މާފުށީ ޖަލުގައި ބިދޭސީ ގައިދީއަކު ހިތް ހުއްޓިގެން މަރުވެއްޖެ
ބަނގާލާދޭޝްގެ އަމީނުލް އިސްލާމް މަރުވިކަން އެނގުނީ މިއަދު ހެނދުނު ސައި ވަގުތު ނުހޭލުމުން ބެލި އިރު އެވެ.
މާފުށީގައި ހުންނަ، ސަރުކާރުގެ މައި ޖަލުގައި ހުކުމް ތަންފީޒު ކުރަމުން ދިޔަ ބިދޭސީ ގައިދީއަކު މިއަދު މަރުވެއްޖެ އެވެ.
އެ ޖަލުގައި މަރުވެފައި ވަނީ ބަންގުލަދޭޝްގެ މީހެއް ކަމަށްވާ އުމުރުން 29 އަހަރުގެ އަމީނުލް އިސްލާމެވެ. އޭނާގެ މައްޗަށް ހުކުމެއް ތަންފީޒު ކުރަން ޖަލަށް ލާފައި ހުރީ ބަދުއަހުލާގީ އަމަލެއް ހިނގައިގެނެވެ.
ކަރެކްޝަނުން ބުނީ ހަތް އަހަރުގެ ޖަލު ހުކުމެއް ތަންފީޒު ކުރަމުން ދިޔަ އަމީނުލް އިސްލާމް މަރުވިކަން އެނގުނީ މިއަދު ހެނދުނު ސައި ވަގުތު އޭނޭ ނުހޭލައިގެން ބެލި އިރު ކަމަށެވެ. ހެނދުނު އޭނާއަށް ގޮވި އިރު ހަރަކާތެއް ނެތުމުން މާފުށީ ހެލްތް ސެންޓަރަށް ގެންދިޔަ ނަމަވެސް އޭނާ މަރުވެފައިވާ ކަމަށެވެ.
އޭނާ މަރުވެފައި ހިތް ހުއްޓިގެންނެވެ. އެކަމަކު ބިދޭސީ އެ މީހަކީ އެއްވެސް ބައްޔަކަށް ފަރުވާއެއް ކުރަމުން ދިޔަ މީހެއް ނޫނެވެ.
ކަރެކްޝަނުން ބުނީ އަމީނުލް އިސްލާ މަރުވުމުން އެކަން އިންސްޕެކްޓާ އޮފް ކަރެކްޝަނަލް ސާވިސް އާއި ފުލުހާއި އެޗްއާރްސީއެމާއި ނެޝަނަލް އިންޓެގްރިޓީ ކޮމިޝަނަށް އަންގާފައިވާ ކަމަށެވެ.
ކޮމެންޓް
Republic of Maldives