ރައީސް ޔާމީންގެ އަތް ކަނޑަން ޝިފާއު ގޮވާލައިފި
ރާއްޖޭގައި އަތް ކެނޑުމުގެ ހުކުމް ރައީސް މުހައްމަދު އަމީން ތަންފީޒު ކުރެއްވި ނަމަވެސް އެ ފަހުން ފެށިގެން އެކަން އޮތީ ހުއްޓާލާފަ އެވެ.
ޕީޕީއެމްގެ ރައީސް ކަމާއި އިދިކޮޅު ލީޑަރު ކަމުގައި ވެސް ހުންނެވި ކުރީގެ ރައީސް ޔާމީން އަބްދުލްގައްޔޫމުގެ އަތް ކަނޑަން ރައްޔިތުން މަޖިލީހުގެ މަޖިލިސް މެންބަރު މުހައްމަދު ޝިފާއު ގޮވާލައިފި އެވެ.
މަނީ ލޯންޑަރިންގެ ކުށެއް ސާބިތު ވެގެން ރައީސް ޔާމީން ހުންނެވީ ދިގު މުއްދަތުގެ ޖަލު ހުކުމެއް ތަންފީޒު ކުރުމަށް މާފުށީ ޖަލުގަ އެވެ. އެ މަނިކުފާނަކީ އިދިކޮޅުގެ ރިޔާސީ ކެންޑިޑޭޓެވެ. އަދި ވަރަށް ގިނަ ރައްޔިތުންގެ ތާއީދާއި ލޯބި އޮތް ސިޔާސީ ލީޑަރެކެވެ. އަދި އެ މަނިކފާނަކީ ރާއްޖޭގައި މަރުގެ ހުކުމް ތަންފީޒު ކުރައްވަން ބާރު އަޅުއްވައި އެކަމުގެ ތައްޔާރީތައް ވެވަޑައިގެންނެވި ބޭފުޅެކެވެ.
ރާއްޖޭގެ ގާނޫނު ހަދާ މަޖިލީހުގެ އިހަވަންދޫ ދާއިރާގެ މެންބަރުން އެހެން ވިދާޅުވީ މަޖިލީހުގެ މެންބަރުން ތިއްބަވާ ވަޓްސްއެޕް ގްރޫޕަށް އޭނާ ފޮނުއްވެވި މެސެޖެއް މެދުވެރިކޮށެވެ.
އޭނާގެ އެ މެސެޖާ ގުޅިގެން ސޯޝަލް މީޑިއާގަ އާއި އާންމުންގެ ތެރޭގައި ވެސް އޭނާއަށް ފާޑު ކިޔުން އިތުރުވެފައި ވެއެވެ. ހޫނު ފެނަށް ވެއްޓި ވަޑައިގަންނަވަން ޖެހޭ، އަދި ފާޑުކިޔުންތައް ވަރަށް ބޮޑަށް އަމާޒުވާ ފަދަ ވާހަކަފުޅުތައް މީގެ ކުރީން ވެސް ޝިފާއުގެ ފަރާތްޕުޅުން އައިސްފައި ވެއެވެ.
ރާއްޖޭގައި އަތް ކެނޑުމުގެ ހުކުމް ރައީސް މުހައްމަދު އަމީން ތަންފީޒު ކުރެއްވި އެވެ. ނަމަވެސް އެ ފަހުން އެކަން އޮތީ ހުއްޓާލާފަ އެވެ. އުވާލާފައެއް ނޫނެވެ.
ކޮމެންޓް
Republic of Maldives