ތި ގެއަށް އެސްއެސްނެޓްލާ، ހިލޭ ގުޅައިދޭނެ
އެސްއެސް ޓީވީގެ ކަސްޓަމަރުންގެ އަދަދު ދަނީ އިތުރުވަމުންނެވެ. އެހެންވެ ކަސްޓަމަރުންނަށް އިތުރު ލުޔެއް ދޭން މިވަނީ ޕްރޮމޯޝަނެއް ފަށާފަ އެވެ.
ބްރޯޑްކޮމް އިން މީޑިއާނެޓަށް ފަހިވާ ގޮތަށް ހެދި ގަވާއިދުގެ ސަބަބުން ދިރާގު ޓީވީ ހުއްޓުމާއެކު އާއްމުންގެ ހިދުމަތަށް ނުކުތް އެސްއެސްނެޓުގެ ކުރިއެރުން ހުރީ ހީކުރި ވަރަށް ވުރެ ބާރަށެވެ. އެހެންވެ އެ ކުންފުނިން މިވަނީ ކަސްޓަމަރުންނަށް އިތުރު އުފާވެރި ހަބަރެއް ވެސ ދީފަ އެވެ. މިހާރު އެސްއެސްނެޓަށް އަލަށް ގުޅޭ ކަސްޓަމަރުންގެ ކަނެކްޝަން ހިލޭ ގުޅައިދޭނެ އެވެ.
އެސްއެސް ނެޓުން ބުނި ގޮތުގައި މިހާރު ކުރިއަށް ގެންދާ މިހާރު ރަޖިސްޓްރީ ކުރުމުން ގުޅައިދިނުން މުޅިން ހިލޭ ލިބޭ ޕްރޮމޯޝަންގެ ސަބަބުން ކަސްޓަމަރުންނަށް 1،000ރ. ސަލާމަތް ކުރުމުގެ ފުރުސަތު ފަހި ވެގެންދާނެ އެވެ.
މި ޕްރޮމޯޝަން ކުރިއަށްދާއިރު ކުރީގެ ޑީކޯޑަރެއް ހުރިނަމަ އަތުން އެއްވެސް އެއްޗެއް ނުދާނެ އެވެ. ނަމަވެސް އެސްއެމް ނެޓަށް އަލަށް ގުޅޭ ކަސްޓަމަރުންނަށް ހިދުމަތް ހޯދަން ޑީކޯޑަރެއް ބޭނުންވާނެ އެވެ. އެކަމަކު މިޑީކޯޑަރުގެ އަގުތައް ބަހާލައިގެން ދެއްކުމުގެ ފުރުސަތު ވެސް ލިބޭނެ އެވެ. އެހެންވެ މިއީ އެސްއެސް ނެޓުގެ ކަސްޓަމަރުންނަށް ލިބިގެންދާނެ ބޮޑު ލިޔެކެވެ.
- ކޮލިޓީ ވީޑިއޯ އަދި އޯޑިއޯ
- ޑީކޯޑަރު އިންސްޓޯލްމަންޓަށް ބަހާލެވޭނެ
އެސްއެސްނެޓަކީ ކޮންބައެއް؟
ވިޔަފާރިވެރިޔާ އަހުމަދު ސިޔާމް މުހައްމަދުގެ މި ކުންފުނި އުފައްދާފައި ވަނީ މި އަހަރުގެ ނޮވެމްބަރު އެއްވަނަ ދުވަހު އެވެ. އެ ކުންފުނީގެ ޑިރެކްޓަރުގެ ގޮތުގައި ތިއްބަވަނީ ސިޔާމްގެ ދަރިކަލެއް ކަމަށްވާ ފާތުމަތު ޝަރައު ޝިޔާމް އާއި ޝަބީބު ޝިޔާމް އިތުރުން ސަން ގްރޫޕުގައި ގިނަ ދުވަސްތަކެއް ވަންދެން ހިދުމަތް ކުރައްވަމުން ގެންދަވާ ސަން ގްރޫޕުގެ އެގްޒެކެޓިވް ޑިރެކްޓަރު ޒުލެއިހާ މަނިކެވެ.
ކޮމެންޓް
އެސް.އެސް ނެޓް ގުޅަން ފޯރމް ލައިގެން މިހާރު 2 މަސްދުވަސްވެއްޖެ. އަދި ޚަބަރެއްނުވެ. 1633 އަށް ގުޅާއިރަށްބުނަނީ މިއަންނަހަފްތާ ގުޅަންދާނޭ. އަދި މިއަންނަހަފްތާ ނައިސްގެން މިތިބެނީ
މިވެސް ދެން ބޮޑުވެއްޖެ ކަމެއް، މިހެން އަންނަ ބަޔަކު ކުރިއެރިޔަ ނުދެކޭ މިކަމުގައި ދެމި ތިބި މީހުން ބައިވެރިވެގެން އެކަން ކަމާ ސަރިުކާރަކަށް ކުރެވޭ ކަމެއްވެސް ނޯވޭ. އެއީ ކޮމިޝަނާ ސަރުކާރާވުރެ އެ މީހުން މާ ބާރުގަދަވެފައި އޮންނާތީ
Republic of Maldives