ބޭބެ މަރާލި މީހާ ޝަރީއަތް ނިމެންދެން ބަންދަށް
ފުލުހުން ދެންމެ ބުނީ މަވާޒްގެ ބަންދަށް ގޮތް ނިންމަން ކޯޓަށް ހާޒިރު ކުރުމުން ޝަރީއަތް ނިމެންދެން ބަންދުގައި ބެހެއްޓުމަށް އަމުރު ކޮށްފައިވާ ކަމަށެވެ.
އައްޑު އަތޮޅު މަރަދޫފޭދޫގައި ވަޅި ހަރައި މަރާލި އެ ރަށު ބްލޫސްޓާ / އަހުމަދު ޝުއައިބުގެ މަރުގެ މައްސަލާގައި އޭނާގެ ކޮއްކޮ އުމުރުން 25 އަހަރުގެ ހުސެއިން މަވާޒް ޝަރީއަތް ނިމެންދެން ބަންދުގައި ބެހެއްޓުމަށް އަމުރު ކޮށްފި އެވެ.
ޝުއައިބުގެ މަރާ ގުޅިގެން މަވާޒް ހައްޔަރު ކުރީ އޭނާ އަމިއްލައަށް ފުލުހަށް ހާޒިރު ވުމުން އިއްޔެ އެވެ. ފުލުހުން ދެންމެ ބުނީ މަވާޒްގެ ބަންދަށް ގޮތް ނިންމަން ކޯޓަށް ހާޒިރު ކުރުމުން ޝަރީއަތް ނިމެންދެން ބަންދުގައި ބެހެއްޓުމަށް އަމުރު ކޮށްފައިވާ ކަމަށެވެ.
މަރަދޫފޭދޫ ބްލޫސްޓާ ކުރިމަތީ ޝުއައިބަށް ހަމަލާ ދީފައި ވަނީ ބުދަ ދުވަހުގެ ރޭ 11:23 އެހާކަންހާއިރު އެވެ. ޝުއައިބުގެ ހަށިގަނޑިގެ ގިނަ ތަންތަނަށް ކަތުރަކުން ހަމަލާދީފައިވެ އެވެ. ސ. އަތޮޅުގެ ވެރިރަށް ހިތަދޫގައި ހުންނަ އިކްއެޓޯރިއަލް ހޮސްޕިޓަލަށް ގެންގޮސް ފަރުވާ ދެމުން ދަނިކޮށް މަރުވީ އެވެ.
ބޭބެގެ ގަޔަށް ކަތުރު ހަރައި ރޭ ދިން ހަމަލާތަކެއްގައި ވަރަށް ފުން ޒަހަމްތައް އޭނާގެ ހަށިގަނޑު ގިނަ ތަންތަނަށް ދީފައިވާއިރު މެއަށް ވެސް ކަތުރު ޖަހާފައި ވެއެވެ.
ކޮމެންޓް
Republic of Maldives