ލޯންޗެއްގެ ދަށުވެ، ފަތުރުވެރިޔަކު މަރުވެއްޖެ
އޭނާ ރަށަށް ގެންނަށް ލޯންޗަށް ނެގި އިރުވެސް މަރުވެފައިވާ ކަމަށް ބެލެވޭ ކަމަށެވެ. އެމީހާގެ ހަށިގަނޑު މިހާރު އޮތީ ތުލުސްދޫ ސިއްހީ މަރުކަޒުގަ އެވެ.
ކ. ތުލުސްދޫ ކައިރީ ފީނަން އުޅުނު ފަތުރުވެރިގެ ގައި މައްޗަށް ލޯންޗެއް އެރުމުގެ ސަބަބުން އެ މީހާ ލޯންޗު ދަށުވެ، މަރުވެއްޖެ އެވެ.
ތުލުސްދޫ ކައުންސިލުގެ ރައީސް އަސްލަމް މޫސާ "މި" ނޫހަށް ވިދާޅުވީ މިއަދު މެންދުރު 11:00 ހާއިރު ހިނގި އެ ހާދިސާގައި މަރުވީ އެ ރަށު ގެސްޓް ހައުސްއެއްގައި ޗުއްޓީ ހޭދަ ކުރަމުން އައި ސްޕޭނުގެ ފިރިހެނެއް ކަމަށެވެ.
"އެ ދިމާލުން ތަންކޮޅެއް ބޭރުގައި އޮތް ކަމަށް މައުލޫމާތު ލިބެނީ. އެ ކަނޑުއޮޅިއަކީ ވަރަށް ގިނަ ލޯންޗުތައް ދަތުރުކުރާ ތަނެއް" އޭނާ ވިދާޅުވި އެވެ.
މި ހާދިސާގައި މަރުވި މީހާގެ އެއް އަތް ބުރިވެފައިވާއިރު، ބަނޑު ފަޅައިގެން ގޮސް، ގޮހޮރު ވަނީ ބޭރަށް ނުކުމެފަ އެވެ. މީގެ އިތުރުން ވެސް ހަށިގަނޑުގެ އެކި ހިސާބު ތަކުގައި ފުން ޒަހަމުތަކެއް ހުރި ކަމަށް އެރަށުގެ ބައެއްް މީހުން މައުލޫމާތު ދެއެވެ. އޭނާގެ ޒަހަމްތައް އެހާ ބޮޑުވީ ލޯންޗްގެ ބުރަފަތީގައި ޖެހިގެން ކަމަށް ވެ އެވެ.
އަސްލަމް ވިދާޅުވީ އޭނާ ރަށަށް ގެންނަށް ލޯންޗަށް ނެގި އިރުވެސް މަރުވެފައިވާ ކަމަށް ބެލެވޭ ކަމަށެވެ. އެމީހާގެ ހަށިގަނޑު މިހާރު އޮތީ ތުލުސްދޫ ސިއްހީ މަރުކަޒުގަ އެވެ.
ކޮމެންޓް
Republic of Maldives