އަފީފުގެ އެދިވަޑައިގަތުމަކަށް ރައީސް ސޯލިހް ބައްދަލުކުރައްވައިފި
ރައީސުލްޖުމްހޫރިއްޔާގެ އޮފީހުގެ ތަރުޖަމާން މިއުވާން މުހައްމަދު ވިދާޅުވި ގޮތުގައި އަފީފް، ރައީސް އޮފީހަށް ވަޑައިގެންނެވީ ރައީސް ސޯލިހާއި ބައްދަލު ކުރެއްވުމަށެވެ. އެ ބައްދަލްވުމަކީ އަފީފް އެދިވަޑައިގެން ބޭއްވެވި ބައްދަލްވުމެއް ކަމަށް ވެސް ވިދާޅުވި އެވެ.
ރައްޔިތުންގެ މަޖިލީހުގެ ރިޔާސަތު މިހާރު ބަލަހައްޓަވާ ވިލުފުށީ ދާއިރާގެ މެންބަރު ހަސަން އަފީފް، ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހާއި މިއަދު ބައްދަލު ކުރައްވައިފި އެވެ.
އަފީފްއާ ރައީސް ސޯލިހް ބައްދަލު ކުރެއްވީ މަޖިލީހުގެ މިއަދުގެ ޖަލްސާގެ ހުސްވަގުތުކޮޅު އެވެ. ބާރަ ޖަހަނިކޮށް މަޖިލީސް މެދުކަނޑާލެވުމަށް ފަހު އަފީފް ވަނީ ރައީސް އޮފީހަށް ވަޑަައިގެންފައެވެ.
ރައީސުލްޖުމްހޫރިއްޔާގެ އޮފީހުގެ ތަރުޖަމާން މިއުވާން މުހައްމަދު ވިދާޅުވި ގޮތުގައި އަފީފް، ރައީސް އޮފީހަށް ވަޑައިގެންނެވީ ރައީސް ސޯލިހާއި ބައްދަލު ކުރެއްވުމަށެވެ. އެ ބައްދަލްވުމަކީ އަފީފް އެދިވަޑައިގެން ބޭއްވެވި ބައްދަލްވުމެއް ކަމަށް ވެސް ވިދާޅުވި އެވެ.
ބައްދަލްވުމުގެ ތަފްސީލް ނުދެއްވާ މިއުވާން ވިދާޅުވި ގޮތުގައި ދެ ބޭފުޅުން މަޝްވަރާ ކުރެއްވީ މަޖިލީހުގެ ޖަލްސާތައް ކުރިއަށް ގެންދަން ހުރަސް އެޅިފައިވާ މައްސަލައާ ގުޅިގެންނެވެ.
މިދިޔަ ތިން ޖަލްސާގައި ވެސް ރިޔާސަތުގައި އިންނެވީ އަފީފެވެ. އަފީފް ރިޔާސަތުގައި އިންނަވަނީ އިތުބާރު ނެތް މައްސަލައަކާއި ގުޅިގެން މަޖިލީހުގެ ރައީސް މުހައްމަދު ނަޝީދާއި ނާއިބު ރައީސް އީވާ އަބްދުﷲ ރިޔާސަތުގައި އިންނެވުމަށް އުޒުރުވެރިވުމުންނެވެ.
މަޖިލީހުގެ މެޖޯރިޓީ އޮތް އެމްޑީޕީން ބުނާ ގޮތުން ރައީސް ނަޝީދާއި އީވާ އަބްދުﷲ ވަނީ މަޖިލީސް "ހިސާރު" ކޮށްފައެވެ. އަދި މިއަދުގެ ޖަލްސާއަށް ފަހު އަފީފަށް ރިޔާސަތުގައި ނުއިންނެވޭނެ އެވެ. މަޖިލީހުގައި އެންމެ ފުރަތަމަ ދެން ކުރިއަށް ގެންދަން ޖެހޭނީ އީވާގެ އިތުބާރު ނެތް މައްސަލަ އަށް ފަހު ކަމަށް ވެސް އެމްޑީޕީން ބުނެ އެވެ.
ކޮމެންޓް
Republic of Maldives