޑައިގަންނަވަ އެވެ.

މީން ކޮންމެ ބައްދަލުވުމަކުން ވެސް ރާއްޖެއަށް ކުރާ ފައިދާތައް ކުޑައެއް ނޫނެވެ. އެއް މިސާލަކީ ދުނިޔޭގެ ހުރިހާ ކޮންޓްރެކްޓް ތަކެއް ބިނާކުރާ، އިންޓަނޭޝަނަލް ފެޑަރޭޝަން އޮފް ކޮންސެލްޓިން އިންޖިނިއާސް (ފިޑިކް) ގެ ރައީސް ނެލްސަން އޯގުންޝެކިން އާއެކު މަޝްވަރާ ކުރައްވައި އިމާރާތް ކުރުމުގެ ދާއިރާއަށް ގެނެސްދެއްވަން ފެއްޓެނި ހާއްސަ ތަމްރީންތަކެވެ. ޖަނާ އިސްވެ ފެއްޓެވި ތަމްރީންތަކަކީ ރާއްޖޭގެ އިމާރާތް ކުރުމުގެ ދާއިރާގެ ޕްރޮފެޝަނަލުން ރާއްޖޭގައި ތިބެގެން ފިޑިކްގެ މިންގަނޑުތަކާއި ލައިސަންސް ހޯދަން ލިބުނު ރަނުގެ ފުރުސަތަކެވެ.

މި ފުރުސަތު ހޯއްދަވައި ދެއްވާފައި ވަނީ ފިޑިކްގެ 128 ގައުމެއްގެ 530 ފަރާތުން ބައިވެރރިވި ބޮޑު ބައްދަލުމަކަށް ވަޑައިގެނެވެ. މި ބައްދަލުވުމުގެ ގެސްޓް ސްޕީކާގެ މަގާމު ޖަނާ ފުރިހަމަ ކުރެއްވިއިރު ބައްދަލުވުމުގައި 1،200 އަށް ވުރެ އެކްސްޕާޓުން ބައިވެރިވުމަކީ ރާއްޖެއަށް ލިބުނު މަޝްހޫރު ކަމެކެވެ.

ދުނިޔޭގެ ވިޔަފާރި ކޮމިއުނިޓީއާއެކު ކުރަމުންދާ މަސައްކަތްތަކުގެ އިތުރުން ދިވެހިން ބޭނުންވި ކޮންމެ ވަގުތެއްގައި އެހީތެރިކަން ދެއްވުމުގައި ވެސް ޖަނާގެ ހުޝިޔާރުކަން ފެނެ އެވެ. އެފަހަ އެއް ހާދިސާއަކީ ރަޝިއާއިން ޔޫކްރޭނަށް އެރުމާއެކު އެ ގައުމުގައި ތާށިވެފައި ތިބި ދިވެހި ކިޔަވާ ކުދިން ސަލާމަތުން ރާއްޖެ ގެންނަން ޖަނާ ކުރެއްވި މަސައްކަތް ތަކެވެ. ހަންގޭރީގެ ކޮންސިއުލް ޖެނެރަލްގެ މަގާމު ވެސް ފުރުއްވަމުން ގެންދަވާ ޖަނާ ކުރެއްވި އެ މަސައްކަތް ފުޅު ފޮރިން މިނިސްޓަރީން ވަނީ ފާހަގަ ކޮށްފަ އެވެ.

ޖަނާ ވެފައިވަނީ ދިވެއްސަކު މެދުއިރުމަތީގެ ގައުމެއްގައި ބޮޑު ޓޫރިޒަމް މަޝްރޫއެއް ހިންގި ހަމައެކަނި ވިޔަފާރިވެރިޔާ އަށެވެ. އަދި ރާއްޖޭގެ ޓޫރިޒަމްގެ އެންމެ ދަތި ހިސާބު ކަމަށްވާ މާލެއާ ދުރުގައި އޮތް ހުވަދު އަތޮޅުގައި ޓޫރިޒަމް ފައްކާކޮށް އެއާޕޯޓެއް އެޅީ ޖަނާ އާއި ސިންގަޕޫރުގެ ޕާޓްރެއްގެ ބައިވެރި ވުމާއެކުގަ އެވެ. ދުނިޔޭގެ އެންމެ މަޝްހޫރު ޓޫރިޒަމް ބްރޭންޑް ކަމަށްވާ ހިލްޓަންގެ ވޯލްޑޯފް އެސްޓޯރިއާގެ ހަތް ތަރީގެ ރިސޯޓެއް ހިންގަވަ އެވެ. އެ ޕާޓްނާޝިޕް ގުޅިފައި ވަނީ މެދުއިރުމައްޗާ އެވެ. މިހާރު އެ ރިސޯޓްވެފައި ވަނީ ރާއްޖޭގެ އެންމެ އަލިގަދަ އެއް އައިކަން އަކަށެވެ. ދުނިޔޭގެ މަޝްހޫރު ސެލެބްރިޓީން އެންމެ ގިނައިން މަޑުކުރާ އެއް ރިސޯޓަކަށް ވަނީ މިރަށްވެފަ އެވެ. ޖަނާ ވެފައި ވަނީ ވިޔަފާރީގެ ވަރުގަދަ ދިވެހި ލީޑަރަކަށެވެ.