ރާވިއްކި ސަފާރީ ވަދެ އަނެއްކާވެސް އުކުޅަސް ހޫނު ކޮށްލައިފި
އުކުޅަހު ބަނދަރުގައި އޮވެގެން ބަނގުރާ ރާ ވިއްކި ކަމަށް ތުހުމަތުވި ސަފާރީ އޭރު ވެއްދީ މަރާމާތަށް ކަމަށް ބުނެ މޭ މަހުގެ ދެ ވަނަ ދުވަހު އެވެ. ސަފާރީ ބަނދަރަށް ވައްދާފައިވަނީ ކައުންސިލުން ހުއްދަ ނެތި އެވެ.
އއ. އުކުޅަހުގައި ބަނދަރު ޖަހައިގެން އޮވެ ބަނގުރާ ވިއްކާ ކަމަށް ތުހުމަތުވެ ބޮޑެތި މައްސަލަތައް އުފެދިގެން ބޭރު ކުރި "ޒެޑް ކްރޫޒާ" ސަފާރީ އަނެއްކާ ވެސް އުކުޅަހު އިހުތިސޯސް ހިނގާ ސަރަހައްދަށް ވަދެ، އުކުޅަސް ހޫނު ކޮށްލައިފި އެވެ.
ކޯޓް އަމުރަކުން ބޭރު ކޮށްފައި އޮއްވާ މި ފަހަރު އެ ސަފަރީ އުކުޅަހު އިހްތިސޯސް ހިނގާ ސަރަހައްދަށް ވަނީ މޫސުން ގޯސްވެ ކަނޑު ގަދަވާ ކަމަށް ބުނެ އެވެ. އިއްޔެ މެންދުރުން ފެށިގެން ސަފާރީ އޮތީ އުކުޅަހު ބަނދަރަށްވާ ގޮތަށް ނަގިލިލައި ބަނދަރު ޖައިގެނެވެ.
ކުރީން "ޒެޑް ކްރޫޒާ" އިން އުކުޅަހަށް ރާބާލައި ރާ ވިއްކާ މައްސަލަގައި ބޮޑު އެތައް މައްސަލައެއް ރަށުގައި އުފެދި އެސްއޯ ފުލުހުން އެ ރަށަށް އަރަން ޖެހިފައި ވެއެވެ. އެ މައްސަލަ ބަލައި މިދިއަ މޭ މަހުގެ 14 ވަނަ ދުވަހު ވަނީ 24 ގަޑި އިރުތެރޭގައި އެ ސަފާރީ އުޅަހު ބަނދަރުން ނެރެން އަމުރު ކޮށްފަ އެވެ. އެ ކޯޓު އަމުރުގައި އޮތީ އުކުޅަހު ކައުންސިލްއިން އެދުނު ގޮތަށް، އުކުޅަހު އިހްތިސޯސުން ބޭރަށް "ޒެޑް ކްރޫޒާ" ސަފާރީ ގެންދާށެވެ.
އުކުޅަހު ބަނދަރުގައި އޮވެގެން ބަނގުރާ ރާ ވިއްކި ކަމަށް ތުހުމަތުވި ސަފާރީ އޭރު ވެއްދީ މަރާމާތަށް ކަމަށް ބުނެ މޭ މަހުގެ ދެ ވަނަ ދުވަހު އެވެ. ސަފާރީ ބަނދަރަށް ވައްދާފައި ވަނީ ކައުންސިލުން ހުއްދަ ނެތި އެވެ.
- ހުއްދަ ނުހޯދާ ސަފާރީ ވެއްދީ މޭ މަހުގެ ދެވަނަ ދުހު
- ކޯޓް އަމުރަކުން ނެރުނީ މޭ މަހުގެ 14 ވަނަ ދުވަހު
- ސަފާރީގެ މައްސަލާގައި މުޒާހަރާކޮށް ރަށް ބަންދު ކުރި
ކޮމެންޓް
Republic of Maldives