ދާންދޫ ކުނިގޮނޑުން ފެނުނީ މިނިކަށިތޯ ބަލަނީ
މިދިއަ އަހަރުގެ ޖުލައި މަސްތެރޭގައު އއ. އަތޮޅުގައި ކުޑަކުޑަ އާބާދީއެއް އޮންނަ ހިމަންދޫން މިނިކަށިތަކެއް ފެނިފައި ވެއެވެ. އެ ރަށުން މިނިކަށިތައް ފެނިފައި ވަނީ ރަށުގެ ހުނޅަގުފަރާތުން ރަށް ގިރަމުންދާ ދިމާ، ވެލިގަނޑު ތެރެއިންނެވެ.
މިނި ކަށިގަނޑެއް ކަމަށް ބެލެވޭ ކަށިގަނޑެއް ގއ. ދާންދޫ ކުނިގޮނޑުން ފެނިގެން ބަލައި ތަހުގީގެއް ކުރާން ފަށައިފި އެވެ.
ފުލުސް އިދާރާއިން މިރޭ ބުނީ ދާންދޫ ކުނި ގޮނޑު ތެރެއިން ކަށިގަނޑެއް ފެނިގެން ރިޕޯޓް ކުރި އިރު އެއީ ވަރަށް ގިނަ ދުވަސްވެފައިވާ ކަށިގަނޑެއް ކަމަށް މިހާތަނަށް ބެލިބެލުމުން އެނގިފައިވާ ކަމަށެވެ. އެހެން ނަމަވެސް އެއީ މިނިކަށިގަނޑެއްކަން ނުވަތަ ނޫންކަން އަދި ކަށަވަރު ކުރެވިފައި ނުވާ ކަމަށެވެ.
ކަށިގަނޑެއް ފެނުނު މައްސަލާގައި އިތުރަށް ބަލަން ޖެހޭ ކަންކަން ބަލާން ފަށާފައިވާ ކަމަށް ފުލުހުން މީޑީއާއަށް ފޮނުވި މެސެއްޖެއްގައި މިރޭ ބުންޏެވެ.
މިދިއަ އަހަރުގެ ޖުލައި މަސްތެރޭގައު އއ. އަތޮޅުގައި ކުޑަކުޑަ އާބާދީއެއް އޮންނަ ހިމަންދޫން މިނިކަށިތަކެއް ފެނިފައި ވެއެވެ. އެ ރަށުން މިނިކަށިތައް ފެނިފައި ވަނީ ރަށުގެ ހުނޅަގުފަރާތުން ރަށް ގިރަމުންދާ ދިމާ، ވެލިގަނޑު ތެރެއިންނެވެ.
ކޮމެންޓް
Republic of Maldives