އެކްސްޕޯޓް މަހުގެ ރިޖެކްޝަން ނުބަލާ ކަމަށް ވިދާޅުވުމުން ވަޒީރާ ސުވާލު ކުރަނީ
ބޮންޑޭ ވިދާޅުވި ގޮތުގައި ސަރުކާރުން މަހުގެ ރިޖެކްޝަން ލެވެލް ނުބަލާނަމަ އަދި އިންވޮއިސްތައް ނުބަލާނަމަ ރާއްޖޭން ދެންް ބަލާނެ އެއްޗެއް ނޯންނާނެ އެވެ.
ރާއްޖޭން އެކްސްޕޯޓް ކުރާ މަހުގެ ރިޖެކްޝަން ސަރުކާރުން ނުބަލާ ކަމަށް ފިޝަރީޒް މިނިސްޓަރު ޑރ. ހުސައިން ރަޝީދު ހަސަން މަޖިލީޖުގައި މިއަދު ވިދާޅުވުމުން އެކަމާ ނުރުހުން ފާޅުކޮށް މިނިސްޓަރާ ސުވާލުކޮށް އެކަން ބައްލަވާނެ ކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅު ވެއްޖެ އެވެ.
ފިޝަރީޒުގެ މިިސްޓަރުގެ ފަރާތްޕުޅުން އެފަދަ ޖަވާބެއް އައީ މަޖިލީހުގެ މާފަންނު މެދު ދާއިރާގެ މެންބަރު އިބްރާހިމް ރަޝީދު (ބޮންޑޭ) ލިޔުމުން ޖަވާބެއް ހޯއްދަވަން ކުރެއްވި ސުވާލަށް ޖަވާބު ދެއްވަން މަޖިލީހަށް ފޮނުއްވެވި ނޯޓެއް މެދުވެރިކޮށެވެ.
މިދިއަ ތިން އަހަރު އެ ހިސާބުތައް ހުރީ ކޮން މިންވަރެއްގައިތޯ އެވެ؟ މިހާރު ގަނޑުކުރި މަސް އެކްސްޕޯޓް ކުރާ ގައުމުތަކާއި މިންވަރަކީ ކޮބައިތޯ އެވެ؟ އަދި ރިޖެކްޝަން ލެވެލަކީ ކޮބައިތޯ އެވެ؟
- 2019 އެކްސްޕޯޓްކުުރި ޕަސެންޓް ކިލޯ ގްރާމުން: 59 ޕަސެންޓް
- 2020 އެކްސްޕޯޓްކުުރި ޕަސެންޓް ކިލޯ ގްރާމުން: 69 ޕަސެންޓް
- 2021 އެކްސްޕޯޓްކުުރި ޕަސެންޓް ކިލޯ ގްރާމުން: 68 ޕަސެންޓް
މިނިސްޓަރުގެ ޖަވާބާ ގުޅިގެން މެންބަރު ބޮންޑޭ ވަނީ ހިތްޕުޅު ހަމަޖެހިވަޑައި ނުގެން ވާހަކަފުޅު ދައްކަވާފަ އެވެ. ބޮންޑޭ ވިދާޅުވީ މަހުގެ ރިޖެކްޝަން ލެވެލް ނުބަލާނަމަ އަދި އަދި އެކްސްޕޯޓް ކުރާ މަހުގެ އިންވޮއިސްތަކަށް ނުބަލާ ނަމަ ދެން ގައުމަކުން ބަލާނެ އެއްޗެއް ނޯންނާނެ ކަމަށާއި އަތެއް ސަތޭކެ ޓަނެއްގެ މަސް ތައިލެންޑްގެ ކޯލްޑް ސްޓޯރޭޖާ ހަމައިން ރިޖެކްޓްވިކަން އޮޑިޓް ރިޕޯޓުން ފާހަވާ ކަމަށެވެ.
މަސްއޫލިަޔަތުތަކާއި ޒިންމާތައް އަދާ ނުކުރައްވާ ކަމަށް ސާފު ބަހުން މިތަނަށް ލިޔުއްވާ ކަމަށް ވަނީވިއްޔާ އެއީ ވަރަށް ބޮޑު އުނދަގުލެއް!
ރައީސް މުހައްމަދު ނަޝީދު
"މަސްއޫލިަޔަތުތަކާއި ޒިންމާތައް އަދާ ނުކުރައްވާ ކަމަށް ސާފު ބަހުން މިތަނަށް ލިޔުއްވާ ކަމަށް ވަނީވިއްޔާ އެއީ ވަރަށް ބޮޑު އުނދަގުލެއް! އަޅުގަނޑު މިކަން ބެލުމަށް ފަހު ވަޒީރާ ވާހަކަ ދައްކަން އަމީން އާންމު އަރިހު އެދޭނަން" ރައީސް ނަޝީދު ވިދާޅުވި އެވެ.
ކޮމެންޓް
މިއީ ދެން ކީއްކުރާ މީހެއް މީނަ ކަނޑާލަންވީއެއްނު ޖޮބުން. އޭރަށް ތިކަން ބަލާނެ މީހުން ލެވޭނެ އެއްނު ކަނޑާލަބަލަ
Republic of Maldives