މާފަންނު ގެއަކުން ދަގަނޑު ހޮޅިތަކެއް ވަގަށް ނެގި ދެ މީހަކު ހޯދަނީ
ފަހަކަށް އައިސް ވައްކަމާއި، މަކަރާއި ހީލަތް ހެދުން ފަދަ މައްސަލަތަކުގައި ސީސީޓީވީ ފުޓޭޖު އާންމުކޮށް، ތުހުމަތުވާ މީހުން ހޯދުމަށް ފުލުހުން ދަނީ އެދެމުންނެވެ.
މާލޭގެ މާފަންނުގައި ހުރި ގެއަކުން ދަގަނޑު ހޮޅިތަކެއް ވަގަށް ނެގި ދެ މީހަކު ދެނެގަތުމަށް ފުލުހުން އާންމުންގެ އެހީތެރިކަމަށް އެދިއްޖެއެވެ.
ފުލުހުން މިއަދު އާންމު ކުރި ވީޑިއޯއިން ފެންނަނީ އައީޖީއެމްއެޗު ކުރިމަތީ، ކަނބާއައިސާ ހިނގުމާއި، މުރަނގަމަގު ގުޅޭ ކަންމަތީ ހުންނަ އެލީޓް ފާމަސީ ހިންގާ އިމާރާތުން ދަގަނޑު ހޮޅިތަކެއް ދެ މީހަކު ވެގެން ނެރޭ ތަނެވެ.
ފުލުހުން ބުނީ އެ ދެމީހުންނަށް ތުހުމަތު ކުރެވެނީ އެ ހޮޅިތައް ވަގަށް ގެންދިޔަ ކަމަށް ކަމަށެވެ. އެ ދެމީހުން ދަންނަ ނަމަ، ނުވަތަ އެ ކަމާ ގުޅޭ އެއްވެސް މައުލޫމާތެއް އެނގޭނަމަ ފުލުހުންގެ ނަންބަރު 3322111 ނުވަތަ މާފަންނު ޕޮލިސް ސްޓޭޝަންގެ 9660183 ނަންބަރަށް ގުޅާ އެ މައުލޫމާތު ހިއްސާ ކުރުމަށް ފުލުހުން އެދެއެވެ.
ފަހަކަށް އައިސް ވައްކަމާއި، މަކަރާއި ހީލަތް ހެދުން ފަދަ މައްސަލަތަކުގައި ސީސީޓީވީ ފުޓޭޖު އާންމުކޮށް، ތުހުމަތުވާ މީހުން ހޯދުމަށް ފުލުހުން ދަނީ އެދެމުންނެވެ.
ކޮމެންޓް
Republic of Maldives