ރައީސް އިނިގރޭސިވިލާތުގައި އަލީ ވަހީދާ ބައްދަލެއް ނުކުރައްވާ: މިއުވާން
ޕީޖީ އޮފީހުން ބުނެފައި ވަނީ އެ ދައުވާތައް ފޮނުވާލާފައި އޮތީ ފަހުން ހުށަހެޅޭ ގޮތަށް ކަމަށެވެ. އެފަހުން އެ މައްސަލައިގެ ހަބަރެއް ނެތެވެ.
ރައީސް އިބްރާހިމް މުހައްމަދު ސޯލިހު މި މަހުގެ ކުރީކޮޅު އިނގިރޭސިވިލާތަށް ކުރެއްވި ދަތުރުފުޅުގެ ތެރޭގައި ކުރީގެ ޓޫރިޒަމް މިނިސްޓަރު އަލީ ވަހީދާ ބައްދަލު ކުރައްވާ އޭނާއަށް ތުހުމަތު އޮތް މައްސަލަތަކުގައި މާފެއް ދެއްވާފައިވާ ކަމަށް ދެކެވޭ ވާހަކަތައް ސަރުކާރުން ދޮގު ކޮށްފި އެވެ.
ޖީންސީ ގޯނާގެ ތުހުމަތަކެއް އޮއްވާ އަލީ ވަހީދު އިނގިރޭސި ވިލާތަށް ވަޑައިގެން އުޅުއް ވަނީ އަމިއްލައަށް އަރުވާލެވިގެނެވެ. ރައީސް ސޯލިހު އިނގިރޭސިވިލާތަށް ވަޑައިގަތީ އިނގިރޭސި ރަސްގެފާނު ޗާލްސް ތަހުތުގައި ވެޑުވުމުގެ ހަފުލާއަށް ތިން ދުވަހަށެވެ.
ރައީސް އިނގިރޭސި ވިލާތުގައި އަލީ ވަހީދާ ބައްދަލު ކުރެއްވި ކަމަށް ބުނާ ވާހަކަތައް ރައީސަ އޮފީހުން ދޮގު ކުރީ އެ ދަތުރުފުޅުގައި ރައީސް ސޯލިހު، އަލީ ވަހީދާ ބައްދަލު ކުރައްވައި، އޭނާގެ މައްޗަށް ކުރާ ދައުވާތަކުގައި އިތުރަށް ފިޔަވަޅެއް ދެން ނާޅާނެ ކަމަށް ދަންނަވައި މާފެއް ދެއްވާފައިވާ ކަމުގެ އަޑުތަކުގެ އިތުރުން މީޑިއާ ރިޕޯޓްތަކެއް ވެސް އައިސްފައި އޮއްވަ އެވެ.
ރައީސް އޮފީހުގެ ތަރުޖަމާނު މިއުވާން މުހައްމަދު ވިދާޅުވި ގޮތުގައި ރައީސްގެ ދަތުރުފުޅުގައި އަލީ ވަހީދާ ބައްދަލު ކުރެއްވި ކަމަށް ބުނާ ވާހަކައަކީ ދޮގެކެވެ.
ދިޔަރެސްގައި ޖެހި ހަބަރު: އިނގިރޭސިވިލާތަށް ވަޑައިގެން ރައީސް އިބްރާހީމު އަލީ ވަހީދަށް "މައާފު" ދެއްވައިފި
ދައުވާތަކުގެ ލިސްޓުގައި
- 1.ޖިންސީ އަނިޔާ ކުރުން
- 2.ޖިންސީ ގޯނާކުރުން
- 3.ޖިންސީ ގޯނާކުރަން އުޅުން
- 4.ރޭޕް ކުރަން އުޅުން
- 5.ޖިންސީ ގުނަވަން ހާމަކުރުން
- 6.ހުއްދަ ނޫން ޖިންސީ މުއާމަލާތެއް ހިންގުމަށް އެދުން
އެ ދައުވާތައް އޮކްޓޫބަރު 5، 2022 ގައި ކުރިމިނަލް ކޯޓުން ވަނީ އަނބުރާ ފޮނުވާލާފަ އެވެ.
ކޯޓުން އޭރު އެ ދައުވާތައް ޕީޖީ އޮފީއަށް އަނބުރާ ފޮނުވާލީ އިންޓަޕޯލް ރެޑް ނޯޓިސް ނެރެގެން އޭނާ ޝަރީއަތަށް ހާޒިރު ކުރެވޭގޮތް ނުވެގެނެވެ. އެއާ ގުޅުވައި ޕީޖީ އޮފީހުން ބުނެފައި ވަނީ އެ ދައުވާތައް ފޮނުވާލާފައި އޮތީ ފަހުން ހުށަހެޅޭ ގޮތަށް ކަމަށެވެ. އެފަހުން އެ މައްސަލައިގެ ހަބަރެއް ނެތެވެ.
ކޮމެންޓް
އަލީ ވަހީދު ފޮނުވާލީ ވެސް ސަރުކާރުން އޮޅުވާލައިގެން. އެހެންވީމާ މިގޮތަށް އޮޅުވާލައިގެން މާފުވެސް ދީފާނެ ކަމަށް ބެލެވޭ. ފަހުން އަލީ ވަހީދުގެ އިންޓަވިއުތައް ދޭން ފެށުމުން އެކަން ހުއްޓުވީވެސް ސަރުކާރާއެކު އޮތް ޑީލެއްގެ ތެރެއިން ކަމަށް ވޭ. ވަކި ކަމެއް ފޮރުވާން ވުމުން އަލީ ވަހީދުވެސް އޯކޯ ވާނެ
Republic of Maldives