ސަރުކާރަކާއެކު މެންބަރު ހުރުމުން ދާއިރާގެ ތަރައްގީ ފަސޭހަވޭ: ރައީސް
ދެހާސް އަށާރަ ވަނަ އަހަރުގެ ރިޔާސީ އިންތިހާބުގައި ގާތްގަނޑަކަށް 55 ޕަސެންޓް ވޯޓް ގުރައިދޫ ދާއިރާގެ ރައްޔިތުން ރައީސް ސޯލިހަށް ދިނެވެ.
މާލެ އަތޮޅު ގުރައިދޫ ގުރައިދޫ ދާއިރާގެ ރައްޔިތުންގެ ވިސްނުން އޮތް ގޮތް މިދިއަ ރިޔާސީ އިންތިހާބުގެ ވޯޓްގައި ވަރަށް ސާފުކޮށް ފެންނާން އޮތް ކަމަށާއި އެއީ ރައްޔިތުންގެ މަޖިލީހުގެ ކ. ގުރައިދޫ ދާއިރާގެ ބައި އިލެކްޝަނުގައި ގުރައިދޫ ދާއިރާ އޮތީ ސަރުކާރާ އެކީގައިކަން ހާމަވާ ކަމެއް ކަމަށް ރައީސް އިބްރާހިމް މުހައްމަދު ސޯލިހު ވިދާޅުވެއްޖެ އެވެ.
ދެހާސް އަށާރަ ވަނަ އަހަރުގެ ރިޔާސީ އިންތިހާބުގައު ގާތްގަނޑަކަށް 55 ޕަސެންޓް ވޯޓު އެ ދާއިރާގެ ރައްޔިތުން ރައީސް ސޯލިހަށް ދީފައި ވެއެވެ.
ކ. ގުރައިދޫ ދާއިރާގައި ހިމެނެނީ ގުރައިދޫ އާއި ގުޅި އާއި މާފުއްޓެވެ. އެ ދާއިރާގެ ކެމްޕޭނުގައި މިއަދު ގުޅިއަށް ވަޑައިގެން ރައީސް ވިދާޅުވީ މި މަހުގެ 15 ވަނަ ދުވަހު އޮންނަ ބައި އިލެކްޝަންގައި ވޯޓް ލާއިރު ވެސް އެ ވިސްނުމާ އެއްގޮތަށް ވޯޓު ދިނުމަށް އެދި ވަޑައިގަންނަވާ ކަމަށާއި ގުރައިދޫ ދާއިރާއަށް އެމްޑީޕީން ވާދަ ކުރައްވާ ކެންޑިޑޭޓް އިބްރާހިމް ޝާޒަކީ ދާއިރާގެ ތަރައްގީއަށްޓަކާ ސަރުކަރާއެކު މަސައްކަތް ކޮށްދެއް ވާނެ ބޭފުޅެއް ކަމަށެވެ.
- 1.ހުސައިން ރިޒާ - ޕީޕީއެމް (ކެންޑިޑޭޓް ނަންބަރު އެކެއް)
- 2.އިބްރާހީމް ޝާޒް - އެމްޑީޕީ (ކެންޑިޑޭޓް ނަންބަރު ދޭއް)
- 3.އަލީ އާރިފް - އެމްއެންޕީ (ކެންޑިޑޭޓް ނަންބަރު ތިނެއް)
އޭނާއަށް ވޯޓު ދޭން ވެސް ރައީސް ވަނީ އެދިވަޑައިގަތުމާއެކު ރައީސް ވިދާޅުވީ "އެއީ ގެއްލިގެން ދާނެ ވޯޓެއް ނޫން" ކަމަށާއި "ދާއިރާގެ ތަރައްގީއަށް ޝާޒް މަސައްކަތްކޮށް ދެއްވާނެ" ކަމަށެވެ.
ރައީސް ވިދާޅުވީ ރައްޔިތުންގެ މަޖިލީހުގައި ގާނޫނުތައް ހެދުމާއި އެހެން މަސައްކަތްތައް ކުރާއިރު ދާއިރާގެ ވިސްނުމާ އެއްގޮތަށް ދާއިރާއަށް ގެންނަންޖެހޭ ބަދަލުތައް ގެނައުމުގައި އިސް ކޮށް އުޅުއްވާނީ މެންބަރު ކަމަށާއި އޭރަކު އޮންނަ ސަރުކާރަކާ އެއްކޮށް މަސައްކަތްކުރުމުގެ ވިސްނުން ދާއިރާގެ މެމްބަރު ގެންގުޅުއްވާނަމަ އެ ދާއިރާއަކަށް ތަރައްގީ ގެނައުމުގައި ފަސޭހަތަކެއް ވެގެންދާ ކަމަށެވެ. އަދި ވިދާޅުވީ ގުރައިދޫ ދާއިރާގެ ގުޅިއަކީ ސަރުކާރާއެކީގައި އޮތް ރައްޔިތެއް ކަމަށެވެ.
ކޮމެންޓް
Republic of Maldives