އެސްއެސްޓީވީ ދުރަށް ދައްކަން ފަށައިފި
ޗެނަލް ފައްޓަވައިދެއްވީ އެ ކުންފުނީގެ މެނޭޖިން ޑިރެކްޓަރު، އަހްމަދު ސިޔާމް މުހައްމަދެވެ.
އެސްއެސް ނެޓްގެ، އެސްއެސްޓީވީ އިފްތިތާހުކޮށް ޗެނަލްތައް ދުރަށް ދައްކަން ފަށައިފި އެވެ.
އިއްޔެ މާލޭގެ މެންހެޓަން ބިޒްނަސް ހޮޓެލްގައި ބޭއްވި ރަސްމިއްޔާތެއްގައި އެ ޗެނަލް ފައްޓަވައިދެއްވީ އެ ކުންފުނީގެ މެނޭޖިން ޑިރެކްޓަރު، އަހްމަދު ސިޔާމް މުހައްމަދެވެ.
ހެނދުނު 9:00 އިން ރޭގަނޑު 12:00 އެ ޗެނަލްގެ ޕްރޮގުރާމުތައް ދައްކާނެ އެވެ. އެސްއެސް މީޑިއާގެ ސީއޯއޯ މުހައްމަދު އާސިފް (މޮންދު) ވިދާޅުވީ އެސްއެސްޓީވީގެ ޕްރޮގުރާމްތައް އާންމުކޮށް ޓީވީ ޕްރޮގުރާމްތައް ހުންނަ ވަރަށް ވުރެ ކުރުވާނެ ކަމަށެވެ. ކޮންޓެންޓު އުފެއްދުމުގައި އެ ޗެނަލުން އިސްކަން ދޭނީ ޒުވާން ހިޔާލު އޭގައި ހިމެނުމަށް ކަމަށެވެ.
އެގޮތުން، ރާއްޖެތެރޭގައި ތިބި، ކޮންޓެންޓު އުފައްދާ މީހުންނަށް އައުޓްސޯސް ކޮށްގެން ގިނަ އަދަދެއްގެ ކޮންޓެންޓު އުފެއްދުމަށް ނިންމާފައިވާ ކަމަށް މޮންދު ވިދާޅުވި އެވެ.
ކޮމެންޓް
Republic of Maldives