މާރާމާރީގައި ޒަހަމްވި މީހާ މާލެ ގެނެސްފި، ހާލު ދެރަ

އައްޑު އަތޮޅު ހިތަދޫގައި ބުރާސްފަތި ދުވަހުގެ ރޭ ހިންގި މާރާމާރީގައި އަނިޔާވި މީހާ އިތުރު ފަރުވާއަށް މާލެ ގެނެސްފި އެވެ.

ވެރިރަށް ހިތަދޫގައި ވަޅި ބޭނުންކޮށްގެން މާރާމާރީއެއް އައީ 18 އަހަރުގެ ކުއްޖަކާއި 54 އަހަރުގެ މީހަކާ ދެމެދު އެވެ. މި ހަމަލާގައި އަނިޔާވި މެދު އުމުރުގެ މީހާއަށް އިކްއެޓޯރިއަލް ހޮސްޕިޓަލްގެ އައިސީޔޫގައި ފަރުވާ ދިނުމަށް ފަހު އިތުރު ފަރުވާއަށް ރޭގެ ވަގުތެއްގައި ވަނީ މާލެ ގެނެސްފައެވެ.

އާއިލާއިން ބުނި ގޮތުގައި އެ މީހާގެ ހާލު ދެރަ އެވެ. މޭމައްޗަށް ދިން ހަމަލާއާ ގުޅިގެން ފުއްޕާމެއަށް ލޭ އެޅިފައިވެއެވެ.

މާރާމާރީގައި 18 އަހަރުގެ ކުއްޖާއަށް ވެސް އަނިޔާވެފައި ވެއެވެ. ނަމަވެސް ފުލުހުން ވަނީ އޭނާ ހައްޔަރުކޮށް މާރާމާރީއާ ގުޅޭ ތަހުގީގެއް ފަށާފަ އެވެ.

އައްޑޫގައި ރޭ މާރާމާރީ ހިންގި އިރު މިދިއަ ހަފުތާއެއްހާ ދުވަހުގެ ތެރޭގައި މާލޭގައި މާރާމާރީ ހިންގުން އިތުރުވެފައި ވެއެވެ.