މާލޭ އިންޖީނުގޭގެ އިންޖީނެއްގައި ރޯވެއްޖެ
މާ ބޮޑު ނޫން އެ އަލިފާނުގެ ސަބަބުން އުފެދުނު ދުން ބޭރު ކުރުމުގެ މަސައްކަތް ސިފައިންނާއި ސްޓެލްކޯއިން ކުރާއިރު ހާދިސާ ހިނގަން ދިމާވި ސަބަބު ބަލައި ހޯދުމުގެ މަސައްކަތެއް ވެސް ވަނީ ފަށާފަ އެވެ.
މާލެއަށް ކަރަންޓު ދޭ، ސަރުކާރުގެ މައި ކަރަންޓު ކުންފުނި، ސްޓެލްކޯއިން ބޭނުން ކުރާ އިންޖީނެއްގެ ބައެއްގައި ރޯވެ އަލިފާނުގެ ހާދިސާއެއް ހިނގައިފި އެވެ. މި ހާދިސާގައި މީހަކަށް ގެއްލުމެއް ނުވެއެވެ.
ސްޓެލްކޯއިން ބުނީ މިއަދު މެންދުރެއްހާއިރު އެ ކުންފުނީގެ މާލޭ އިންޖީނު ގޭގެ އިންޖީނެއްގައި ރޯވި އަލިފާން މާ ގިނައިރު ނުވަނީސް ނިއްވާލެވުނު ކަމަށާއި ހުޅު ރޯވީ އިންޖީނެއްގެ ޓާބޯއެއްގައި ކަމަށެވެ. އެއީ އިންޖީނުގެ ދުން ބޭރު ނިޒާމުގެ ބައެކެވެ.
މާ ބޮޑު ނޫން އެ އަލިފާނުގެ ސަބަބުން އުފެދުނު ދުން ބޭރު ކުރުމުގެ މަސައްކަތް ސިފައިންނާއި ސްޓެލްކޯއިން ކުރާއިރު ހާދިސާ ހިނގަން ދިމާވި ސަބަބު ބަލައި ހޯދުމުގެ މަސައްކަތެއް ވެސް ވަނީ ފަށާފަ އެވެ. މި ހާދިސާގެ ސަބަބުން މާލޭގެ އެއްވެސް ދިމާއަކުން ކަރަންޓު ކެނޑިފައެއް ނުވެއެވެ.
ސްޓެލްކޯގެ އިންޖީނު ގޭގައި އަލިފާނުގެ ހާދިސާއެއް މީގެ ކުރިން ހިނގާފައެއް ވެސް ނުވެ އެވެ. މިއަދު މި އަލިފާން އާއިރު އިއްޔެ ދިމާވި ޓެކްނިކަލް މައްސަލަތަކަކާ ގުޅިގެން މުޅި މާލޭންނާއި ހުޅުމާލޭގެ ބަޔަކު ދެ ގަޑިއެއްހާއިރަށް ކަރަންޓު ކެނޑުނެވެ. އެކަމާ ސްޓެލްކޯއިން މާފަށް ވެސް އެދިފައި ވެއެވެ.
ކޮމެންޓް
Republic of Maldives