ޓޫރިޒަމްގެ ބޭނުމަށް ހަނިމާދޫން ބިން ކުއްޔަށް ދެނީ

ހދ. ހަނިމާދޫގެ ޓުއަރިޒަމް ޒޯނުން ބައެއް ބިން ޓޫރިޒަމް ވިޔަފާރިއަށް ކުއްޔައް ދޫކުރަން ހުޅުވާލައިފި އެވެ.

ހަނިމާދޫ ކައުންސިލުން އިއުލާނު ކޮއްފައި ވަނީ 10،000 އަކަފޫޓުގެ ހަތަރު ބިން ޓުއަރިޒަމް ވިޔަފާރި އަށް 40 އަހަރު ދުވަހުގެ މުއްދަތަކަށް ކުއްޔަށް ދޭށެވެ. އަދި 5000 އަކަފޫޓުގެ އަށް ބިން 30 އަހަރުގެ މުއްދަތަކައް ކުއްޔަށް ދޫކުރަން ވެސް ވަނީ ނިންމާފަ އެވެ.

ކައުންސިލް އިން ބުނީ 10،000 އަކަފޫޓުގެ ބިން ދޫކުރުމާ ގުޅޫ ގޮތުން ބާއްވާ ފަހި ބައްދަލުވުން މި މަހުގެ 20 ވަނަ ދުވަހުގެ ހެދުނު 10:30 އޮންނާނެ ކަމަށާއި އަދި 5000 އަކަފޫޓުގެ ބިން ދޫކުރުމާ ގުޅޭ ގޮތުން ބާއްވާ ފަހި ބައްދަލުވުން 24 ވަނަ ދުވަހުގެ ހެދހުނު 10:30 ގައި ބާއްވާނެ ކަމަށެވެ. 

ބިޑް ހުޅުވުން އޮންނާނީ އޯގަސްޓު މަހުގެ ހަވަނަ ދުވަހު އެވެ.