މިލަދުއާއި މާފަރުގައި އޭޓީއެމް ބަހައްޓާ، ހިދުމަތް ފަށައިފި

ނ. އަތޮޅު މިލަދޫ އާއި މާފަރުގައި ބޭންކް އޮފް މޯލްޑިވްސްގެ އޭޓީއެމްގެ ހިދުމަތް ފަށައިފި އެވެ. 

އެ ބޭންކުން މިއަދު ބުނީ، އެ ދެރަށުގައި ބެހެއްޓި އޭޓީއެމުން ފައިސާ ނެގުމާއި، ޖަމާ ކުރުމާއި، ބިލަށް ފައިސާ ދެއްކުމާއި، ޓްރާންސްފާ ކުރުމުގެ ހިދުމަތް 24 ގަޑިއިރު މެދުނުކެނޑި ލިބޭނެ ކަމަށެވެ. 

"އަޅުގަނޑުމެންގެ އަމާޒަކީ ރައްޔިތުންނަށް ފަސޭހަކަމާއެކު ބޭންކިންގ ހިދުމަތް ފޯރުކޮށްދިނުމަށް މިހާރުވެސް ކުރަމުންދާ އިންވެސްޓަމަންޓް މެދުކެނޑުމެއްނެތި ކުރިޔަށްގެންދިޔުން. އަޅުގަނޑުމެންގެ ވިއުގަ ފުޅާކުރުމަށް ކުރާ މަސައްކަތާއެކު މި ރަށްތަކުގެ ރައްޔިތުންނާއި، ވިޔަފާރިތަކާއި، އިގްތިޞާދަށް އެހީތެރިވެވޭ ކަމީ އަޅުގަނޑުމެންނަށް ލިބޭ އުފަލެއް." އެ ކުންފުނީގެ ސީއީއޯ ކާލް ސްޓުމްކަ ވިދާޅުވި އެވެ.

އެ ދެ ރަށުގެ އިތުރުން އެ އަތޮޅު ކެނދިކުޅުދޫގައި ވެސް އެ ބޭންކުގެ އޭޓީއެމްއެއް ހުރެއެވެ. އެއާއެކު މިހާރު، ރާއްޖޭގެ އެކި ކަންކޮޅުތަކުގައި ބީއެމްއެލްގެ 143 އޭޓީއެމް އެބަހުއްޓެވެ.