ތެޔޮ ބޯޓެއްގައި އަލިފާނުގެ ހާދިސާއެއް ހިނގާ މީހަކަށް އަނިޔާ
އަލިފާނުގެ އެ ހާދިސާގައި ބޯޓުގައިވެސް ރޯވިއެވެ. ނަމަވެސް އަލިފާންގަނޑު މުޅި ބޯޓަށް ފެތުރުމުގެ ކުރިން ވަނީ ނިއްވާލާފަ އެވެ.
ދެކުނުން ގދ. ތިނަދޫ ބަނދަރުގައި އޮތް ތެޔޮ ބޯޓެއްގައި އަލިފާނުގެ ހާދިސާއެއް ހިނގައި މީހަކަށް އަނިޔާވެއްޖެ އެވެ.
ތިނަދޫ ބަނދަރުގެ ޖެޓީ ސަރަހައްދުގައި އޮތް ތެޔޮ ބޯޓުގައި ހުޅު ރޯވި ހާދިސާއެއް އައީ ބޯޓުން ޓޭންކަށް ތެޔޮ އަޅަން އުޅުމުގެ ތެރޭ ތެޔޮ ޕަންޕ؛ުގެ ހޮޅީގައި އަލިފާން ރޯވެގެނެވެ.
އެ ހާދިސާގައި އަނިޔާވި މީހާއަށް ތިނަދޫ ސަމަދު މެމޯރިއަލް ހޮސްޕިޓަލްގައި ގެންދަނީ ފަރުވާދެމުންނެވެ. އޭނާއަށް ލިބިފައިވާ ގެއްލުން ތަކުގެ ތަފުސީލު ސާފެއް ނުވެ އެވެ. ނަމަވެސް އެމީހާގެ ހަށިގަނޑުގެ ބައެއް ތަންތަން ފިހިފައިވާ ކަމަށް ވެއެވެ.
އަލިފާނުގެ އެ ހާދިސާގައި ބޯޓުގައި ވެސް ރޯވިއެވެ. ނަމަވެސް އަލިފާންގަނޑު ފެތުރުމުގެ ކުރިން ވަނީ ނިއްވާލާފަ އެވެ.
މި ހާދިސާ ހިނގި އިރު ނ. މާފަރު އެއާޕޯޓްގައި މިއަދު އެކްސްކަވޭޓަރެެއް ފުރޮޅާލައި އޭގެ ޑްރަވަރަކަށް އިން އިންޑިއާ މީހަކު ވަނީ މަރުވެފަ އެވެ.
ކޮމެންޓް
Republic of Maldives