އަދިވެސް ލޭމަނާ ނުވޭ، ހާލު ވަރަށް ދެރަ
އެނގިފައިވާ ގޮތުގައި އަދިވެސް ހަފީޒްގެ ލޭ މަނައެއް ނުވެއެވެ. އެކަމުގެ ސަބަބުން ފަރުވާ ފެށޭ ގޮތް ވެސް ވަނީ ނުފެވައެވެ. އަދި އިތުރު ފަރުވާއަށް ހަފީޒް ރާއްޖެއިން ބޭރަށް ގެންދަން އާއިލާއިން ބޭނުން ވިޔަސް އެކަމުގެ ހުއްދަ ވެސް ނުލިބުނެވެ.
ރޭ ފަތިހު ހިނގި ނުރައްކާތެރި އެކްސިޑެންޓްގައި އަނިޔާވި މީހާގެ ހާލު ވަރަށް ދެރަ ކަމަށާ އަދިވެސް ލޭ މަނާ ނުވާތީ ފަރުވާ ނުފެށި ލަސްވެއްޖެ އެވެ.
ރޭ ހިނގި ނުރައްކާތެރި އެކްސިޑެންޓްގައި ސީރިއަސް އަނިޔާތަކެއް ލިބުނީ ހއ. ބާރަށް ނިސްބަތްވާ އަލީ ހަފީޒް އެވެ. އުމުރުން 50 އަހަރުގެ ހަފީޒް ގައިގައި ޖެހުނީ ވަރަށް ބާރު ސްޕީޑްގައި ދުއްވާފައި އައި ސައިކަލެކެވެ. ސައިކަލުން ޖެހި ވިއްސައިގެން ދިއުމުގެ ސަބަބުން ހަފީޒަށް ވަނީ ސީރިއަސް ޒަހަމްތަކެއް ލިބިފައެވެ.
އެ ވަގުތުވެސް ހަށިގަނޑުން ވަރަށް ގިނަ އަދަދަކަށް ލޭ މަގުމައްޗަށް ފޭބިއެވެ. ހަފީޒުގެ ހެއަށް ވެސް ގޮތްވި އެވެ. ހޮސްޕިޓަލަށް ގެންދިޔަައީ އެވަގުުތު މަސްޖިދު އާދިލް އިން ނިކުތް ބައެެކެވެ.
ހަފީޒްގެ ގައިގައި ސައިކަލުން ޖެހުނީ ފަތިސް ނަމާދު ކޮށްގެން މިސްކިތުން ފައިބައިގެން ކަފިހި ހުރަހުން މަގު ހުރަސްކުރަނިކޮށެވެ. އުމުރުން 22 އަހަރުގެ ދިވެހި ޒުވާނަކު ޖީއެން ސައިކަލެއްގައި އެވަގުތު ބާރު ސްޕީޑްގައި ދުއްވާފަ އައެވެ. ސައިކަލް ކޮންޓްރޯލް ނުވެ ހަފީޒްގެ ގައިގައި ޖެހި ވިއްސައިގެން ދިޔައީ އެވެ. ސައިކަލް ދުއްވަން އިން މީހާގެ އަތުގައި ލައިސަންސްް އެއްވެސް ނެތެވެ.
އެކްސިޑެންޓްގައި އޭނާއަށް ވެސް އަނިޔާވި އެވެ. އޭނާ ހޮސްޕިޓަލަށް ގެންދިޔައީ އެހެން ސައިކަލެއްގައި އައި ދެ މީހެކެވެ.
އެނގިފައިވާ ގޮތުގައި އަދިވެސް ހަފީޒްގެ ލޭ މަނައެއް ނުވެއެވެ. އެކަމުގެ ސަބަބުން ފަރުވާ ފެށޭ ގޮތް ވެސް ވަނީ ނުފެވައެވެ. އަދި އިތުރު ފަރުވާއަށް ހަފީޒް ރާއްޖެއިން ބޭރަށް ގެންދަން އާއިލާއިން ބޭނުން ވިޔަސް އެކަމުގެ ހުއްދަ ވެސް ނުލިބުނެވެ. ދަތުރު ކުރަން ހުއްދަ ދެވޭ ވަަރަށް ވުރެ ހަފީޒްގެ ހާލު ސީރަސް ވެފައި ދެރަ އެވެ. ހަފީޒަށް ފަރުވާ ދެމުން ދަނީ އޭޑީކޭ ހޮސްޕިޓަލްގައެވެ.
ކޮމެންޓް
އެ މީހުން ދޯހަޅީ ފުލުހުންގެ އަތަކު ނުޖެހޭނެ. އެހެންވީމަ އަތު ޖެހޭ ބައެއް ފެލާލަނީ. ހީހޫންތަނުން މަޅާލަނީ!
މިޚަބަރާއި ބާރަށުގަ އޮންނަ އީދު ކުޅިވަރާއި ގުޅޭ ހިސާބެއް އެނގޭ މީހަކު ބުނެދީބަލަ އަނިޔާވި ފަރާތަށް އަވަސް ޝިފާއަކަށް އެދެން
ތިހާ ގަމާރު އިރުވެސް ކޮމެންޓް ކުރަން ޖެހޭތަ؟ ބަލަ ހަފީޒަށް މި ހާދިސާ ދިމާވިއިރު އާއިލާގެ ގިނަ ބަޔަކު ތިބީ އީދަށް ރަަށަށް ގޮހެވެ. އެ މީހުން އީދަށް ރަށަށް ދިޔައީ ބާރަށުގައި މިފަހަރު ވަރަށް ކުލަ ގަދަކޮށް އީދު ފާހަގަ ކުރަން ރާވާފައި އޮތީމަ އެވެ. ހަބަރުގައި އެކަން ހިމަނާފައިވަނީ އެެހެން ވެގެން ކަން ނޭންގޭހާ ގަމާރު ވީމަ އެހެން މީހުން ކުރާނީ ކީއްހެއްޔެވެ.
ޖީއެންގައި ދުވާ މީހުން ހީކުރަނީ އެމީހުން ވަރެއް ނެތް ކަމަށް، ސައިކަލަކަށް އެރުނީމާ އެނިމުނީ. ގަވައިދެއް ނޯވޭ. ސައިލެން ސަރުން އެހެން މީހުން ސިހިގެން ވެއްޓޭވަރަށް އަޑު ހުރޭ. އެކަމަކު ފުލުހުންނަށް ވެސް ފެންނާނީ ގަވައިދުން ދުއްވާ މީހުން، ޗެކު ޕޮއިންޓުންވެސް އަބަދުވެސް ޗެކު ކުރާނީ ގަވައިދުން އުޅޭ މީހުން ނުގަވައިދުން އުޅޭ މީހުންގެ ލައިސެން ބާތިލު ކުރަން ޖެހޭ
ޕޮލިހުން ވެސް އަޅާވެސް ނުލާ
Republic of Maldives