ސޯލިހަަށް ދިން ހަމަލާ؛ ނަޝީދު ގުޅުވާލީ ހަރުކަށި ފިކުރާ
ހަމަލާ ކުށްވެރި ކުރައްވާ ނަޝީދު ޓްވިޓާގައި ޕޯސްޓެއް ކުރެއްވި އެވެ. އޭގައި ވިދާޅުވީ ރާއްޖޭގައި އިންތިޒާމުވެ ހިންގާ ހަރުކަށި ފިކުރުގެ އަމަލުތައް ހުއްޓުވުމަށް ކުރާ މަސައްކަތް މާބޮޑަށްވެސް ހަރުދަނާ ވާން ޖެހޭ އެވެ.
ސްޓޭޓް މިނިސްޓަރު އަލީ ސޯލިހަށް މިއަދު ދިން ހަމަލާއަކީ ރާއްޖޭގައި އިންތިޒާމުވެ ހިންގާ ހަރުކަށި ފިކުރުގެ އަމަލުތަކުގެ ތެރެއިން އަމަލެއްގެ ގޮތުގައި ކުރީގެ ރައީސް މުހައްމަދު ނަޝީދު ސިފަ ކުރައްވައިިފި އެވެ.
ނަޝީދު އެ ހަމަލާ ކުށްވެރި ކުރެއްވި އެވެ. އަދި ވިދާޅުވީ ރާއްޖޭގައި އިންތިޒާމުވެ ހިންގާ ހަރުކަށި ފިކުރުގެ އަމަލުތައް ހުއްޓުވުމަށް ކުރާ މަސައްކަތް އިތުރަށް ހަރުދަނާ ވާން ޖެހޭ ކަމަށެވެ. އަދި އެ މަސައްކަތުގައި އިތުބާރު ހިފެން / އިތުބާރު އޮންނަން ޖެހޭ ކަމަށެވެ.
ސްޓޭޓް މިނިސްޓަރު އަލީ ސޯލިހު މަރާލާނެ ކަމަށް ތަކުރާރުކޮށް އިންޒާރު ދެމުން ގޮސް ސްޓޭޓް މިނިސްޓަރުގެ ގައިކޮޅަށް އަތްލައި ކަޓަރަކުން ހަމަލާ ދީ، ޒަހަމްކޮށްލީ ރ. މަޑުއްވަރީއަށް ނިސްބަތްވާ މީހެކެވެ. ޖަމީލު ނަމަކަށް ކިޔާ އެ މީހާއަކީ މިދިއަ ޖުލައި މަހުގެ ފުރަތަމަ ދުވަހު، ހުކުރު ނަމާދަށް މީހުން ސަލްމާން މިސްކިތަށް އަރާ ތިއްބާ ހައްދުފަހަނަ އަޅާފައިވާ އައިސިސް ރަމްޒްވާ ގޮތަށް ޖުއްބާއެއް ލައިގެން މިސްކަތަށް ވަދެ، މިންބަރަށް އަރާ ހުކުރު ނަމާދަށް ހުރަސް އެޅުމުން މިސްކިތުގެ ކުރީ ސަފުތަކުގައި ތިބި މީހުން ގޮސް މިންބަރުން ބާލައި ފުލުހުންނާ ހަވާލު ކުރި މީހެކެވެ.
އެމީހާ ދޫވެ މުޖްތަމައުގައި އުޅެމުން ދިޔައީ ފުލުހުންގެ އިހުމާލުންނެވެ.
ކޮމެންޓް
Republic of Maldives