މެރިން އެކްސްޕޯއިން މިފަހަރު: އޮޑިއެއް ބަނދެ ބެލެހެއްޓުމުގެ ހުރިހާ ކަމެއް

އޮޑިއެއް ބަންނަން ހިޔާލު ކުރުމުން ފެށިގެން ގޮސް، ބަނދެ ނިމުމާ ހަމައަށް ބޭނުން ވާނެ ހުރިހާ ކަމެއްގެ ހުރިހާ މައުލޫމާތު މޯލްޑިވްސް މެރިން އެކްސްޕޯއިން މިފަހަރު ލިބޭނެ ކަމަށް އެ އެކްސްޕޯ އިންތިޒާމް ކުރާ ފަރާތުން ކަށަވަރުކޮށް ދެ އެވެ. 

އެ އެކްސްޕޯގެ ބައެއް ޕާޓްނަރުންނާއެކު ސޮއި ކުރުމާއެކު އެންމެ ފަހުގެ މައުލޫމާތުތައް ދިނުމަށް މާގިރި ހޮޓެލްގައި ބޭއްވި ބައްދަލުވުމުގައި އިވެންޓުގެ މެނޭޖަރު ޝާމް މުހައްމަދު ވިދާޅުވީ އެހެން އަހަރުތައްވެސް ފަދައިން މިއަހަރު ވެސް އެ މައުރަޒަށް ބޮޑު ތަރުހީބެއް ލިބެމުން އަންނަ ކަމަށެވެ. އަދި ވިޔަފާރިތަކަށް ދޫކުރަން ހަމަޖައްސާފައިވާ 160 ސްޓޯލް މިހާރު އެއްކޮށް ފުރިފައިވާ ކަމަށެވެ.

އޭނާ ވިދާޅުވި ގޮތުގައި، މީގެ ކުރިން ކާމިޔާބު ހަތް އެޑިޝަނެއް ބާއްވާފައިވާ މެރިން އެކްސްޕޯގެ މިއަހަރުގެ އިވެންޓުން ވެސް ތަފާތު އެތައް ކަމެއް ފެންނާނެ އެވެ.

"މުޅި މެރިން އިންޑަސްޓްރީ ކަވަރު ވާގޮތަށް ހަތަރު އޭރިއާއަށް ފޯކަސް ކޮށްގެން އަޅުގަނޑުމެން މި ކުރިއަށް ގެންދަނީ" އޭނާ ވިދާޅުވި އެވެ.

މި އެކްސްޕޯގައި އައުޓްޑޯ އޭރިއާއަކާއި ޓްރޭޑް އޭރިއާއެއްގެ އިތުރުން ޑައިވިން އިންޑަސްޓްރީއަށް ހާއްސަ ކޮށްގެން އޭޝިއަން ޑައިވް އެކްސްޕޯގެ ފުރަތަމަ ޗެޕްޓާ ވެސް ކުރިއަށް ގެންދަން ވަނީ ހަމަޖައްސާފަ އެވެ.

ބައްދަލުވުމުގައި އެ އެކްސްޕޯގެ މެއިން ސްޕޮންސާ، އެމްޓީސީސީގެ ސީނިއާ މެނޭޖަރު، ޖިނާ އަހްމަދު ނަޖީބު ވެސް ބައިވެރިވެ ވަޑައިގަތެވެ. އޭނާ ވިދާޅުވީ މިއަހަރު ވެސް އެ ކުންފުނީގެ ސްޓޯލުން، އިންޑަސްޓްރީގައި އެ ކުންފުނިން ދެމުން އަންނަ އެކި ޚިދުމަތްތަކުގެ މައުލޫމާތު ލިބޭނެ ކަމަށެވެ. 

ހާއްސަކޮށް އެ ކުންފުނީގައި ހުރި ވަޒީފާގެ ފުރުސަތުތަކާ ބެހޭ މައުލޫމާތު ލިބޭނެ ކަން އޭނާ ފާހަގަ ކުރެއްވި އެވެ. މި ފަހަރުގެ އެކްސްޕޯގައި އެ ކުންފުނިން މުޅިން އާ އުފެއްދުންތަކެއް ބާޒާރަށް ނެރެ ދޭން ވެސް ވަނީ ހަމަޖައްސާފަ އެވެ.

އަދި ކިޔާލަން - މެރިން އެކްސްޕޯގެ ޕާޓްނަރުން ސޮއި އަޅައިފި ؛ މީޑިއާ ޕާޓްނަރަކީ "މި"