ދިއްދޫގައި އާރްޓީއެލް ބަހުގެ ހިދުމަތް ފަށައިފި

ހއ. ދިއްދޫގައި ރާއްޖެ ޓްރާންސްޕޯޓް ލިންކް (އާރްޓީއެލް) ބަހުގެ ހިދުމަތް ފަށައިފި އެވެ.

އެމްޓީސީސީ އިން ބުނީ ދިއްދޫގައި ދަތުުރުތައް ކުރުމަށް ބޭނުން ކުރާނީ ދެ މިނީ ބަސް ކަމަށެވެ. މި ބަސްތަކުގައި އެއްފަހަރާ 32 މީހުންނަށް ދަތުުރު ކުރެވޭނެ އެވެ. އެއީ 22 މީހުން އިށީންދެ ތިބެ އަދި 10 މީހުން ކޮޅަށް ތިބެގެންނެވެ.

އެމްޓީސީސީ އިން ބުނި ގޮތުގައި މިއަދުން ފެށިގެން ހަފްތާއެއް ވަންދެން ހިލޭ ދަތުރުކުރެވޭނެ އެވެ. އެގެ ފަހުން އާރްޓީއެލް ވެބްސައިޓް އަދި އެޕްލިކޭޝަން މެދުވެރިކޮށް ކިއުއާރް ޓިކެޓް ގަނެގެން ދަތުރުކުރުމުގެ އިންތިޒާމް ހަމަޖެހިފައިވާ ކަމަށެވެ.

ތިން އަހަރުން ދަށުގެ ކުޑަކުދިންނާ، ސްކޫލް ކުދިންނާއ،ި ހާއްސަ އެހީއަށްބޭނުންވާ މީހުންގެ އިތުރުން 65 އަހަރުން މަތީގެ މީހުންނަށް އަބަދުވެސް ހިލޭ ބަހުގައި ދަތުރު ކުރެވޭނެ އެވެ.

އާރްޓީއެލް ދިއްދޫ ބަހުގެ ހިދުމަތާއި ގުޅޭ ރޫޓް މެޕާއި ޝެޑިއުލްގެ މައުލޫމާތު، އާރްޓީއެލް ޓްރެވަލް އެޕުން ލިބޭނެ އެވެ. ޓްރެވަލް އެޕް، އެޕަލް ސްޓޯރުންނާއި ގޫގްލް ޕްލޭ ސްޓޯރުން ހިލޭ ޑައުންލޯޑް ކުރެވޭނެ އެވެ.