ދިވެއްސަކު ނޯވޭ ކުއްޖަކު ރޭޕްކުރުމުގެ ތުހުމަތަށް ތައިލެންޑުން ހައްޔަރުކޮށްފި
މި މައްސަލައާ ގުޅިގެން ދިވެހި މީހާގެ ބަނދުގެ މުއްދަތު ޖަހަން މާދަަމާ ޕަޓާޔާގެ ކޯޓަކަށް ހާޒިރު ކުރާނެ އެވެ. އޭނާއަށް އަދި ކަފާލަތުގެ ފުރުސަތު އަދި ލިބިފައެއް ނުވެ އެވެ.
ދިވެހި ރާއްޖޭގެ ޒުވާނަކު ތައިލެންޑަށް ގޮސް ނޯވޭގެ ކުޑަ އަންހެން ކުއްޖަކު ރޭޕް ކުރި ކަމުގެ ތުހުމަތުގައި ހައްޔަރު ކޮށްފި އެވެ.
ރާއްޖޭގެ ދެކުނުން ހުވަދު އަތޮޅުގެ ރަށަކަށް ނިސްބަތްވާ އެ ޒުވާނާ ނަގަން ތައި ފުލުހުން އޮޕަރޭޝަނެއް ހިންގައި އޭނާ ހައްޔަރު ކޮށްފައި ވަނީ ތައިލެންޑްގެ ޕާޓާޔާއިންނެވެ.
އޭނާ ރޭޕް ކުރި ކަމަށް ތުހުމަތުވި ނޯވޭގެ އަންހެން ކުއްޖާއަކީ 15 އަހަރުގެ ކުޑަ ކުއްޖެކެވެ. ނަމަވެސް ހައްޔަރު ކުރި ދިވެހި މީހާ ބުނެފައިވާ ގޮތުގައި އޭނާއެކު ގުޅުމެއް އޮތީ ނޯވޭގެ 22 އަހަރުގެ ޒުވާން އަންހެން ކުއްޖެކެވެ.
"މި" ނޫހަށް މައުލޫމާތު ލިބިފައިވާ ގޮތުގައި ދިވެހި މީހާ އަކީ ގއ. ކޮނޑޭ މީހެކެވެ. އޭނާ އާއި ނޯވޭ ކުޑަ އަންހެން ކުއްޖާއާ ދެމެދު ގުޅުމެއް އުފެދިފައި ވަނީ ފޭސްބުކް މެދުވެރިކޮށެވެ.
އަދި ނޯވޭ ކުއްޖާ އާއިލާއާއެކު ތައިލެންޑަށް ކުރި ދަތުރެއްގެ ތެރެއިން އެ ދެމީހުން ތައިލެންޑުން ބަދަލުވެ، ދިވެހި މީހާ އެ އަންހެން ކުއްޖާ ރޭޕްރި ކުރި އެވެ. އަދި އެ މައްސަލަ އަންހެން ކުއްޖާގެ އާއިލާއިން ރިޕޯޓް ކުރުމުން ހައްޔަރު ކުރީ އެވެ.
މި މައްސަލައާ ގުޅިގެން ދިވެހި މީހާގެ ބަނދުގެ މުއްދަތު ޖަހަން މާދަަމާ ޕަޓާޔާ ސިޓީގެ ކޯޓަކަށް ހާޒިރު ކުރާނެ އެވެ. އޭނާއަށް އަދި ކަފާލަތުގެ ފުރުސަތު އަދި ލިބިފައެއް ނުވެ އެވެ.
މި މައްސަލައާ ގުޅިގެން ފޮރިން މިނިސްޓްރީގެ ބަހެއް ލިބޭ ގޮތެއް ނުވި އެވެ.
ކޮމެންޓް
Republic of Maldives