ރަތަފަންދޫގައި ގޭސްފުޅިއެއް ގޮވައި ފިހުނު މީހަކު މަރުވެއްޖެ
މިދިއަ ބުދަ ދުވަހު އުތުރުން ހއ. ހޯރަފުށީގައި މީހަކު ވެލްޑިން ކުރަން އުޅެނިކޮށް ރެސިން ހުސްކުރި ފީފާއެއް ގޮވައިގެން ވެސް ހަށިގަނޑުން ބޮޑު ބައެއް ފިހިފައި ވެއެވެ.
މިދިއަ ބުރާސްފަތި ދުވަހު ގދ. ރަތަފަންދޫގައި ގޭސްފުޅިއެއް ގޮވި ހާދިސާއެއްގައި ހަށިގަނޑުން ބައެއް ފިހުނު އަންހެނަކު ރޭ ފަތިހު މަރުވެއްޖެ އެވެ.
މަރުވީ އެ ރަށު އާމިނަތު އަބްދުލް ހަމީދު 55، އެވެ. އޭނާ މަރުވި އިރު ތިން ކުދިންނާ ފިރިޔަކު ދުނިޔޭގައި އެބަތިއްބެވެ. އޭގެ ތެރެއިން އެއްކުއްޖަކު ހުރީ ޑޮކްޓަރުކަން ކިޔަވަން ގޮސް ގައުމުން ބޭރުގަ އެވެ.
ރަތަފަންދޫ ކައުންސިލްގެ އިސް އޮފިޝަލަކު މިއަދު "މި" ނޫހަށް ވިދާޅުވީ މިދިއަ ބުރާސްފަތި ދުވަހުގެ ހެނދުނު އިރު އަރައިގެން އައި ވަގުތު ހިނގި އެ ހާދިސާގައި ފިހުނު އާމިނަތަށް ފުރަތަމަ ފަރުވާ ދިނީ ތިނަދޫގެ ސަމަދު ހޮސްޕިޓަލުގަ އެވެ. އޭނާ މަރުވީ އިތުރު ފަރުވާ ދިނުމަށް މާލެ ގެންގޮސް އައިޖީއެމްގައި ފަރުވާ ދެމުން ދަނިކޮށެވެ.
ގޭސްފުޅި ގޮވި ހާދިސާގައި އަންހެން މީހާގެ ހަށިގަނޑުގެ ބޮޑު ބައެއް ފިހިފައި ވެއެވެ. އަދި އެ ގޭސްފުޅި ގޮވާފައި ވަނީ ގޭސް ލީކުވެފައި ހުއްޓާ އާމިނަތު އުނދުން ރޯކުރަން އުޅުމުގެ ތެރޭގައެވެ.
މިދިއަ ބުދަ ދުވަހު އުތުރުން ހއ. ހޯރަފުށީގައި މީހަކު ވެލްޑިން ކުރަން އުޅެނިކޮށް ރެސިން ހުސްކުރި ފީފާއެއް ގޮވައިގެން ވެސް ހަށިގަނޑުން ބޮޑު ބައެއް ފިހިފައި ވެއެވެ.
ކޮމެންޓް
Republic of Maldives