ސްޓެލްކޯގެ މަސައްކަތެއް: ރަސްދުއަށް 100 ޓަނުގެ ފެން ޕްލާންޓެއް

އއ. ރަސްދޫގެ ފެނުގެ ޑިމާންޑަށް ކޭޓާ ކުރަން އެ ރަށުގައި އިތުރު 100 ޓަނުގެ އާރްއޯ ޕްލާންޓެއް ސްޓެލްކޯއިން ބަހައްޓައިދީފި  އެވެ.

ސްޓެލްކޯއިން ބުނީ ރަސްދޫގެ ރައްޔިތުންނަށް ފެންވަރު ރަނގަޅު، ފުރިހަމަ ހިދުމަތެއް ދޭން ބެހެއްޓި އާ ޕްލާންޓާއެކު، ރަސްދޫގެ ފެން އުފެއްދުމުގެ ޖުމްލަ ކެޕޭސިޓީ 160 ޓަނަށް އިތުރު ކުރެވިފައިވާ ކަމަށެވެ.

މި ޕްލާންޓަކީ ސްޓެލްކޯގެ މުވައްޒަފުން، އޭގެ ކޮމިޝަނިން ހުރިހާ މަސައްކަތެއްކޮށް އޮޕަރޭޝަނަށް ގެނައި ފުރަތަމަ ޕްލާންޓެވެ.

ސްޓެލްކޯގެ މެނޭޖިން ޑިރެކްޓަރު އަހުމަދު ޝަރީފް ވަނީ ކުންފުނީގެ އެ ތާރީހީ މަސައްކަތުގައި އުޅުނު، ކަރަންޓު ކުންފުނީގެ ވޯޓާ ސުވަރޭޖް އެންޑް ވޭސްޓް މެނޭޖްމަންޓު ޑިޕާޓްމަންޓުގެ މުވައްޒަފުންނާ ބައްދަލު ކުރައްވާ މަސައްކަތަށް ތަރުހީބު ދެއްވާފަ އެވެ.

ޝަރީފު ވިދާޅުވީ ސްޓެލްކޯއިން އަލަށް އެފަދަ ކަމެއް ކޮށް، ހޯދި ކާމިޔާބީއަށް ޝުކުރާއި، މަރުހަބާ ދަންނަވާ ކަމަށެވެ. 

އެއީ އަތޮޅާއި މުޅިން ވަކި އަތޮޅެއްގެ ގޮތަށް އޮންނަ 4 ރަށުގެ ތެރެއިން މީހުން ދިރިއުޅޭ ހަމައެކަނި ރަށަށްވާތީ އެވެ. މާލެއަތޮޅު ފިޔަވައި އެންމެ ފުރަތަމަ ޓޫރިޒަމް ތައާރުފްކޮށްފައިވާ އަތޮޅަކީވެސް ރަސްދުއަތޮޅެވެ. އެ ރަށުގައި 100 އަހަރަށްވުރެ ގިނަދުވަސްވެފައި ހުރި ނިކަގަހެއް ހުރެއެވެ.