މަތީ ތައުލީމީ ދާއިރާގެ މުސާރައަށް އަހަރަކު 113.4 މިލިއަން
އާ ޕޭ ފްރޭމްވޯކަށް ހިޖުރަކުރާއިރު ޔުނިވާސިޓީތަކުގެ އިދާރީ މުވައްޒަފުންގެ މުސާރަ ވެސް ވަނީ ބޮޑުކޮށްފަ އެވެ. އެމުވައްޒަފުންނަށް މިމަހުން ފެށިގެން މިހާރު ލިބޭ މުސާރައަށްވުރެ 35 ޕަސެންޓްގެ ކުރިއެރުމެއް ލިބޭނެ އެވެ.
މަތީ ތައުލީމީ ދާއިރާގެ މުސާރައަށް ބޮޑުތަކުން ކުރިއެރުން ދީފައިވާއިރު، މިހިނގާ މާޗު މަހުގެ މުސާރަ ލިބޭނީ އާ ޕޭ ފްރޭމްވޯކުގެ ދަށުންނެވެ. ދިވެހިރާއްޖޭގެ ގައުމީ ޔުނިވާސިޓީ، އިސްލާމިކް ޔުނިވާސިޓީ އަދި ޕޮލިޓެކްނިކްގައި މަސައްކަތް ކުރާ 767 މުވައްޒަފުންގެ މުސާރައަށް ގެނެވުނު ބަދަލާއެކު ދައުލަތުގެ ބަޖެޓުން އަހަރަކު އިތުރު ގަޑިއާއި ޕެންޝަނާއެކު 113.4 މިލިއަން ރުފިޔާ ހަރަދުވާނެ އެވެ. އެހެނަސް މިއަހަރުގެ މިމަހުން ފެށިގެން ޑިސެމްބަރު މަހުގެ ނިޔަލަށް ހަރަދުވާނީ އިތުރު ގަޑިއާއި ޕެންޝަނާއެކު 94.5 މިލިއަން ރުފިޔާ އެވެ.
ފިނޭންސް މިނިސްޓަރު އިބްރާހިމް އަމީރު މިއަދު ވިދާޅުވެފައި ވަނީ މިއީ ދުނިޔޭގެ ފެންވަރުގައި ވާދަކޮށްލެވޭ ފެންވަރަށް އެކުލަވާލައިފައިވާ އޮނިގަނޑެއް ކަމަށެވެ. އާ ޕޭ ފްރޭމްވޯކަށް ހިޖުރަކޮށްފައި މިވަނީ 2023 ވަނަ އަހަރުގެ ދައުލަތުގެ ބަޖެޓްގައި ޕްލޭންކޮށްފައިވާ ގޮތަށް ކަމަށެވެ.
"ކުރިއަށްވުރެ ދައުލަތުގެ އާމްދަނީ އެތައް ގުނައެއް އިތުރުވެފަ މިވަނީ. އެއީ އަޅުގަނޑުމެން ގެނައި ބަދަލުތަކާ އެއްކޮށް ޓެކްސްގެ އާމްދަނީ، ނޮން ޓެކްސް އާމްދަނީ ހަމަ އެކި ގޮތްގޮތުން އަޅުގަނޑުމެންނަށް އިތުރުވެފަ މިވަނީ. އެހެންވީމާ ބަޖެޓް ޕްލޭނާ ދުރަކުން އަޅުގަނޑުމެން ކުރިއަށް ގެންދާ ކަންތައްތަކެއް ނޫން. ހަމަ 2023 ވަނަ އަހަރަށް މަޖިލީހުން ފާސްކުރުމާ އެއްގޮތަށް މިދަނީ،" އަމީރު ވިދާޅުވި އެވެ.
ޕޭ ފްރޭމްވޯކަށް ހިޖުރަކުރާ ފަރާތްތަކާއި ފިސްކަލް އިމްޕެކްޓް
- 1.276 ޔުނިވާސިޓީ އެކެޑެމިކް ޕްރޮފެޝަނަލުން - އަހަރަކު 43 މިލިއަނުގެ ބެޖެޓެއް
- 2.30 ހަޔާ އެޑިއުކޭޝަން އިންސްޓިޓިއުޝަންތަކުގެ މެނޭޖަރުން - އަހަރަކު 4.8 މިލިއަނުގެ ބަޖެޓެއް
- 3.03 ހަޔާ އެޑިއުކޭޝަން އިންސްޓިޓިއުޝަންތަކުގެ ފަންކްޝަނަލް ޕްރޮފެޝަނަލުން - 262،296 ގެ ބަޖެޓެއް
- 4.18 ވޮކޭޝަނަލް އެޑިއުކޭޝަން ޕްރޮފެޝަނަލުން - 2.8 މިލިއަނުގެ ބަޖެޓެއް
މުސާރައަށް ގެނައި ބަދަލު
އާ ޕޭ ފްރޭމްވޯކަށް ހިޖުރަކުރާއިރު އެކިއެކި ރޭންކުތަކުގެ މުވައްޒަފުންގެ މުސާރައަށް ވަނީ އެކިވަރުގެ ބަދަލުތައް ގެނެސްފަ އެވެ. ހުރިހާ ޕްރޮފެޝަނެއްގެ މުވައްޒަފުންގެ މުސާރަ އެއްހަމަ ކުރުމަށް ސަރުކާރުން މަސައްކަތް ކުރަމުންދާއިރު، ގިންތި ކުރާގޮތުން މިހާރަށްވުރެ މުސާރަ ދަށް ނުވާނެ ކަމުގެ ޔަގީންކަން އަމީރު ދެއްވި އެވެ.
މިހާރު ގެނެސްފައިވާ ބަދަލުގައި އިތުރު ގަޑީގެ ފައިސާ ހިމަނާފައެއް ނުވެ އެވެ. އެހެންކަމުން އަލަށް ކަނޑައެޅި މުސާރައިގެ އިތުރުން އިތުރުގަޑީގެ ފައިސާ ވެސް ހިމެނޭ އެވެ.
މީގެ އިތުރުން ޔުނިޔާސިޓީތަކުގެ ޑީނުންނަށް ސްޓޫޑެންޓް އެންރޯލްމެންޓް އެލޮވެސެއް ވެސް ލިބޭނެ އެވެ. މި އެލޮވެންސް ކަނޑައަޅާނީ އެ ސެންޓަރެއްގައި ކިޔަވާ ދަރިވަރުންނަށް ބަލައިގެންނެވެ. މީގެ ކުރިން ޓީޗަރުންގެ މުސާރަ ބޮޑުކުރިއިރު ވެސް ސްކޫލުތަކުގައި ކިޔަވާ ދަރިވަރުންގެ ނިސްބަތަށް ބަލައި ޕްރިންސިޕަލުންނަށް މި އެލޮވެންސް ކަނޑައަޅާފައިވެ އެވެ.
- 1.ޑެޕިއުޓީ ވައިސް ޗާނެސެލާ - ކުރިން 39،433، މިހާރު އޯޓި ނުލައި 48،520
- 2.ރެޖިސްޓްރާ - ކުރިން 32،894، މިހާރު އޮޓީ ނުލައި 42،671
- 3.ޑީނުން - ކުރިން 30184، މިހާރު އޮޓީ ނުލައި 38،834
- 4.ޑީން އޮފް ސްޓޫޑެންޓްސް - ކުރިން 30،570، މިހާރު އޮޓީ ނުލައި 34،314
- 5.ކެމްޕަސް މެނޭޖަރުން - ކުރިން 17،672، މިހާރު އޮޓީ ނުލައި 30127
- 6.އެސިސްޓެންޓް ކެމްޕަސް މެނޭޖަރުން - ކުރިން 14،599، މިހާރު އޮޓީ ނުލައި 24،571
- 7.ޕްރޮފެސަރުން - ކުރިން 30،500، މިހާރު އޯޓީ ނުލައި 51،518
- 8.އެސޯސިއޭޓް ޕްރޮފެސަރުން - ކުރިން 26،380، މިހާރު އޯޓީ ނުލައި 45،102
- 9.އެސިސްޓެންޓް ޕްރޮފެސަރުން - ކުރިން 23،562، މިހާރު އޯޓީ ނުލައި 39،406
- 10.ސީނިއާ ލެކްޗަރާ - ކުރިން 20،831، މިހާރު އޯޓީ ނުލައި 34،027
- 11.ލެކްޗަރާ - ކުރިން 18،880، މިހާރު އޯޓީ ނުލައި 29،982
- 12.އެސޯސިއޭޓް ލެކްޗަރާ - ކުރިން 14،826، މިހާރު އޯޓީ ނުލައި 26،649
- 13.ސީނިއާ ޓިއުޓާ - ކުރިން 16،743، މިހާރު އޯޓީ ނުލައި 23،502
- 14.ކޮލިޓީ އެޝުއަރެންސް ކޮންޓްރޯލާ - ކުރިން 28،280، މިހާރު އޮޓީ ނުލައި 38،701
- 15.ކޮންޓްރޯލާ އޮފް އެގްޒަމިނޭޝަން - ކުރިން 30،303، މިހާރު އޯޓީ ނުލައި 34،604
މޯލްޑިވްސް ޕޮލިޓެކްނިކްގައި މަސައްކަތް ކުރާ މުވައްޒަރުންގެ މުސާރަ ކުޑަވެ އެތަނުގައި ފުލްޓައިމް ލެކްޗަރަރުން ވަރަށް މަދެވެ. އެތަނުގައި ވޮކޭޝަނަލް އެޑިއުކޭޝަން ޕްރޮފެޝަނަލުން މަދުވުމުގެ ސަބަބުން ދަރިވަރުންނަށް ކިޔަވައިދޭން ގިނައިން ތިބެނީ ޕާޓްޓައިމް ލެކްޗަރަރުންނެވެ. އެކަމަކު މުސާރައަށް ގެނައި ބަދަލާއެކު ފުލްޓައިމް ލެކްޗަރަރުން ވަޒީފާއަށް އެދޭ މިންވަރު ގިނަވާނެ ކަމަށް ހަޔާ އެޑިއުކޭޝަން މިނިސްޓަރު ޑރ. އިބްރާހިމް ހަސަން ވިދާޅުވެފައިވެ އެވެ. އެ ފަރާތްތަކުގެ މުސާރައަށް ގެނައި ބަދަލަކީ؛
- ސީނިއާ ލެކްޗަރާ - 17،390 އިން 34،027 އަށް
- ލެކްޗަރާ - 17،760 އިން 29،982 އަށް
- އެސޯސިއޭޓް ލެކްޗަރާ - 14،737 އިން 26،649 އަށް
- އެސިސްޓެންޓް ލެކްޗަރާ - 11،796 އިން 23،502 އަށް
އާ ޕޭ ފްރޭމްވޯކަށް ހިޖުރަކުރާއިރު ޔުނިވާސިޓީތަކުގެ އިދާރީ މުވައްޒަފުންގެ މުސާރަ ވެސް ވަނީ ބޮޑުކޮށްފަ އެވެ. އެމުވައްޒަފުންނަށް މިމަހުން ފެށިގެން މިހާރު ލިބޭ މުސާރައަށްވުރެ 35 ޕަސެންޓްގެ ކުރިއެރުމެއް ލިބޭނެ އެވެ.
މީގެ ކުރިން، ތައުލީމީ ދާއިރާގެ މުސާރަ ބޮޑުކުރުމުން މަތީ ތައުލީމީ ދާއިރާގެ މުވައްޒަފުން އިހުތިޖާޖު ވެސް ކުރި އެވެ. މިއައި ބަދަލާއެކު އެ މުވައްޒަފުންނަށް މުސާރައިގެ ރަގަޅު ކުރިއެރުމެއް ލިބިފައިވާ ކަމަށް ސަރުކާރުން ގަބޫލުކުރެ އެވެ.
ކޮމެންޓް
Republic of Maldives