ފަލަސްތީނުގައި ޔަހޫދީން ވަޒަންވެރި ކުރުވުން ހުއްޓާލަން އދ، ގޮވާލައިފި
ބައިނަލްއަގުވާމީ ރިޕޯޓްތައް ބުނާ ގޮތުގައި ގްޓަރެސްގެ މި ވާހަކަފުޅު އައިސްފައި ވަނީ އިޒްރޭލުން މިހާރު ހިންގާ ޕްރޮގްރާމްތައް ފުޅާކޮށްފައިވާތީ އެވެ.
ފަލަސްތީނުގެ އަމިއްލަ ބިންތަކަށް ގަދަކަމުން އަރައިގަނެ ޔަހޫދީ އާބާދުތައް ހަަދައި ވަޒަންވެރި ކުރުވުން ހުއްޓާލަން އދ. ގެ ސެކްރެޓަރީ ޖެނެރަލް އެންޓޯނިއޯ ގުޓަރެސް އިޒްރޭލަށް ގޮވައި ލައްވައިފި އެވެ.
ގްޓަރެސް އެހެން ގޮވައިލެއްވި ނަމަވެސް އދ. ގެ އެފަދަ އެއްވެސް ނިންމުމަކީ އެމެރިކާގެ މަދަދާއެކު އިޒްރޭލުން އެއްވެސް ވަރަކަށް ސަމާލުކަން ދޭ އަދި ބަލައިވާ ހަދާ ކަމެއް ނޫނެވެ.
އެއާ ހިލާފަށް އިޒްރޭލުން އަބަދުވެސް ގެންދަނީ އަރައިގަނެ ފަލަސްތީނުން ހިފާފައިވާ ބިންތަކުގަގައި ޔަހޫދީން ވަޒަންވެރި ކުރުވުމުގެ ޕްރޮގްރާމް ދުވަހެއް ދުވަހަކަށް ފުޅާ ކުރަމުންނެވެ. މިހާރު ވެސް ބޮޑުވަޒީރު ބެންޖަމީން ނަތަންޔާހޫގެ ސަރުކާރުން ވަނީ ޔަހޫދީނަނަށް ފަލަސްތީނުގެ ބިމުގައި ގެދޮރު ބިނާ ކުރުމުގެ އާ މަޝްރޫއުތައް ރާވައި އިއުލާނު ކޮށްފަ އެވެ.
ގްޓަރޭސް ވިދާޅުވީ ފަލަސްތީނުގައި ޔަހޫދީން ވަޒަންވެރި ކުރުވާތީ ސުލްހައިގެ މަސައްކަތަށް ބޮޑެތި ހުރަސްތަކެއް ކުރިމަތިވެފައިވާ ކަމަށާއި އިޒްރޭލުގެ އެ އަމަލުތަކަކީ ބައިނަލްއަގުވާމީ ގާނޫނުތަކުން މަނާ ކޮށްފައިވާ ކަމަކަށްވާއިރު އެކަން ހުއްޓުވުމުގެ ޒިންމާ އދ. އަށް އެބައޮތް ކަމަށެވެ.
"އދ. އެންމެ ބޮޑު އަމާޒަކީ ވެސް އަދި ޒިންމާއަކީ ހަމަނުޖެހުންތައް ހުއްޓުވައި ސުލްހަ ގާއިމުކުރުން، ފަލަސްތީނަށް ހަމަޖެހުން ގެނެސް ދިނުން" ގްޓަރެސް ވިދާޅުވިއެވެ.
ބައިނަލްއަގުވާމީ ރިޕޯޓްތައް ބުނާ ގޮތުގައި ގްޓަރެސްގެ މި ވާހަކަފުޅު އައިސްފައި ވަނީ އިޒްރޭލުން މިހާރު ހިންގާ ޕްރޮގްރާމްތައް ފުޅާ ކޮށްފައިވާތީ އެވެ. އދ. އެއްޗެއް ނުބުނެ ހަނު އޮވެއްޖެ ނަމަ ގައުމުތަކުގެ ފިއްތުމާ ކުރިމަރިލާން ޖެހިދާނެ ކަމަށް ބަލައިގެނެވެ.
ކޮމެންޓް
Republic of Maldives