ސަޓާގެ މި އަހަރުގެ ޕާޓްނަރުން އިއުލާނު ކޮށްފި
ސައުތު އޭޝިއަން ޓްރެވަލް އެވޯޑްސް އަކީ ދެކުނު އޭޝިއާގެ ޓްރެވަލް އެންޑް ޓޫރިޒަމް އިންޑަސްޓްރީގެ އެންމެ ފާހަގަކޮށްލެވޭ ފަރާތްތަކުގެ އަގު ވަޒަންކުރުމުގެ ގޮތުން ކޮންމެ އަހަރަކު ވެސް ބާއްވާ ބޮޑު ހަރަކާތެކެވެ.
ސަޓާގެ މި އަަހަރުގެ ޕާޓްނަރުން ރަސްމީކޮށް އިއުލާނު ކޮށްފައި ވަނީ މިއަދު މާލޭގެ މާގިރި ހޮޓަލުގައި ބޭއްވި ރަސްމިއްޔާތެއްގަ އެވެ. ޕާޓްނަރުން ހާމަކޮށްފައިވަނީ ދެކުނު އޭޝިއާގެ ޓްރެވަލް އެންޑް ޓޫރިޒަމް އިންޑަސްޓްރީއަށް އެހީތެރިކަން ފޯރުކޮށްދިނުމުގައި އެފަރާތްތަކުގެ އަހައްމިއްޔަތުކަން ދައްކުވައިދޭ ގޮތަށް ކަމުގައިވާއިރު ސާޓާގެ ޕްލެޓިނަމް ޕާޓްނަރަކީ ލަގްޒަރީ ޔޮޓް އުފެއްދުމުގައި މަޝްހޫރު ނަމެއް ކަމަށްވާ ގަލްފް ކްރާފްޓެވެ.
ގޯލްޑް ޕާޓްނަރުންނަކީ ހޯކްސް ޕްރައިވެޓް ލިމިޓެޑާއި ވެލާނާ އިންޓަނޭޝަނަލް އެއާޕޯޓެވެ. އޮޑިޓިން ޕާޓްނަރަކަށް ކްރޯ މޯލްޑިވްސް އަދި ހޮސްޕިޓާލިޓީ ޕާޓްނަރަކަށް މާގިރި ހޮޓެލް ވަނީ ހަމަޖައްސާފައެވެ.
ސަޓާގެ ރައީސް އިސްމާއިލް ހަމީދު ވަނީ ސަޓާގެ ޕާޓްނަރުންނަށް ޝުކުރު އަދާކުރައްވާ ސައުތު އޭޝިއަން ޓްރެވަލް އެވޯޑްސް 2023 ވަނަ އަހަރުގެ އޮކްޓޫބަރު މަހު އިންޑިއާގެ ބެންގަލޫރުގައި ބޭއްވުމަށް ހަމަޖެހިފައިވާ ކަމަށް ވިދާޅުވެފައެވެ.
އަދި ވިދާޅުވީ އެވޯޑު ދިނުމުގެ އެ ހަފްލާގައި ސައުތު އޭޝިއާ ސަރަޙައްދުގެ އެކި ކަންކޮޅުތަކުގެ އިންޑަސްޓްރީގެ އިސްވެރިންނާއި، ސްޓޭކްހޯލްޑަރުން އެއްތަނަކަށް ޖަމާވާނެ ކަމަަށެވެ.
ސައުތު އޭޝިއަން ޓްރެވަލް އެވޯޑްސް އަކީ ދެކުނު އޭޝިއާގެ ޓްރެވަލް އެންޑް ޓޫރިޒަމް އިންޑަސްޓްރީގެ އެންމެ ފާހަގަކޮށްލެވޭ ފަރާތްތަކުގެ އަގު ވަޒަންކުރުމުގެ ގޮތުން ކޮންމެ އަހަރަކު ވެސް ބާއްވާ ބޮޑު ހަރަކާތެކެވެ.
ތަޖުރިބާކާރުންނާއި އިންޑަސްޓްރީގެ ފަންނުވެރިންގެ ޕެނަލަކުން ކުރިއަށް ގެންދާ ސިލެކްޝަން ޕްރޮސެސްއަކާ އެކު ސަޓާއިން ވަނީ ބެސްޓް ޑޮމެސްޓިކް ޑެސްޓިނޭޝަން އާއި ބެސްޓް އިންޓަނޭޝަނަލް ޑެސްޓިނޭޝަން އާއި ބެސްޓް އެޑްވެންޗާ ޑެސްޓިނޭޝަން އަދި ބެސްޓް އިމާޖިން ޑެސްޓިނޭޝަން ފަދަ 52 ކެޓަގަރީއަކުން އެވޯޑް ދެމުންނެވެ.
ކޮމެންޓް
Republic of Maldives