ރައީސް ސޯލިހް ރާ ބޮނީ މަށާއެކު: އާޒިމް
މިއަދުގެ މަޖިލީހުގެ ޖަލްސާ ފަށައިގެން ކުރިޔަށް ނުގެންދެވި ދެ ފަހަރަށް ޖަލްސާ މެދު ކަނޑާލާފައިވާއިރު މަޖިލީހުގައި ނިޒާމީ ނުކުތާއެއް ނަންގަވައިގެން އެންމެ ބޮޑަށް އަޑުހަރު ކުރައްވަނީ އާޒިމެވެ.
ރައްޔިތުން މަޖިލީހުގެ މެދު ހެންވޭރު ދާއިރާގެ މެންބަރު އަލީ އާޒިމް ރާ ބޮއެގެން މަޖިލީހަށް ވަދެވަޑައިގެން އިންނަވާ ކަމަށް ތުހުމަތު ކުރުމުން އެއަށް އާޒިމް ރައްދު ދެއްވައި ރައީސް އިބްރާހިމް މުހައްމަދު ސޯލިހުގެ އިސްތިށިފުޅުގައި ބަނގުރަލުގެ އިލްޒާމް އަޅުވައިފި އެވެ.
އަލީ އާޒިމް ބަނގުރާ ބޯ ކަމަށް ތުހުމަތު ކުރެއްވީ އިހަވަންދޫ ދާއިރާގެ މެންބަރު މުހައްމަދު ޝިފާއު އެވެ.
އެއާ ގުޅިގެން އާޒިމް ދާޅުވީ ރައީސް ސޯލިހު ވެސް ރާ ބޯ ކަމަށެވެ. އަދި އޭނާ ވަނީ ކުޑަ ތަފުސީލެއް ވެސް ދެއްވާފަ އެވެ:
"އިބްރާހިމް މުހައްމަދު ސޯލިހް ރާ ބޮންޏާއި ބޮނީ މަށާއި އެއްކޮށް." އޭނާ ވިދާޅުވި އެވެ.
ރަލާ ގުޅޭ މި ވާހަކަތައް އާއިރު ކުރީގެ ނައިބު ރައީސް އަހްމަދު އަދީބުގެ އަތުން ދަބަހެއްގައި ދިޔައި އެއްޗެއް ގެންދެވި ކަމަށް އާޒިމް އިއުތިރާފު ވެވަޑައިގަތުމުން އެއީ ބަނގުރާ ތޯ ސުވާލު އަމާޒުވެފައި ވެއެވެ. އެކަމަކު އެ ސުވާލަށް އާޒިމް އަދި މިހާތަނަށް ޖަވާބެއް ނުދެއްވަ އެވެ.
މިއަދުގެ މަޖިލީހުގެ ޖަލްސާ ފަށައިގެން ކުރިޔަށް ނުގެންދެވި ދެ ފަހަރަށް ޖަލްސާ މެދު ކަނޑާލާފައިވާއިރު މަޖިލީހުގައި ނިޒާމީ ނުކުތާއެއް ނަންގަވައިގެން އެންމެ ބޮޑަށް އަޑުހަރު ކުރައްވަނީ އާޒިމެވެ.
ކޮމެންޓް
އާޒިމު އެހެއްދެވީ ތެދެއްކަމުގަވަނީނަމަ އިބުރާހިމް މުހައްމަދު ސޯލިހުގެ މައްޗަށް ޝަރިއަތް ހިންގެންޖެހޭއަދި ތައުޒީރުވެސް ކުރެވެންޖެހޭ
Republic of Maldives