ދެކުނަށް ވަރަށް ވިއްސާރަ، ސީނުގައި ޑެންގީ ފެތުރެނީ

މާލެ ފިޔަވައި އެންމެ ބޮޑު އާބާދީއެއް އޮތް އައްޑު އަތޮޅު / އައްޑޫ ސިޓީގައި ޑެންގީ ހުން ފެތުރުން އިތުރުވެފައިވާ ކަމަށް ބުނެ ސީނު އަތޮޅުގެ ރައްޔިތުން އެކަމަށް ސަމާލު ވާން އިންޒާރުކޮށްފި އެވެ.

ސިޓީގެ ވެރިރަށް ހިތަދޫގައި ހުންނަ މައި ހޮސްޕިޓަލް އައްޑޫ އިކްއެޓޯރިއަލް ހޮސްޕިޓަލް (އޭއީއެޗް) އިން އިލްތިމާސްގެ ބަޔާނެއް ނެރެފައި ވަނީ ރޭގަ އެވެ. 

ހެލްތު އެޑްވައިޒަރީއެއްގެ ގޮތުގައި އެ ހޮސްޕިޓަލުން ނެރެ ފޭސްބުކްގައި ޕޯސްޓް ކޮށްފައިވާ އެ ލިޔުމުގައި ބުނެފައި ވަނީ ދެކުނުގެ އެ ހޮސްޕިޓަލަށް އެއްކުވެރިފައިވާ ތަފާސްހިސާބުތަކުން މި ދުވަސްވަރު އެ އަތޮޅުގައި ޑެންގީ ހުން އިތުރުވަމުންދާ ކަމަށް ފާހަގަ ވެފައިވާ ކަމަށެވެ.

އަދި މި ދުވަސްވަރަކީ ވިއްސާރަ ވެސް މޫސުމަށްވުމާ ގުޅިގެން ހުން އިތުރަށް ފެތުރުމަކީ ވެސް އެކަށީގެންވާ ކަމެއް ކަމަށެވެ. 

ހިތަދޫން "މި" ނޫހާ ވާހަކަ ދެއްކި ބައެއް މީހުން ބުނި ގޮތުގައި ވެސް މި ދުވަސްވަރު ހުމުގެ ރޯގާ އެ އަތޮޅުގައި ވަރަށް ބޮޑަށް ފެތުރިފައި ވެއެވެ. 

ސ. އަތޮޅުގައި މަދިރި ގިނަވަ ޑެންގޫ ހުން އިތުރު ވެފައިވާއިރު އައްޑޫ ހިމެނޭ ގޮތަށް ދެކުނުގެ ހަތަރު އަތޮޅަށް މޫސޫން ވެސް އެހައި ގޯހެވެ. މުސުމާބަހޭ ފޯކާސްޓްތައް މެޓް އޮފީހުން މިއަދު ނެރުނު އިރު ވެސް ދެކުނަށް ބޯކޮށް ވާރޭ ވެހޭނެ ކަމަށް ލަފާކޮށް ވައިޓް އެލާޓެއް އިޝޫ ކޮށްފައި ވެއެވެ.

މި އެ އެލާޓް އައްޑޫ އާއި ގއ. އަތޮޅާއި ގދ. އަތޮޅާއި ފުވައްމުލަކަށް މިއަދު ހެނދުނު 8:30 އިން ފެށިގެން މެންދުރު ފަހު 1:30 އާ ހަމައަށް އޮންނާނެ އެވެ. 

އެލާޓްގެ އެ ވަގުތުގެ ތެރޭގައި ބޯކޮށް ވާރޭ ވެހުމާ އެކީ ގުގުރާނެ ކަމަށް ވެސް ލަފާކޮށްފައިވެ އެވެ.