ދިރާގު މޯބައިލް ޑޭޓާ ހިދުމަތް މިރޭ މެދުކެނޑިދާނެ

ދިރާގު މޮބައިލް ޑޭޓާ ހިދުމަތް މިރޭ ވަގުތުކޮޅަކަށް މެދުކެނޑި ދާނެ ކަމަށް އެ ކުންފުނިން ބުނެފި އެވެ.

އެ ކުންފުނިން ބުނި ގޮތުގައި މޮބައިލް ނެޓްވާކް މެއިންޓެނަންސް މަސައްކަތެއް މިރޭ 12 އިން ފަތިހު 5:00 އަށް ކުރުމަށް ވަނީ ހަމަޖެހިފައިވެއެވެ.

މި ގަޑިތަކުގައި ދިރާގު މޮބައިލް ޑޭޓާ ހިދުމަތް ވަގުތުކޮޅަކަށް މެދުކެނޑުމަކީ އެކަށީގެންވާ ކަމެއް ކަމަށް ވެސް ބުންޏެވެ. އެ ހިދުމަތް މެދުކެނޑުނަސް ކެނޑޭނީ 20 މިނެޓްގެ ވަގުތު ކޮޅަކަށް ކަަމަށް ދިރާގުން ބުންޏެވެ.

ނަމަވެސް މިވަގުތުތަކުގައި ވެސް ވޮއިސް ކޯލާއި އެސްއެމްއެސް ހިދުމަތަށް ބުރޫނާރާނެ ކަމަށް ދިރާގުން ބުނެ އެވެ.