ބީއެމްއެލް ކޮމިއުނިޓީ ފަންޑަށް އެދުން ހޮނިހިރު ދުވަހުގެ ރޭ ހަމަވާނެ

ބީއެމްއެލް ކޮމިއުނިޓީ ފަންޑަށް ޕްރޮޕޯސަލް ހުށަހެޅުމުގެ މުއްދަތު އަންނަ ހޮނިހިރު ދުވަހުގެ ރެއަށް ހަމަވާނެ އެވެ. މިއީ މިއަހަރުގެ ފުރަތަމަ ފިޔަވައްސެވެ.

ފަންޑަށް ޕްރޮޕޯސަލާއި އެޕްލިކޭޝަން ފޯމާއި އެހެން ލިޔެކިޔުންތައް ހުޅަހެޅޭނީ އީމެއިލް މެދުވެރިކޮށެވެ. ފޮނު ވާނީ community@bml.com.mv އީމޭލަށެވެ. 

ކޮމިއުނިޓީ ފަންޑަށް ހުށަހެޅުމުގެ ފުރުސަތު ލިބެނީ ރަޖިސްޓްރީ ކޮށްފައިވާ ޖަމިއްޔާތަކަށެވެ. އެ ގޮތުން ތިމާވެށްޓާ ގުޅުންހުރި ޕްރޮޖެކްޓް ތަކަށާއި، ތަޢުލީމާއި، ކުޅިވަރު ހަރަކާތްތަކުގެ އިތުރުން މުޖުތަމައުގެ ލާބަޔާއި މަންފާއަށް އަމާޒު ކޮށްގެން ހުށަހަޅާ ޕްރޮޖެކްޓް ތަކުގެ ތެރެއިން ހޮވޭ ކޮންމެ ޕްރޮޕޯސަލް އެއްގައި ހިމެނޭ ހަރަކާތް ހިންގުމަށްޓަކައި 50،000ރ. އާ ހަމައަށް އެހީ ދެ އެވެ. 

މިއަހަރު ފުރަތަމަ ފަނޑު ފިޔަވަހީގައި 10 ޕްރޮޖެކްޓެއް ހިންގަން މާލީ އެހީތެރިކަން ފޯރުކޮށް ދޭނެ އެވެ.