20 އަހަރު ފަސް: އާރުއޭސީއެލް ގްރައުންޑް ހޭންޑިންލިން އަގަށް ބަދަލު
އަގަށް ގެނެސްފައިވަނީ ނިސްބަތުން ކުޑަ ބަދަލެއް. ރީޖަނަލް އެއާޕޯޓްތަކުގެ ގްރައުންޑް ހޭންޑްލިން އަގު ބަދަލު ނުކުރާތާ 20 އަހަރު ވެއްޖެ
ރާއްޖޭގެ ގިނަ އެއާޕޯޓް ތަކެއް މެނޭޖްކުރާ ރީޖަނަލް އެއާޕޯޓްސް ކޮމްޕެނީ (އާރުއޭސީއެލް) އިން 20 އަހަރަށް ފަހު ގްރައުންޑް ހޭންޑްލިން އަގަށް ބަދަލު ގެނެސްފި އެވެ.
ރީޖަނަލް އެއާޕޯޓުތައް މެނޭޖު ކުރާ ކުންފުނި، އާރްއޭސީއެލްގެ މެނޭޖިން ޑިރެކްޓަރު މުހައްމަދު ރިޒުވީ "މި" ނޫހަށް ވިދާޅުވީ ގްރައުންޑް ހޭންޑްލިންގެ އަގުތަކަށް ބަދަލު ގެނެސްފައި ވަނީ 20 އަކަށް އަހަރަށް ފަހު ކަމަށެވެ. ނަމަވެސް އަގަށް އައި ބަދަލު އެ ކުންފުނިން އަދި ހާމައެއް ނުކުރެ އެވެ.
"މި އަގަކީ މީގެ 20 އަކަށް އަހަރު ކުރީގެ އަގުތަކެއް. މިހާރު ވަރަށް ގިނަ އަގުތަކަށްވެސް ބަދަލު އައިސްފައި މިވަނީ. އެހެންވެ އަގު ބޮޑުކުރީ،" ރިޒްވީ ވިދާޅުވި އެވެ.
"މި" ނޫހަށް އެނގިފައިވާ ގޮތުގައި މިހާރު ނަގަމުންދާ އަގަށް ނިސްބަތުން ގެނެސްފައިވަނީ ކުޑަ މަތި ކުރުމެކެވެ.
ރީޖަނަލް އެއާޕޯޓް ކުންފުނިން ހިންގާ އެއާޕޯޓްތައް
- ހޯރަފުށި އެއާޕޯޓު
- ފުވައްމުލަކު އެއާޕޯޓު
- ކުޅުދުއްފުށި އެއާޕޯޓު
- ފުނަދޫ އެއާޕޯޓު
- މާވަރުލު އެއާޕޯޓު
- ހަނިމާދޫ އެއާޕޯޓު
ރިޒްވީ ވިދާޅުވީ ސަރުކާރު ކުންފުޏެއް ނަމަވެސް އެއާޕޯޓެއް މެނޭޖު ކުރުމަކީ ގިނަ ހަަރަދުތަކެއް ހިނގާނެ ކަމެއް ކަމަށާ އެހެންވެ ރެވެނިއު ޖެނެރޭޓް މޮޑެލްއަކަށްދާން މަސައްކަތް ކުރަމުންދާ ކަމަށެވެ. އެގޮތުން އެކަމަށްޓަކައި ހުރި އޮޕްޝަންތައް ބަލަމުންދާ ކަމަށެވެ.
އަންނަ މަހު ހުޅުވަން ތައްޔާރުވަމުންދާ ގއ. ފަރެސްމާތޮޑާ އެއާޕޯޓް މެނޭޖުކޮށް ބަހައްޓާނީވެސް އާރުސީއެލް އިންނެވެ.
ކޮމެންޓް
Republic of Maldives