މީޑިއާނެޓް އޮފީހަށް ވަދެ މާރާމާރީ ހިންގި ދެ މީހުން ހައްޔަރު
މީޑިއާ ނެޓްގެ އޮފީހަށް ބަޔަކު ވަދެ މާރާމާރީ ހިންގީ މި މަހުގެ 18 ވަނަ ދުވަހު އެވެ. އެ މައްސަލައިގެ ތުހުމަތުގައި ތަހުގީގަށް ދެ މީހަކު ހައްޔަރު ކޮށްފައި ވެއެވެ. އެއީ 22 އަހަރުގެ މީހަކާއި 19 އަހަރުގެ މީހެކެވެ.
- އެކަކު ޝަރީއަތް ނިމެންދެން ބަންދު
- އަނެއް މީހާ ތަހުގީގު ނިންމެންދެން ބަންދު
މީޑިއާނެޓްގެ އޮފީހަށް ބަޔަކު ވަދެ މާރާމާރީ ހިންގާ މީހަކު ޒަހަމް ކޮށްލި މައްސަލާގައި ދެ މީހަކު ހައްޔަރު ކޮށްފި އެވެ.
މީޑިއާ ނެޓްގެ އޮފީހަށް ބަޔަކު ވަދެ މާރާމާރީ ހިންގީ މިދިއަ ބުރާސްފަތި ދުވަހު އެވެ. ފުލުހުން ބުނީ އެ މައްސަލައިގެ ތުހުމަތުގައި ތަހުގީގަށް ދެ މީހަކު ހައްޔަރު ކޮށްފައިވާ ކަމަށެވެ. އެއީ 22 އަހަރުގެ މީހަކާއި 19 އަހަރުގެ މީހެކެވެ.
މި ދެ މީހުންގެ ބަންދާމެދު ގޮތް ނިންމަން ކޯޓަށް ހާޒިރު ކުރުމުން 22 އަހަރުގެ މީހާ ޝަރީއަތް ނިމެންދެން ބަންދުގައި ބެހެއްޓުމަށް ވަނީ އަމުރު ކޮށްފަ އެވެ. 19 އަހަރުގެ މީހާ ބަންދުގައި ބަހައްޓަން އަންގާފައި ވަނީ ތަހުގީގު ނިމެންދެނެވެ.
އެ އޮފީހަށް ވަދެގެންފައި ވަނީ ދަގަނޑުބުރިތަކާއި ވެލްޑިން ރޮޑާއި މަރުތެޔޮ ފާޑުގެ، މީހުންނަށް ހަމަލާ ދެވިދާނެ ހަތިޔާރާއި އާލާތް ހިފައިގެން ތިބެ އެވެ.
ކޮމެންޓް
Republic of Maldives