"އެއްގޮތަކަށްވެސް ޕީޕީއެެމްގެ މެންބަރުން މާޔޫސްވާކަށް ނުޖެހޭ. އެއީ އަޅުގަނޑުމެން ދެބައި މީހުން .. އެއީ ޑިމޮކްރެޓުންނާއި ޕީޕީއެމްގެ އާންމު މެންބަރުން އަޅުގަނޑުމެންނާއެކީގައި މަސައްކަތް ކުރީމަ ރައީސް ސޯލިހްގެ މި ސަރުކާރު އަޅުގަނޑުމެންނަށް މާ ރީތިކޮށް ބަދަލު ކުރެވޭނެ،"
ދަ ޑިމޮކްރެޓްސްއާ ގުޅިގެން ވަކި ގުރޫޕެެއްގެ ގޮތުގައި މަސައްކަތް ކުރުމުގެ ހާއްސަ ދައުވަތެއް އެ ޕާޓީން އިދިކޮޅު ޕީޕީއެމް / ޕީއެންސީގެ މަޖިލީސް ހަތް މެންބަރުންނަށް ދެއްވައިފި އެވެ.
ޑިމޮކްރެޓްސް ޕާޓީން މިރޭ ބޭއްވި ނޫސްވެރީންގެ ބައްދަލްވުމުގައި އެކަން ވަނީ ހާމަކޮށްފައެވެ. އެ ޕާޓީގެ ވަގުތީ ޗެއާޕާސަން ހަސަން ލަތީފް ވިދާޅުވީ މި ވަގުތުކޮޅަކީ ޕީޕީއެމްގެ މެންބަރުންނަށް ވަރަށް މާޔޫސް ވަގުތުކޮޅެއް ކަމަށެވެ. އެ ޕާޓީގެ ގިނަ މެންބަރުން އެދޭ ގޮތަށް ކަންކަން ހިނގާ ނުދިއުމާއި ގުޅިގެން މެންބަރުންނަށް ވަރަށް ބޮޑު ކަންބޮޑުވުމަކާއި މާޔޫސް ކަމެއް ލިބިފައިވާ ކަމަށް ވިދާޅުވި އެވެ.
ނަމަވެސް ހަސަން ވަނީ މިއީ ޕީޕީއެމް / ޕީއެންސީގެ މެންބަރުން މާޔޫސްވާންވީ ވަގުތު ނޫން ކަމަށް ވިދާޅުވެފައެވެ. އަދި އެ ޕާޓީއާ ގުޅިގެން ވަކި ގުރޫޕެެއްގެ ގޮތުގައި މަސައްކަތް ކުރަން އެ ދެ ޕާޓީގެ މަޖިލީސް މެންބަރުންނަށް ހާއްސަ ދައުވަތެއް ފޮނުވާފައިވާނެ ކަމަށް ވިދާޅުވި އެވެ. އެ ދައުވަތު ފޮނުއްވާފައި ވަނީ؛
ހަސަން ވިދާޅުވީ އެ މެންބަރުންނާއެކު ވަކި ގުރޫޕެއްހެ ގޮތުގައި މަސައްކަތް ކުރަން ޑިމޮކްރެޓުން ވަރަށް ބޭނުންވާ ކަމަށެވެ. އެ ދައުވާތާއި ގުޅިގެން ބައެއް މެންބަރުން މިހާރުވެސް ޖަވާބު ދެއްވާފައިވާ ކަމަށް ވިދާޅުވި އެވެ.
އެގޮތުން އެކަމުގެ މަޝްވަރާ ކުރަން ބޭނުންވާ ކަމަށް ބައެއް މެންބަރުން އަންގަވާފައިވާ ކަމަށެވެ. ހަސަން ވިދާޅުވީ އެފަދަ ދައުވަތަކުން އެ މެންބަރުންނަށް ޝޮކެއް -- ހައިރާން ކަމެއް ނާންނާނެ ކަމަށެވެ. މީގެ ކުރީން ވެސް އެ މެންބަރުންނާއެކު ވަރަށް ގާތުން މަސައްކަތް ކުރެވުފައިވާ ކަމަށް ވިދާޅުވި އެވެ. އަދި ޑިމޮކްރެޓްސްއާ ގުޅިގެން ނަމަވެސް ޕީޕީއެމް ވެއްޓިފައިވާ ވަޅުގަނޑުން އަރައިގަންނަން ޖެހޭ ކަމަށް އެ މެންބަރުން ވެސް ގަބޫލު ކުރައްވާނެ ކަމަށް ވިދާޅުވި އެވެ.
ހަސަން ވިދާޅުވީ އެ މެންބަރުންނަށް ޕީޕީއެމް / ޕީއެންސީގައި ތިއްބަވައިގެން ވެސް ޑިމޮކްރެޑްސްއާއެކު މަަސައްކަތް ކުރެއްވޭނެ ކަމަށެވެ.
"އެއްގޮތަކަށްވެސް ޕީޕީއެެމްގެ މެންބަރުން މާޔޫސްވާކަށް ނުޖެހޭ. އެއީ އަޅުގަނޑުމެން ދެބައި މީހުން .. އެއީ ޑިމޮކްރެޓުންނާއި ޕީޕީއެމްގެ އާންމު މެންބަރުން އަޅުގަނޑުމެންނާއެކީގައި މަސައްކަތް ކުރީމަ ރައީސް ސޯލިހްގެ މި ސަރުކާރު އަޅުގަނޑުމެންނަށް މާ ރީތިކޮށް ބަދަލު ކުރެވޭނެ،"
މީގެ އިތުރުން ހަސަން ވަނީ ރަށްރަށުގައި ތިބި ޕީޕީއެމްގެ އިސް މެންބަރުންނާއެކު މަސައްކަތް ކުރެވޭނެ ކަމަށްވެސް ވިދާޅުވެފައެވެ. އަދި އެއީ އެ މެންބަރުންވެސް ވަރަށް ބޭނުންވާ ކަމެއް ކަމަށް ވިދާޅުވި އެވެ.
ކަތިވަޅި ގެއްލި މަރިޔަބު ގެއްލި ކޮށި ދަނޑުގެއްލި ދެން މިހާރު ބޮލުގަ ހުރި މަދު އިސްތަށިކޮޅުވެސް މިބޮނޑީގައި ގެއްލޭނެއެވެ. ދެނެއް މިގައުމަކުން އިންތިޚާބަކުން ލިބޭނެ އެއްވެސް ގޮނޑިގަޑެއްވެސް ނެތެވެ.