އާރުސީއެލަށް ދެ އަހަރު - ބޮޑު ބަދަލެއް، ފުރިހަމަ ކުރިއެރުމެއް
ގިނަ ރީޖަނަލް އެއާޕޯޓުތަކުގެ ސާމާނާއި ވަސީލަތް ހުރީ މުސްކުޅިވެ ބާވެ ހަލާކުވެފަ އެވެ. އެކަމަކު އާރުސީއެލުން ވަނީ އެ ވަސީލަތް އާ ކުރަން ވެސް މަސައްކަތް ކުރަމުންނެވެ. އަދި ބޮޑުބައެއް އާކޮށް ނިންމައިފި އެވެ.
ރީޖަނަލް އެއާޕޯޓްސް ކޮމްޕެނީ (އާރުސީއެލް) އުފެދުނުތާ އަދިވީ އެންމެ ދެ އަހަރެވެ. ނަމަވެސް މި ކުންފުންޏަކީ ރާއްޖޭގެ ވައިގެ ދަތުރުފަތުރަށް ހަގު ކުންފުންޏަކަށްވީ ނަމަވެސް މިހާރުގެ އެމްޑީ މުހައްމަދު ރިޒުވީ އެ ގެންދަނީ އާރުސީއެލް ކުރިއަށް ކޮއްޕަވަމުންނެވެ. އެކަން އެނގެނީ މިހާތަނަށް ނުވެ އޮތް އެންމެ ބޮޑު މަސައްކަތް ކަމަށްވާ ހުރިހާ ރީޖަނަލް އެއާޕޯޓް އިކްއިޕްމަންޓުގެ ބޮޑުބައި އާކޮށް ސިވިލި އޭވިއޭޝަންގެ ސްޓޭންޑަކަށް އެއާޕޯޓްތައް ފައްތަމުން ދިއުމެވެ.
ފަރެންސްމާތޮޑާ އެއާޕޯޓް ހުޅުވަން ބޭއްވި ރަސްމިއްޔާތުގައި ރީޖަނަލް އެއާޕޯޓްސް ކޮމްޕެނީ (އާރުއޭސީއެލް) ގެ މެނޭޖިން ޑިރެކްޓަރު މުހައްމަދު ރިޒުވީ ވިދާޅުވީ މިއަދު ރީޖަނަލް އެއާޕޯޓްސްތަކުގައި މަސައްކަތްކުރާ ހުރިހާ މުވައްޒަފުންނަކީ އެ މީހުންގެ ދާއިރާއިން ތަމްރީންވެފައި ތިބި މީހުންނެވެ. އަދި ހުރިހާ އެއާޕޯޓެއްގައި ބޭނުންކުރާ އިމްއިޕްމަންޓުގެ 80 ޕަސެންޓް ހަމަކުރެވި އާ އިކްއިޕްމަންޓާއެކީ އެއާޕޯޓްތައް ސިވިލް އޭވިއޭޝަންގެ ސްޓޭންޑަޑަށް ފައްތަމުންދާ ކަމަށެވެ.
"މިހާރު ގެންނަން ސްކޭނަރަކަސް ފަޔާ ސޫޓަކަސް އިކްއިޕްމަންޓަކަސް މި ގެންނަނީ ބްރޭންޑް ނިއު ޒަމާނީ އެއްޗިހި. އެ ޔަގީންކަން އަޅުގަނޑު އަރުވަން،" ކުރިން ގައުމީ އެއާލައިންގެ އެމްޑީގެ މަގާމުގައި ހުންނެވި ރިޒްވީ ވިދާޅުވި އެވެ.
ރީޖަނަލް އެއާޕޯޓްސް އިން މި އަހަރުގެ ކުރީކޮޅު ވަނީ ފަޔާމަނުން ތަމްރީން ކުރަން ހއ. ހޯރަފުށީގައި ހާއްސަ ޒަމާނީ ވަސީލަތެއް ގާއިމްކޮށްފަ އެވެ.
ބައި ގަރުނުގެ ކުރިއެރުން ދެ އަހަރުން
"އޭވިއޭޝަން ދާއިރާއަށް ބައި ގަރުނުން ނުލިބުނު ކުރިއެރުން އަޅުގަނޑުމެން ދެ އަހަރުން ހޯދައިފިން. މިހާރު އަޅުގަނޑުމެން ކުރަމުން މި މިދަނީ ފައިދާވާ ކުންފުންޏަކަށް ބަދަލު ކުރުމުގެ މަސައްކަތް. އަޅުގަނޑުމެން އެކަން ކުރާނަން. މީޑިއާގައި އަޑުގަދަ ނޫނަސް ދުވާލަކު ހެޑްލައިނެއް ނުހެދިޔަސް ރައީސް ވެފައިވާ ވަދުއު ރަނުންރަނަށް ފުއްދަން އެންމެ ތަންފުކެއް ވެސް ދުލެއް ނުދޭނަން."
ބައި ގަރުނުން ނުލިބުނު ކުރިއެރުން އަޅުގަނޑުމެން ދެ އަހަރުން ހޯދައިފިން. މިހާރު އަޅުގަނޑުމެން ކުރަމުން މި މިދަނީ ފައިދާވާ ކުންފުންޏަކަށް ބަދަލު ކުރުމުގެ މަސައްކަތް. އަޅުގަނޑުމެން އެކަން ކުރާނަން. މީޑިއާގައި އަޑުގަދަ ނޫނަސް ދުވާލަކު ހެޑްލައިނެއް ނުހެދިޔަސް ރައީސް ވެފައިވާ ވަދުއު ރަނުންރަނަށް ފުއްދަން އެންމެ ތަންފުކެއް ވެސް ދުލެއް ނުދޭނަން،
މުހައްމަދު ރިޒުވީ | މެނޭޖިން ޑިރެކްޓަރު
އޭނާ އިތުރަށް ވިދާޅުވީ ފަރެންސްމާތޮޑާ އެއާޕޯޓަކީ ރީޖަނަލް އެއާޕޯޓްސް އުފެދުނު ފަހުން އެ ކުންފުނީގެ ބައިވެެރިވުމާއެކު ހައުސިން މިނިސްޓަރު މުހައްމަދު އަސްލަމް އާއި ޓީމުގެ މަސައްކަތުން ކުރެވުނު ފުރިހަމަ މަސައްކަތެއް ކަމަށެވެ.
"އެއާޕޯޓަށް 45 ވަޒީފާއަށް ހުޅުވާލި ފުރުސަތުގައި 157 ފަރާތަކުން ކުރިމަތިލި 45 ވަޒީފާއާއެކު މި ސަރަހައްދަށް އަހަރަކު ހަތް މިލިއަން ރުފިޔާގެ އާމްދަނީއެއް ވަންނާނެ،" ރިޒްވީ ފާހަގަކުރެއްވި އެވެ.
ރީތި ޓާމިނަލްއަކާއެކު ހުޅުވި މި އެއާޕޯޓާބެހޭ ގޮތުން ރިޒްވީ ވިދާޅުވީ މި އެއާޕޯޓަކީ ހަމައެކަނި 1200 ކިލޯމީޓަރުގެ ތާރުގަނޑެއް ނޫން ކަމަށާ މިތަނުގެ ސަބަބުން މުޅި ސަރަހައްދަށް ފައިދާ ލިބިގެންދާނެ އެވެ. އަދި މިހާރު އެ ކުންފުނިން ކުރާ މަސައްކަތަކީ ރޭގަނޑު ފްލައިޓަށް ހުޅުވާލަން އެއާޕޯޓްތަކުގައި ލައިޓު ޖެހުމުގެ މަސައްކަތް ކަމަށް އޭނާ ވިދާޅުވި އެވެ.
"އަމާޒަކީ ކުޅުދުއްފުށީ އެއާޕޯޓް މިމަހުގެ ނިޔަލަށް ނިންމުން. ހަމަމިއާއެކުއެކީގައި ހޯރަފުއްޓާއި މާވަރުލު އެއާޕޯޓުގެ ލައިޓްތައްވެސް އެކުއެކީގައި ނިންމާލުން،"
ކޮމެންޓް
Republic of Maldives